 |
 |
 |
 |
 |
 |
 |
 |
 |
 |
 |
 |
 |
 |
മെക്സിക്കോ സിറ്റി : കനത്ത മഴയെ തുടര്ന്ന് നടന്ന ഉരുള് പൊട്ടലില് മെക്സിക്കോയില് ആയിരത്തിലേറെ പേര് കൊല്ലപ്പെട്ടു. മുന്നൂറോളം വീടുകള് മണ്ണിനടിയില് അകപ്പെട്ടു പോയതായി അധികൃതര് അറിയിച്ചു. ഒവക്സാക്ക സംസ്ഥാനത്ത് ഒരു മലയിടിഞ്ഞതാണ് ഇത്രയേറെ പേര് മരിക്കാന് ഇടയായത്. സൈനികരും ദുരിതാശ്വാസ പ്രവര്ത്തകരും സംഭവ സ്ഥലത്തേയ്ക്ക് തിരിച്ചിട്ടുണ്ട് എന്ന് പ്രസിഡണ്ട് ഫെലിപ് കാല്ദേറോണ് അറിയിച്ചു.
- ജെ.എസ്.
വായിക്കുക: അപകടം, കാലാവസ്ഥ, മെക്സിക്കോ
ഹരിദ്വാര് : ഉത്തരാഖണ്ഡില് കഴിഞ്ഞ അഞ്ച് ദിവസങ്ങളായി തുടരുന്ന കനത്ത മഴയില് 72 പേര് കൊല്ലപ്പെട്ടു. 15 പേരെ കാണാതായിട്ടുമുണ്ട്. കോര്ബെറ്റ് നാഷണല് പാര്ക്കിനു സമീപമുള്ള വിനോദ സഞ്ചാര കേന്ദ്രങ്ങള് പലതും നശിച്ചു. പ്രദേശത്തേയ്ക്കുള്ള വൈദ്യുതി നിലച്ചു. വാര്ത്താ വിനിമയ ബന്ധങ്ങളും തകരാറില് ആയിട്ടുണ്ട്. വിദ്യാലയങ്ങള്ക്ക് ചൊവ്വാഴ്ച വരെ അവധി പ്രഖ്യാപിച്ചു.
തെഹരി അണക്കെട്ടിലെ ജലം തുറന്നു വിട്ടതോടെ ഋഷികേശിലും ഹരിദ്വാറിലും ജല നിരപ്പ് ഉയര്ന്നു. ഹരിദ്വാറില് ഗംഗാ നദി അപകടകരമായ നിരപ്പിനേക്കാള് രണ്ടു മീറ്ററോളം മുകളിലാണ്. തെഹരി അണക്കെട്ടിന്റെ പരമാവധി നിരപ്പ് 830 അടിയാണ്. ഇത് കവിഞ്ഞാല് പ്രവചിക്കാനാവാത്ത വിപത്താവും സംഭവിക്കുക.
സൈനിക സംഘങ്ങളും ബോട്ടുകളും രക്ഷാ പ്രവര്ത്തനങ്ങള്ക്കായി എത്തിയിട്ടുണ്ട്.
- ജെ.എസ്.
ലേ : കനത്ത മഴയും ഉരുള് പൊട്ടലും കാരണം രക്ഷാ പ്രവര്ത്തനങ്ങള് കുറച്ചു നേരത്തേയ്ക്ക് നിര്ത്തി വെക്കേണ്ടി വന്ന ലേ യില് മരണ സംഖ്യ 130 ആയി. 500 ലധികം പേരെ കാണാതായിട്ടുണ്ട്. ആയിര കണക്കിന് സൈനികര് രക്ഷാ പ്രവര്ത്തനങ്ങള്ക്കായി രംഗത്തെത്തിയിട്ടുണ്ട്. ബുള് ഡോസറുകളും മറ്റു മണ്ണു മാന്തി യന്ത്രങ്ങളും ഉപയോഗിച്ച് ഊര്ജ്ജിതമായി രക്ഷാ പ്രവര്ത്തനങ്ങള് മുന്നേറുന്നുണ്ട്. ലേ യിലെ ഷോഗ്ലാംസാര് പട്ടണത്തിലാണ് വെള്ളപ്പൊക്കം ഏറ്റവും അധികം ദുരിതം വിതച്ചത്. ഉറങ്ങി കിടക്കുകയായിരുന്ന അനേകം പേര് ഇവിടെ ഭൂമിക്കടിയിലായി മരിച്ചതായി സംശയിക്കപ്പെടുന്നുണ്ട്.
- ജെ.എസ്.
ബീഹാര്, പശ്ചിമ ബംഗാള്, ആസാം എന്നീ സംസ്ഥാനങ്ങളില് ആഞ്ഞു വീശിയ കൊടുങ്കാറ്റില് 120ഓളം പേര് കൊല്ലപ്പെട്ടു. ഇന്നലെ അര്ദ്ധ രാത്രിയാണ് 125 കിലോ മീറ്റര് വേഗതയുള്ള കൊടുങ്കാറ്റ് ആഞ്ഞടിച്ചത്. ഏറ്റവും അധികം പേര് കൊല്ലപ്പെട്ടത് ബീഹാറിലാണ്. ബീഹാറിലെ അഞ്ചു ജില്ലകളിലായി 77 പേര് കൊല്ലപ്പെട്ടു. പശ്ചിമ ബംഗാളിലെ ഒരു ജില്ലയിലെ 39 പേരും, ആസാമില് 4 പേരും കൊല്ലപ്പെട്ടു. മരിച്ചവരുടെ ബന്ധുക്കള്ക്ക് 1.5 ലക്ഷം രൂപയുടെ ദുരിതാശ്വാസം നല്കുമെന്ന് ബീഹാര് മുഖ്യമന്ത്രി അറിയിച്ചു. ഇതിനു പുറമേ, ധാന്യവും, ഇന്ദിരാ ആവാസ് യോജന പദ്ധതി പ്രകാരം വീട് നിര്മ്മിച്ച് നല്കാനും ഉത്തരവായി. മരിച്ചവരുടെ ബന്ധുക്കള്ക്ക് 2 ലക്ഷം രൂപാ വീതം നല്കുമെന്ന് പശ്ചിമ ബംഗാള് സര്ക്കാരും അറിയിച്ചു.
- ജെ.എസ്.
ഡല്ഹി : കോപ്പന് ഹേഗന് കാലാവസ്ഥാ ഉച്ചകോടിയില് ഇന്ത്യന് നയം വ്യക്തമാക്കി കൊണ്ട് പരിസ്ഥിതി മന്ത്രി ജയറാം രമേഷ് പാര്ലമെന്റിനു മുന്പില് സമര്പ്പിച്ച രേഖ അമേരിക്കയെ പ്രീതിപ്പെടുത്താന് ഉദ്ദേശിച്ച് ഉള്ളതാണെന്ന് ശാസ്ത്ര പരിസ്ഥിതി കേന്ദ്രം (Centre for Science and Environment – CSE) ഡയറക്ടര് സുനിത നരൈന് അഭിപ്രായപ്പെട്ടു. മലിനീകരണ അളവുകളില് നിയമപരമായ നിയന്ത്രണം കൊണ്ടു വരുന്നതിനെ എതിര്ത്ത ഇന്ത്യ സ്വയം നിര്ണ്ണയിക്കുന്ന അളവുകള് ഏര്പ്പെടുത്തി ആഭ്യന്തര മലിനീകരണം നിയന്ത്രിക്കും എന്ന നിലപാടാണ് സ്വീകരിക്കുന്നത്. മലിനീകരണം നിയമപരമായി നിയന്ത്രിക്കപ്പെട്ടാല് അത് ഏറ്റവും അധികം ബാധിക്കുന്നത് അമേരിക്കയെയും ചൈനയെയും ആയിരിക്കും എന്നതിനാല് ഇതിനെ എതിര്ത്ത് സ്വയം നിര്ണ്ണയിക്കുന്ന അളവുകള് ഏര്പ്പെടുത്താനാണ് അമേരിക്കയ്ക്ക് താല്പ്പര്യം. ഇതേ നിലപാട് തന്നെ പിന്തുടരുക വഴി അമേരിക്കന് വാദത്തിന് പിന്ബലം നല്കുകയാണ് ഇന്ത്യ.
വന് കല്ക്കരി ശേഖരമുള്ള ഇന്ത്യയുടെ വികസനത്തിന് തടസ്സമാവും ആഗോള മലിനീകരണ നിയന്ത്രണം എന്നതാണ് ഇന്ത്യയുടെ വാദം. ദാരിദ്ര്യം അനുഭവിക്കുന്ന കോടിക്കണക്കിന് ജനങ്ങളുടെ ക്ഷേമത്തിന് ഊര്ജ്ജം പകരാന് ഇന്ത്യ കല്ക്കരിയെ തന്നെയാണ് ആശ്രയിക്കുന്നത്. ഇതാണ് ആഗോള നിയന്ത്രണത്തെ ഇന്ത്യ എതിര്ക്കുന്നത്. എന്നാല് ആഗോള താപനവും തല് ഫലമായി ശോഷിക്കുന്ന ഹിമാലയന് മഞ്ഞു മലകളും, ഉയരുന്ന സമുദ്ര നിരപ്പുമെല്ലാം ഇന്ത്യയ്ക്ക് ഏറെ ആശങ്കയ്ക്ക് വക നല്കുന്നുണ്ട്.
മലിനമാകുന്നതോടെ ഭൂമിയുടെ മരണമാണ് ആസന്നമാകുന്നത്. ഇതിന്റെയെല്ലാം നഷ്ടം ഭൂമിക്കും നമ്മുടെ പിന് തലമുറക്കും ആണെന്ന് തിരിച്ചറിഞ്ഞ് വികസന മാതൃക പുനരാവി ഷ്കരിക്കുക എന്നത് മാത്രമാണ് ഇന്ത്യയ്ക്ക് മുന്പിലുള്ള പ്രതിവിധി.
- ജെ.എസ്.
വാര്ത്തകള് കേരളം
|
കലാ സാഹിത്യം ലേഖനങ്ങള്
മഞ്ഞ (മാഗസിന്) |
കോളംസ് പള്സ്
പച്ച (പരിസ്ഥിതി) |
മറ്റ് പംക്തികള് ചരമം |
