മലയാളം ബ്ലോഗര്‍മാര്‍ ചേര്‍ന്ന് പ്രസിദ്ധീകരിക്കുന്ന ആദ്യത്തെ ഓണ്‍ലൈന്‍ മാസിക ‘മഴവില്ല്’ ഇ ലോകത്തെ വിസ്മയമായി. ഫെയ്‌സ് ബുക്കിലെ മലയാളം ബ്ലോഗര്‍മാരുടെ കൂട്ടായ്മയായ മലയാളം ബ്ലോഗേഴ്‌സ് ഗ്രൂപ്പിലെ ലോകമെമ്പാടുമുള്ള അംഗങ്ങള്‍ ചേര്‍ന്ന് ഒരുക്കുന്ന മാസികയുടെ പ്രഥമ ലക്കം കഴിഞ്ഞ ആഗസ്റ്റില്‍ കൊണ്ടോട്ടിയില്‍ വച്ച് പ്രശസ്ത എഴുത്തുകാരന്‍ പി. സുരേന്ദ്രനാണ് പ്രകാശനം ചെയ്തത്.
നിരവധി പുതുമയുള്ള വിഭവങ്ങള്‍ അടങ്ങിയ മാസിക ഓണ്‍ ലൈന്‍ വായനക്കാര്‍ക്കിടയില്‍ കുറഞ്ഞ കാലം കൊണ്ട് തരംഗമായി മാറിക്കഴിഞ്ഞു. എല്ലാ മാസവും അഞ്ചാം തീയതി ഇറങ്ങുന്ന മാസികയുടെ ഒക്ടോബര്‍ ലക്കത്തിലും മികച്ച വിഭവങ്ങള്‍ വായനക്കാര്‍ക്കായി ഒരുക്കിയിട്ടുണ്ട്. ഫെയ്‌സ് ബുക്കിലെ സാധാരണ കൂട്ടായ്മകളില്‍ നിന്ന് വ്യത്യസ്തമായി ജീവ കാരുണ്യ പ്രവര്‍ത്തനങ്ങള്‍ സംഘടിപ്പിക്കുന്നതടക്കം മാതൃകാപരമായ നിരവധി സേവനങ്ങള്‍ നല്‍കുന്ന മലയാളം ബ്ലോഗേഴ്‌സ ഗ്രൂപ്പ്, അംഗങ്ങളുടെ കലാ സാഹിത്യ മികവുകള്‍ കണ്ടെത്തി പ്രോത്‌സാഹിപ്പിക്കുന്നതിലും ശ്രദ്ധ ചെലുത്തുന്നു.
- ഫൈസല്‍ ബാവ
