ഏറെ വിവാദം സൃഷ്ടിച്ച എസ്. എന്. സി. ലാവ്ലിന് കേസില് തന്നെ പ്രോസിക്യൂട്ടു ചെയ്യാന് അനുമതി നല്കിയ കേരളാ ഗവര്ണ്ണര് ആര്. എസ്. ഗവായിയുടെ തീരുമാനം നിയമ വിരുദ്ധമായി പ്രഖ്യാപിക്കുവാനും, തനിക്കെതിരെ സി. ബി. ഐ. നല്കിയ കുറ്റപത്രം റദ്ദാക്കുവാനും വേണ്ടി സുപ്രീം കോടതിയില് സി. പി. എം. സംസ്ഥാന സെക്രട്ടറി പിണറായി വിജയന് നല്കിയിട്ടുള്ള ക്രിമിനല് റിട്ട് ഹര്ജി വാദിക്കുവാനായി പ്രമുഖ അഭിഭാഷകന് ഫാലി എസ്. നരിമാന് ഹാജരാകും. സുപ്രീം കോടതിയിലെ മുന്നിര അഭിഭാഷകനും പ്രമുഖ ഭരണഘടനാ വിദഗ്ദ്ധനുമാണ് ശ്രീ നരിമാന്.
ഇതേ കേസില് സര്ക്കാരിനു വേണ്ടി ഹാജരാകുന്നതും മറ്റൊരു പ്രമുഖനാണ്. അഡ്വ. ഹരീഷ് സാല്വേ. കേസ് തിങ്കളാഴ്ച്ച കോടതിയുടെ പരിഗണനക്ക് വരും.
– എസ്. കുമാര്
 |
 |
 |
 |
 |
 |
 |
 |
 |
 |
 |
 |
 |
 |
തനിക്ക് ജാമ്യം ലഭിച്ചത് ഒരു വിജയമായി കാണേണ്ടതില്ല എന്ന് പ്രമുഖ മനുഷ്യാവകാശ പ്രവര്ത്തകനായ ഡോ. ബിനായക് സെന് അഭിപ്രായപ്പെട്ടു. അകാരണമായി അന്വേഷണ വിധേയമായി രണ്ട് വര്ഷത്തോളം തടവ് ശിക്ഷ അനുഭവിച്ച ഡോ. സെന് ജെയില് മോചിതനായി നടത്തുന്ന ആദ്യ പൊതു ചടങ്ങില് സംസാരിക്കു കയായിരുന്നു.
ധാര്മ്മികതയില് ഊന്നിയ പൊതുജന അഭിപ്രായം ഒരാളുടെ ഭരണഘടനാ പരമായ മൌലിക അവകാശങ്ങള് നിഷേധിക്കുവാനുള്ള ന്യായീകരണം ആകുന്നില്ല എന്ന് ഡല്ഹി ഹൈക്കോടതി വിധിച്ചു. പൊതുവായ ധാര്മ്മികതയേക്കാള് ഭരണഘടനാപരമായ ധാര്മ്മികതയാണ് പ്രധാനം. ധാര്മ്മിക രോഷം, അതെത്ര തന്നെ ശക്തമാണെങ്കിലും, ഒരാളുടെ മൌലിക അവകാശങ്ങളും സ്വകാര്യതയും നിഷേധിക്കാനുള്ള അടിസ്ഥാനം ആവില്ല. ഭൂരിപക്ഷ അഭിപ്രായം പ്രതികൂലമാണെങ്കിലും നമ്മുടെ വ്യവസ്ഥിതിയില് മൌലിക അവകാശത്തിന്റെ സ്ഥാനം പൊതു ധാര്മ്മികതയുടെ മുകളില് തന്നെയാണ് എന്നും ചീഫ് ജസ്റ്റിസ് എ. പി. ഷായുടെ നേതൃത്വത്തിലുള്ള ബെഞ്ച് പറഞ്ഞു.
മാലേഗാവ് സ്ഫോടന കേസില് അറസ്റ്റില് ആയ ഹിന്ദു സന്യാസിനി സാധ്വി പ്രഖ്യാ സിങ് ഠാക്കുര്, ലെഫ്റ്റനന്റ് കേണല് പ്രസാദ് പുരോഹിത് എന്നിവര്ക്ക് എതിരെ പ്രത്യേക കോടതി മുന്പാകെ മഹാരാഷ്ട്രാ പോലീസ് കുറ്റ പത്രം സമര്പ്പിക്കും. കേസില് പ്രതികള് ആയ പതിനൊന്ന് പേരുടേയും ജുഡീഷ്യല് കസ്റ്റഡി അവസാനിക്കുന്ന സാഹചര്യത്തില് ആണ് ഈ നടപടി. മുംബൈ ഭീകര ആക്രമണത്തില് കൊല്ലപ്പെട്ട ഹേമന്ത് കര്ക്കരെ ആയിരുന്നു ഈ കേസ് അന്വേഷിച്ചിരുന്നത്. ഈ കേസ് ഇത്തരം ഒരു വഴിത്തിരിവില് എത്തിക്കുന്നതില് അദ്ദേഹം സ്തുത്യര്ഹം ആയ ഒരു പങ്ക് തന്നെ വഹിച്ചിരുന്നു. ഈ കേസുമായി ബന്ധപ്പെട്ട് അദ്ദേഹത്തെ വധിക്കാനുള്ള ഗൂഡാലോചനയുടെ ഭാഗമായി മുംബൈ ഭീകര ആക്രമണത്തെ ഉപയോഗിച്ചു എന്ന സംശയം പലരും പ്രകടിപ്പിച്ചത് ഏറെ വിവാദവും ആയിരുന്നു. 
സിസ്റ്റര് അഭയെ കൊലപ്പെടുത്തിയ കേസിലെ പ്രതികളായ ഫാ. തോമസ് കോട്ടൂര്, ഫാ. ജോസഫ് പുതൃക്കയില്, സിസ്റ്റര് സെഫി എന്നിവര് കുറ്റം സമ്മതിച്ചരായി സി. ബി. ഐ. എറണാകുളം സി. ജെ. എം. കോടതിയെ അറിയിച്ചു. തുടക്കത്തില് വിസമ്മതം പ്രകടിപ്പിച്ച പ്രതികള് സി. ബി. ഐ. മുന്പ് നടത്തിയിരുന്ന നാര്ക്കോ അനാലിസിസ്, ബ്രെയിന് മാപ്പിംഗ് എന്നിവയുടെ റിപ്പോര്ട്ടുകളുടെ സഹായത്തോ ടെയുള്ള ചോദ്യം ചെയ്യലില് കുറ്റം സമ്മതിക്കുക ആയിരുന്നു.
