പാനൂര്‍: കണ്ണൂര്‍ ജില്ലയിലെ പാനൂരില്‍ വഴിയരികില്‍ നിന്നും കിട്ടിയ ഐസ്ക്രീം ബോംബ് പൊട്ടി രണ്ട് മദ്രസ വിദ്യാര്‍ഥികള്‍ക്ക് പരിക്ക്. പോയില്‍ സ്വദേശികളായ അജ്‌നാസ് (13), സിനാല്‍ (11) എന്നിവര്‍ക്കാണ് പരിക്കേറ്റത്. സ്ഫോടനത്തില്‍ പരിക്കേറ്റ വിദ്യാര്‍ഥികളെ സമീപത്തെ ആസ്പത്രിയില്‍ പ്രഥമ സുശ്രൂഷക്ക് വിധേയരാക്കി. ഇവരുടെ പരിക്ക് ഗുരുതരമല്ല. രാവിലെ എട്ടരയോടെ വൈദ്യര്‍ പീടികക്ക് സമീപം വച്ച് വഴിയരികില്‍ കിടന്ന ഐസ്ക്രീം ഡപ്പി വിദ്യാര്‍ഥികള്‍ തട്ടിക്കളിക്കുമ്പോളാണ് സ്ഫോടനം ഉണ്ടായത്. സംഭവമറിഞ്ഞ് പാനൂര്‍ പോലീസ് സ്ഥലത്തെത്തി അന്വേഷണം ആരംഭിച്ചു.
- ലിജി അരുണ്‍
അനുബന്ധ വാര്‍ത്തകള്‍
വായിക്കുക: അപകടം, കേരള രാഷ്ട്രീയം
