കാസര്‍ഗോഡ്‌: മുസ്ലീം ലീഗ് ജനറല്‍ സെക്രട്ടറിമാരെ ലീഗ് പ്രവര്‍ത്തകര്‍ കൈയേറ്റം ചെയ്യാന്‍ ശ്രമിച്ചു. ജില്ലാഭാരവാഹി പട്ടികയില്‍ നിന്നും എ. അബ്‌ദുറഹ്‌മാനെ ഒഴിവാക്കിയെന്ന്‌ ആരോപിച്ചായിരുന്നു ജനറല്‍ സെക്രട്ടറിമാരായ ഇ.ടി. മുഹമ്മദ്‌ ബഷീറിനെയും കെ.പി.എ മജീദിനെയുമാണ്‌ കൈയേറ്റം ചെയ്യാന്‍ ശ്രമിച്ചത്‌. ജില്ലാ ജനറല്‍ കൗണ്‍സില്‍ ഭാരവാഹികളെ തെരഞ്ഞെടുക്കാന്‍ ചേര്‍ന്ന യോഗത്തിന് ശേഷം മാധ്യമങ്ങളോട്‌ തീരുമാനം വിശദീകരിക്കാന്‍ ശ്രമിച്ചപ്പോഴാണ്‌ പ്രകോപിതരായ പ്രവര്‍ത്തകര്‍ കൈയേറ്റം ചെയ്തത്. തുടര്‍ന്ന്‌ നേതാക്കള്‍ ഇടപെട്ട്‌ പ്രവര്‍ത്തകരെ രംഗം ശാന്തമാക്കി. ഇതിനിടെ യോഗ സ്‌ഥലത്ത്‌ നിന്ന്‌ പുറത്തുകടക്കാന്‍ ശ്രമിച്ച കാസര്‍ഗോഡ്‌ ജില്ലാ സെക്രട്ടറി എം.സി. കമറുദ്ദീന്റെ വാഹനം തടയാനും ശ്രമം നടന്നു. ഭാരവാഹികളെ തെരഞ്ഞെടുക്കാനായി മുന്‍പ്‌ ചേര്‍ന്ന യോഗങ്ങളില്‍ തീരുമാനമുണ്ടാകാഞ്ഞതിനെ തുടര്‍ന്ന്‌ സംസ്‌ഥാന നേതൃത്വം ഇടപെട്ട്‌ സമവായ നീക്കത്തിലൂടെ ഇന്ന്‌ ഭാരവാഹികളെ തെരഞ്ഞെടുക്കുകയായിരുന്നു.
- ഫൈസല്‍ ബാവ
അനുബന്ധ വാര്‍ത്തകള്‍
വായിക്കുക: എതിര്‍പ്പുകള്‍, ക്രമസമാധാനം, പോലീസ് അതിക്രമം
