തിരുവനന്തപുരം : ഔദ്യോഗിക വേഷത്തില് മത ചടങ്ങുകള്ക്കും ആഘോഷങ്ങള്ക്കും പോലീസ് ഉദ്യോഗസ്ഥര് പങ്കെടുക്കരുത് എന്ന് ഡി. ജി. പി. യുടെ നിർദ്ദേശം.
ക്രമസമാധാന പാലനം, സുരക്ഷാ ചുമതലകൾ എന്നിങ്ങനെ ഡ്യൂട്ടിയുടെ ഭാഗം അല്ലാതെ ആരാധനാലയങ്ങളിലെ ചടങ്ങുകൾ, ഉദ്ഘാടനങ്ങൾ, ഉത്സവ ആഘോഷങ്ങൾ തുടങ്ങിയ പരിപാടികളിൽ പങ്കെടുക്കുമ്പോൾ യൂണി ഫോം ധരിക്കരുത്.
സിവില് പോലീസ് ഉദ്യോഗസ്ഥര് മുതല് ഉന്നത ഉദ്യോഗസ്ഥര് വരെയുള്ളവര് ഈ നിർദ്ദേശം പാലിക്കണം എന്നും ഡി. ജി. പി. യുടെ സര്ക്കുലറിൽ പറയുന്നു.
പോലീസ് ഉദ്യോഗസ്ഥര് യൂണി ഫോമിൽ ഇത്തരം പരിപാടികളിൽ പങ്കെടുത്തു റീല്സ് ചിത്രീകരിച്ച് സോഷ്യൽ മീഡിയകളിൽ ഷെയർ ചെയ്തതിന് എതിരെ നിരവധി പരാതികൾ ഉയർന്നിരുന്നു. പോലീസ് സേനയുടെ അച്ചടക്കത്തെയും നിഷ്പക്ഷതയെയും ബാധിക്കുന്ന തരത്തിലുള്ള ഇത്തരം പ്രവണതകൾ അധികരിച്ച് വരുന്നത് ശ്രദ്ധയിൽ പെട്ടതോടെയാണ് കർശ്ശന നിർദ്ദേശവുമായി അധികൃതർ രംഗത്തു വന്നത്
- pma
അനുബന്ധ വാര്ത്തകള്
വായിക്കുക: social-media, നിയമം, പോലീസ്, പ്രതിരോധം, മതം, സാമൂഹികം
