ചെങ്ങന്നൂര്: എ. ബി. വി. പി. നേതാവ് വിശാലിനെ ചെങ്ങന്നൂര് ക്രിസ്ത്യന് കോളേജ് ഗേറ്റിനു മുമ്പില് വച്ച് കൊലപ്പെടുത്തിയ സംഭവത്തില് രണ്ട് പോപ്പുലര് ഫ്രണ്ട് പ്രവര്ത്തകരെ പോലീസ് അറസ്റ്റു ചെയ്തു. നാസിം, ഷെഫീഖ് എന്നിവരാണ് അറസ്റ്റിലായത്. ഇരുവരേയും വൈദ്യ പരിശോധനയ്ക്ക് വിധേയരാക്കി. കഴിഞ്ഞ ദിവസം ക്രിസ്ത്യന് കോളേജില് ഒന്നാം വര്ഷ ബിരുധ വിദ്യാര്ഥികള്ക്ക് കോളേജ് ഗേറ്റില് മധുര പലഹാര വിതരണവും മറ്റും നടത്തിയിരുന്നു. ഇതിനിടയില് എ. ബി. വി. പി. പ്രവര്ത്തകരും ക്യാമ്പസ് ഫ്രണ്ട് പ്രവര്ത്തകരും തമ്മില് സംഘര്ഷമുണ്ടായി. ഈ സമയത്ത് കോളേജിനു വെളിയില് നിന്നും മാരകായുധങ്ങളുമായി വന്ന സംഘം എ. ബി. വി. പി. പ്രവര്ത്തകരെ ആക്രമിക്കുകയായിരുന്നു. വിശാൽ ഉള്പ്പെടെ നിരവധി പേര്ക്ക് പരിക്കേറ്റിരുന്നു. കുത്തേറ്റ വിശാലിനെ കോട്ടയം മെഡിക്കല് കോളേജില് പ്രവേശിപ്പിച്ചുവെങ്കിലും ജീവന് രക്ഷിക്കുവാന് ആയില്ല.
- എസ്. കുമാര്
അനുബന്ധ വാര്ത്തകള്
വായിക്കുക: കുറ്റകൃത്യം, വിദ്യാഭ്യാസം
