ന്യൂഡല്‍ഹി : ശബരി മലയെ ദേശീയ തീര്‍ത്ഥാടന കേന്ദ്രം ആക്കുവാന് പദ്ധതി യില്ല എന്ന് കേന്ദ്ര സര്‍ക്കാര്‍. കൊടിക്കുന്നില്‍ സുരേഷ് എം. പി. ലോക് സഭ യില്‍ ഉന്നയിച്ച ചോദ്യ ത്തിന് മറുപടി യായി ടൂറിസം വകുപ്പു മന്ത്രി പ്രഹ്ലാദ് സിംഗ് പട്ടേല്‍ ആണ് ഇക്കാര്യം വ്യക്ത മാക്കി യത്. മാത്രമല്ല ഒരു ആരാധനാലയ ത്തേയും ദേശീയ തീര്‍ത്ഥാടന കേന്ദ്രമാക്കി പ്രഖ്യാപിക്കില്ല എന്നും മന്ത്രി ലോക് സഭ യില്‍ പറഞ്ഞു.
എരുമേലി – പമ്പ – സന്നിധാനം തീര്‍ത്ഥാടക ഇടനാഴി, ശബരി മല തീര്‍ത്ഥാടക സര്‍ക്യൂട്ട് എന്നിങ്ങനെ രണ്ട് പദ്ധതികള്‍ സ്വദേശ് ദര്‍ശനു മായി ബന്ധപ്പെട്ട് ശബരി മലക്കു വേണ്ടി അനുവദിച്ചിട്ടുണ്ട് എന്നും മന്ത്രി അറിയിച്ചു.
