സാങ്കേതികം « e പത്രം – India News – രാഷ്ട്രം

കോവോ വാക്സിന്‍ കുട്ടികളിലെ പരീക്ഷണം ജൂലായില്‍ : സിറം ഇന്‍സ്റ്റിറ്റ്യൂട്ട്

June 27th, 2021

covid-19-vaccine-available-india-on-july-2021-to-cover-25-crore-people-ePathram
ന്യൂഡല്‍ഹി : രണ്ടു വയസ്സു മുതല്‍ 17 വയസ്സു വരെ പ്രായ പരിധിയില്‍ ഉള്ള കുട്ടി കളില്‍ സിറം ഇന്‍സ്റ്റി റ്റ്യൂട്ടിന്റെ കൊവിഡ് വാക്‌സിന്‍ ക്ലിനിക്കല്‍ പരീക്ഷണ ങ്ങള്‍ക്ക് തയ്യാറായി. അമേരിക്കന്‍ കമ്പനി യായ നോവോ വാക്‌സ് വികസിപ്പിച്ച കൊവിഡ് വാക്‌സിന്‍ കോവോ വാക്‌സ് എന്ന പേരിലാണ് ഇന്ത്യയില്‍ പുറത്തിറക്കുക.

Excited to witness the first batch of Covovax (developed by @Novavax) being manufactured this week at our facility in Pune. The vaccine has great potential to protect our future generations below the age of 18. Trials are ongoing. Well done team @seruminstindia! pic.twitter.com/K4YzY6o73A

— Adar Poonawalla (@adarpoonawalla) June 25, 2021

ഡി. സി. ജി. ഐ.യുടെ അനുമതി ലഭിച്ചാല്‍ അടുത്ത മാസം 10 കേന്ദ്രങ്ങളില്‍ വെച്ച് കുട്ടികളിലെ പരീക്ഷണ ങ്ങള്‍ക്ക് തുടക്കമാവും എന്നും സിറം ഇന്‍സ്റ്റി റ്റ്യൂട്ട് ഓഫ് ഇന്ത്യ സി. ഇ. ഒ. അദര്‍ പുനാവാല അറിയിച്ചു.

Novavax twitter , SerumInstitute

- pma

വായിക്കുക: covid-19, ആരോഗ്യം, മനുഷ്യാവകാശം, വൈദ്യശാസ്ത്രം, ശാസ്ത്രം, സാങ്കേതികം

അഭിപ്രായം എഴുതുക »

വാക്സിന്‍ വീടുകളിലേക്ക് : കേരളം മാതൃക എന്ന് മുംബൈ ഹൈക്കോടതി

June 13th, 2021

bombay-high-court-ePathram
മുംബൈ : മുതിര്‍ന്ന പൗരന്മാര്‍ക്കും കിടപ്പു രോഗി കൾക്കും ശാരീരിക ബുദ്ധി മുട്ടുകൾ അനുഭവിക്കുന്ന ആളുകള്‍ക്കും കൊവിഡ് വാക്സിന്‍ വീടുകളിൽ എത്തിക്കുന്നതില്‍ കേരളത്തെ മാതൃകയാക്കണം എന്ന് കേന്ദ്ര സർക്കാരിനോട് മുംബൈ ഹൈക്കോടതി. വാക്സിന്‍ വീടുകളിൽ എത്തിച്ച് നൽകണം എന്ന് ആവശ്യപ്പെട്ടുള്ള പൊതു താൽപര്യ ഹർജി പരിഗണി ക്കുക യായിരുന്നു കോടതി.

വീടുകളിൽ എത്തി വാക്സിന്‍ നൽകുന്ന പദ്ധതി രാജ്യത്തു നടപ്പിലാക്കാൻ തടസ്സം എന്തെങ്കിലും ഉണ്ടോ എന്നും കോടതി ചോദിച്ചു. കേരള മാതൃക ചൂണ്ടിക്കാട്ടി യായിരുന്നു കോടതി യുടെ പരാമർശം.

കൊവിഡ് വാക്സിന്‍ വീടുകളിൽ എത്തിക്കുക എന്നത് സാദ്ധ്യമല്ല എന്നുള്ള കേന്ദ്ര സർക്കാര്‍ പരാമർശത്തെ കോടതി രൂക്ഷമായി വിമർശിച്ചു.

കേരളവും ജമ്മു കശ്മീരും ഇതു വിജയ കരമായി നടപ്പാക്കുന്നുണ്ട് എന്നും മറ്റു സംസ്ഥാന ങ്ങളിൽ നടപ്പിലാക്കുവാന്‍ എന്താണ് തടസ്സം എന്നും കോടതി ചോദിച്ചു.

വീടുകളില്‍ വാക്സിന്‍ എത്തിക്കുന്നതിൽ ഈ സംസ്ഥാനങ്ങള്‍ വിജയം വരിച്ചത് എങ്ങനെയാണ്? കേരള – ജമ്മു കശ്മീർ മാതൃകയോട് കേന്ദ്ര ത്തിന്റെ പ്രതികരണം എന്താണ്? കേന്ദ്രത്തിന്റെ പ്രശ്നം എന്താണ് എന്ന് മനസ്സിലാകുന്നില്ല. നിങ്ങള്‍ എന്തു കൊണ്ടാണ് ഈ സംസ്ഥാനങ്ങളോട് ആശയ വിനിമയം നടത്താത്തത്?. ഇതു പ്രാവർത്തികം ആക്കുവാൻ കഴിയുന്നത്‌ എങ്കില്‍ എന്തു കൊണ്ടാണ് മറ്റു സംസ്ഥാന ങ്ങളിലും ഇത് ആവിഷ്കരിക്കാത്തത്? എന്നും കോടതി ചോദിച്ചു.

- pma

വായിക്കുക: covid-19, ആരോഗ്യം, കേരളം, കോടതി, നിയമം, പ്രതിഷേധം, മനുഷ്യാവകാശം, മുംബൈ, സാങ്കേതികം

അഭിപ്രായം എഴുതുക »

കൊവിഡ് വാക്സിന്‍ ഇനി മുതല്‍ സൗജന്യം

June 8th, 2021

covid-19-vaccine-available-india-on-july-2021-to-cover-25-crore-people-ePathram
ന്യൂഡൽഹി : രാജ്യത്തെ വാക്സിന്‍ നയം പരിഷ്‍കരിച്ചു എന്നു പ്രധാന മന്ത്രി നരേന്ദ്ര മോഡി. 18 വയസ്സു കഴിഞ്ഞ എല്ലാവർക്കും ജൂണ്‍ 21 മുതൽ സൗജന്യമായി കൊവിഡ് വാക്സിന്‍ നല്‍കും. ഇതിനായി വിദേശ രാജ്യങ്ങളില്‍ നിന്നും കേന്ദ്ര സര്‍ക്കാര്‍ നേരിട്ട് വാക്സിന്‍ സ്വീകരിച്ച് സംസ്ഥാനങ്ങള്‍ക്ക് സൗജന്യമായി വിതരണം ചെയ്യും എന്നും പ്രധാന മന്ത്രി പ്രഖ്യാപിച്ചു.

നൂറ് വര്‍ഷത്തിനിടയില്‍ രാജ്യം നേരിടുന്ന വലിയ മഹാമാരിയാണ് കൊവിഡ്. ഇതിനെ നേരിടുവാനുള്ള ഏറ്റവും വലിയ ആയുധം കൊവിഡ് പ്രോട്ടോക്കോള്‍ പാലിക്കുക എന്നതാണ്. ഇതിന് എതിരെയുള്ള സുരക്ഷാ കവചമാണ് വാക്‌സിന്‍.

My address to the nation. Watch. https://t.co/f9X2aeMiBH

— Narendra Modi (@narendramodi) June 7, 2021

രാജ്യം രണ്ട് വാക്‌സിനുകള്‍ വികസിപ്പിച്ചു. 23 കോടി വാക്‌സിന്‍ ഇതുവരെ രാജ്യത്ത് വിതരണം ചെയ്തു. വരും ദിവസങ്ങളില്‍ വാക്‌സിന്‍ വിതരണം അധികരി പ്പിക്കും. രാജ്യ ത്ത് ഏഴു കമ്പനികള്‍ വാക്സി നുകള്‍ ഉത്പാദി പ്പിക്കുന്നു. മൂന്നു വാക്‌സിനു കള്‍ ക്ലിനിക്കല്‍ ട്രയലില്‍ എന്നും അദ്ദേഹം പറഞ്ഞു.

കഴിഞ്ഞ ഒന്നര വര്‍ഷത്തിനിടയില്‍ രാജ്യത്തെ ആരോഗ്യ രംഗത്തുള്ള അടിസ്ഥാന സൗകര്യ ങ്ങള്‍ വികസിച്ചു. കൊവിഡ് രണ്ടാം തരംഗത്തില്‍ മെഡിക്കല്‍ ഓക്‌സിജ ന്റെ ആവശ്യം വര്‍ദ്ധിച്ചു. ഓക്‌സിജന്‍ എത്തിക്കാന്‍ അടിയന്തര നടപടികള്‍ സ്വീകരിക്കുകയും രാജ്യത്തെ ഓക്‌സിജന്‍ ഉത്പാദനം പത്തിരട്ടി ആയി വര്‍ദ്ധി പ്പിക്കു കയും ചെയ്തു എന്നും പ്രധാന മന്ത്രി പറഞ്ഞു.

- pma

വായിക്കുക: corona-virus, covid-19, അന്താരാഷ്ട്രം, നിയമം, മനുഷ്യാവകാശം, വൈദ്യശാസ്ത്രം, സാങ്കേതികം

അഭിപ്രായം എഴുതുക »

കൊവിഡ് B.1.617 വക ഭേദത്തെ പ്രതിരോധിക്കും – കുട്ടികളിലും ഉപയോഗിക്കാം : ഫൈസർ

May 27th, 2021

pfizer-covid-vaccine-in-india-storage-at-70-degrees-ePathram
ന്യൂഡൽഹി : ഇന്ത്യയില്‍ പടര്‍ന്നു പിടിച്ച B.1.617 എന്ന കൊവിഡ് വൈറസ് വകഭേദത്തെ പ്രതിരോധിക്കുവാന്‍ ഫൈസര്‍ വാക്സിനു സാധിക്കും എന്നും 12 വയസ്സിനു മുകളില്‍ ഉള്ളവരിൽ ഫൈസര്‍ വാക്സിന്‍ ഫലപ്രദമാണ് എന്നും നിര്‍മ്മാതാക്കള്‍ കേന്ദ്ര സര്‍ക്കാറിനെ അറിയിച്ചു. ഇന്ത്യയില്‍ ഫൈസര്‍ വാക്സിന്റെ അടിയന്തര ഉപയോഗ ത്തിനു വേണ്ടിയുള്ള അനുമതി നൽകണം എന്നും ആവശ്യപ്പെട്ടു.

ഇന്ത്യക്കാരിലും ബ്രിട്ടിഷ് ഇന്ത്യക്കാരിലും പബ്ലിക് ഹെൽത്ത് ഇംഗ്ലണ്ട് (പി. എച്ച്. ഇ.) നടത്തിയ പഠന ത്തിന്റെ അടിസ്ഥാനത്തില്‍ ബി.1.617 എന്ന വൈറസ് വകഭേദത്തെ പ്രതി രോധിക്കുവാന്‍ ഫൈസര്‍ വാക്സിനു കഴിയും എന്ന് വ്യക്തമായിരുന്നു എന്നാണ് കേന്ദ്ര സര്‍ക്കാരിനു നൽകിയ റിപ്പോർട്ടിൽ കമ്പനി അധികൃതര്‍ പറയുന്നത്.

പഠനം നടത്തിയ ആളുകളിലെ 26 ശതമാനം പേരിലും ഫൈസര്‍ വാക്സിന്‍ മികച്ച ഫലം നല്‍കി എന്നും ഇന്ത്യ യിൽ വ്യാപകമായിട്ടുള്ള B.1.617 എന്ന വകഭേദ ത്തിന്ന് എതിരെ ഫൈസർ വാക്സിന്‍ 87.9 ശതമാനം ഫലം നല്‍കി യിട്ടുണ്ട് എന്നതാണ് പഠനങ്ങള്‍ വ്യക്ത മാക്കിയത് എന്നും അധികൃതര്‍ അവകാശപ്പെടുന്നു.

കോവിഷീൽഡ്, കോവാക്സിൻ, സ്പുട്നിക് V എന്നീ വാക്സിനു കള്‍ക്കാണ് ഇന്ത്യയിൽ നിലവിൽ അനുമതി നല്‍കിയിട്ടുള്ളത്.

- pma

വായിക്കുക: covid-19, അന്താരാഷ്ട്രം, ആരോഗ്യം, കുട്ടികള്‍, മനുഷ്യാവകാശം, വൈദ്യശാസ്ത്രം, വ്യവസായം, സാങ്കേതികം

അഭിപ്രായം എഴുതുക »

കൊവിഡ് ‘ഇന്ത്യൻ വക ഭേദം’ എന്ന പ്രയോഗത്തിനു വിലക്ക്

May 23rd, 2021

covid-multiple-spike-protein-mutations-ePathram
ന്യൂഡൽഹി : കൊറോണ വൈറസിന്റെ B.1.617 വക ഭേദത്തെ’ഇന്ത്യന്‍ വകഭേദം’ എന്നുള്ള വിളിപ്പേരിനു വിലക്ക് ഏര്‍പ്പെടുത്തി കേന്ദ്ര സര്‍ക്കാര്‍. കൊറോണ വൈറസിന്റെ ‘ഇന്ത്യൻ വകഭേദം’ എന്ന പ്രയോഗവും ഇതുമായി ബന്ധപ്പെട്ട എല്ലാ ഉള്ളടക്കങ്ങളും എത്രയും വേഗം സാമൂഹിക മാധ്യമ ങ്ങളില്‍ നിന്നും നീക്കം ചെയ്യണം എന്നും ആവശ്യപ്പെട്ടു.

കൊവിഡ് ‘ഇന്ത്യൻ വകഭേദം’ എന്ന പ്രയോഗം തെറ്റി ദ്ധാരണ പരത്തുന്നതും രാജ്യത്തി ന്റെ പ്രതിച്ഛായയെ ബാധിക്കുന്നതും ആണെന്നും സര്‍ക്കാര്‍ വൃത്തങ്ങള്‍ അറിയിച്ചു.

മാത്രമല്ല ലോക ആരോഗ്യ സംഘടന ഒരു ഘട്ടത്തിലും B.1.617 വകഭേദവുമായി ബന്ധപ്പെടുത്തി ഈ വാക്ക് ഒരിക്കല്‍ പോലും ഉപയോഗിച്ചിട്ടില്ല എന്നും മന്ത്രാലയം ഓര്‍മ്മിപ്പിച്ചു.