ചേര്ത്തല: കോണ്ഗ്രസിലെ നായര് നേതാക്കള് എന്.എസ്.എസിന്റെ സഹായത്തോടെ അധികാര ത്തിലെത്തുകയും എന്നാല് കാര്യം കഴിഞ്ഞാല് സമുദായത്തെ തന്നെ തിരിഞ്ഞു കൊത്തുന്ന സ്വഭാവമാണ് ഇവര്ക്കുള്ളതെന്നും എന്.എസ്.എസ്. ജനറല് സെക്രട്ടറി ജി. സുകുമാരന് നായര്. കെ. പി. സി. സി. പ്രസിഡന്റ് രമേശ് ചെന്നിത്തല അടക്കമുള്ള നേതാക്കള് ഇത്തരം സമീപനമാണ് സ്വീകരിക്കുന്നത്. ഈ സമീപനം തുടര്ന്നാല് ഇവരെ പാഠം പഠിപ്പിക്കുമെന്നും സുകുമാരന് നായര് ഓര്മിപ്പിച്ചു. ചേര്ത്തല താലൂക്ക് എന്.എസ്. എസ്. യൂണിയന്റെ ആഭിമുഖ്യത്തില് നടന്ന നായര് മഹാസമ്മേളനത്തിന്റെ ഉദ്ഘാടന പ്രസംഗത്തിലാണ് അദ്ദേഹം കോണ്ഗ്രസിനെതിരെ രൂക്ഷ വിമര്ശനം നടത്തിയത്. നെയ്യാറ്റിന്കരയില് എന്. എസ്. എസ്. സമദൂരം പാലിക്കും. എന്നാല് ഈ സമദൂരത്തില് ഒരു ശരിദൂരം ഉണ്ടെന്നും അത് ജനങ്ങള്ക്കറിയാമെന്നും അദ്ദേഹം കൂട്ടിച്ചേര്ത്തു.
- ന്യൂസ് ഡെസ്ക്
അനുബന്ധ വാര്ത്തകള്
വായിക്കുക: കേരള രാഷ്ട്രീയം, കേരള രാഷ്ട്രീയ നേതാക്കള്, മതം
