ന്യൂഡല്ഹി : തലസ്ഥാന നഗരിയില് കനത്ത മഴ തുടരുന്നു. തുടര്ച്ചയായ മഴ മൂലം പലയിടത്തും വെള്ളം പൊങ്ങി ഗതാഗതം തടസ്സപ്പെട്ടു. ഇന്ന് മുഴുവന് മഴ തുടരുമെന്നാണ് കാലാവസ്ഥാ പ്രവചനം. മണിക്കൂറില് 117 മില്ലീമീറ്റര് മഴയാണ് ഡല്ഹി വിമാനത്താവളത്തില് ഇന്നലെ ലഭിച്ചത്. ഇത് 1959 ലെ റിക്കോര്ഡാണ് ഭേദിച്ചത്. ഇന്ദിരാ ഗാന്ധി അന്താരാഷ്ട്ര വിമാനത്താവളത്തിന്റെ മൂന്നാം ടെര്മിനലില് വെള്ളം പൊങ്ങി പ്രവര്ത്തനം തടസ്സപ്പെട്ടു. യാത്രക്കാരെയും അവരുടെ ലഗ്ഗേജും അന്താരാഷ്ട്ര ലോബിയിലേക്ക് തിരിച്ചു വിടേണ്ടി വന്നു. എന്നാല് വിമാനങ്ങള് ഒന്നും തന്നെ റദ്ദ് ചെയ്യേണ്ടി വന്നില്ല എന്ന് അധികൃതര് അറിയിച്ചു.
