തിരുവനന്തപുരം : പതിമൂന്നാം നിയമ സഭയിലേക്കുള്ള ജന പ്രതിനിധികളെ തെരഞ്ഞെടുക്കുവാന്‍ ഇന്ന് കേരളം പോളിംഗ് ബൂത്തിലേക്ക്‌ നീങ്ങും. സംസ്ഥാനത്തെ 140 മണ്ഡലങ്ങളിലായി സജ്ജമാക്കിയ 20,758 പോളിംഗ് ബൂത്തുകളില്‍ ഇന്ന് രാവിലെ ഏഴു മണി മുതല്‍ വൈകീട്ട് അഞ്ചു മണി വരെയാണ് വോട്ട് രേഖപ്പെടുത്താനുള്ള അവസരം ലഭിക്കുക. അടുത്ത മാസം 13നാണ് വോട്ടെണ്ണല്‍.
രാവിലെ തന്നെ കനത്ത പോളിംഗ് ആണ് കേരളത്തില്‍ രേഖപ്പെടുത്തിയത്‌ എന്ന് പ്രാഥമിക റിപ്പോര്‍ട്ടുകള്‍ സൂചിപ്പിക്കുന്നു. ഏറ്റവും കൂടുതല്‍ പോളിംഗ് രേഖപ്പെടുത്തിയ കോഴിക്കോട്‌ ജില്ലയില്‍ 20 ശതമാനം വോട്ടര്‍മാരാണ് ആദ്യ മണിക്കൂറില്‍ തന്നെ തങ്ങളുടെ സമ്മതിദാന അവകാശം ഉപയോഗപ്പെടുത്തിയത്. തിരുവനന്തപുരം ജില്ലയാണ് പോളിംഗ് നിരക്കില്‍ ഏറ്റവും പുറകില്‍ എന്നും കണക്കുകള്‍ സൂചിപ്പിച്ചു.
- ജെ.എസ്.
അനുബന്ധ വാര്‍ത്തകള്‍
വായിക്കുക: കേരള രാഷ്ട്രീയം, തിരഞ്ഞെടുപ്പ്
