കൊച്ചി: വരുന്ന ലോക്‍സഭാ തിരഞ്ഞെടുപ്പില്‍ ഇടതു പക്ഷവുമായി യാതൊരു വിധ സഖ്യത്തിനും ഇല്ലെന്ന് കേന്ദ്ര പ്രതിരോധ മന്ത്രി എ. കെ. ആന്റണി. തിരഞ്ഞെടുപ്പിനു ശേഷം ഉള്ള കാര്യങ്ങള്‍ ഇപ്പോള്‍ പറയാനാകില്ലെന്നും അദ്ദേഹം മാധ്യമ പ്രവര്‍ത്തകരോട് പറഞ്ഞു. യു. പി. എ. സര്‍ക്കാര്‍ കാലാവധി പൂര്‍ത്തിയാക്കുമെന്നും കേന്ദ്രത്തില്‍ ഒരു ഇടക്കാല തിരഞ്ഞെടുപ്പ് ആരും സ്വപ്നം കാണേണ്ടെന്നും അദ്ദേഹം വ്യക്തമാക്കി. പരിഹരിക്കാവുന്ന പ്രശ്നങ്ങളേ കേരളത്തിലെ യു. ഡി. എഫില്‍ ഉള്ളൂ എന്ന് ആന്റണി പറഞ്ഞു. കേരളത്തിലെ വരള്‍ച്ച നേരിടുവാന്‍ ആവുന്നത്ര കേന്ദ്ര സഹായം ലഭ്യമാക്കുമെന്നും അദ്ദേഹം പറഞ്ഞു.
- എസ്. കുമാര്‍
അനുബന്ധ വാര്‍ത്തകള്‍
വായിക്കുക: കേരള രാഷ്ട്രീയ നേതാക്കള്‍
