തലശ്ശേരി: സി.പി.എം പ്രവര്ത്തകര് തമ്മിലുണ്ടായ സംഘര്ഷത്തില് ഒരാള് കൊല്ലപ്പെട്ടു നിരവധി പേര്ക്ക് പരിക്ക്. പാറക്കെട്ട് സിന്ധു നിവാസില് പുരുഷോത്തമന്റെ മകന് ഷിധിന്(21) ആണ് മരിച്ചത്. പ്രദേശത്ത് സംഘര്ഷാവസ്ഥ നില ല്ക്കുകയാണ്. വെള്ളിയാഴ്ച രാത്രി അയോദ്ധ്യ ബസ് സ്റ്റോപ്പിനു സമീപം ക്രൂരമായ രീതിയില് മര്ദ്ധനമേറ്റും കൈകാലുകള് തല്ലിയൊടിച്ച നിലയിലുമാണ് ഷിധിനെ കണ്ടെത്തിയത്.നാട്ടുകാര് വിവരം അറിയിച്ചതിനെ തുടര്ന്ന് പോലീസ് എത്തി ഷിധിനെ ജനറല് ആശുപത്രിയില് എത്തിച്ചു. ഗുരുതരാവസ്ഥയിലാണെന്ന് കണ്ടതിനെതുടര്ന്ന് ഇന്ദിരാഗാന്ധി സഹകരണ ആശുപത്രിയിലേക്ക് കൊണ്ടു പോയെങ്കിലും ജീവന് രക്ഷിക്കുവാന് ആയില്ല.
സി.പി.എം പ്രവര്ത്തകര് പരസ്പരം ഏറ്റു മുട്ടിയയതിനെ തുടര്ന്ന് പരിക്കേറ്റ ചന്ദ്രമ്പത്ത് സുനീഷ്(24), കല്ലുകൊത്തിപ്പറമ്പത്ത് പ്രവീഷ് (21), ശ്രീവത്സത്തില് ബിനോയ് രാജ്(23) എന്നിവരെ ജനറല് ആശുപത്രിയില് പ്രവേശിപ്പിച്ചു. സംഘര്ഷത്തിനിടെ ഒരു ബേക്കറി തകര്ത്തിട്ടുണ്ട്. ഒരു സി.പി.എം പ്രവര്ത്തകന്റെ വീടിനു നേരെ ആക്രമണം ഉണ്ടായി. പ്രദേശത്ത് എ.എസ്.പി നാരായണന്റെ മേല്നോട്ടത്തില് ശക്തമായ പോലീസ് കാവല് ഏര്പ്പെടുത്തി.
- എസ്. കുമാര്
അനുബന്ധ വാര്ത്തകള്
വായിക്കുക: കുറ്റകൃത്യം, ക്രമസമാധാനം, പോലീസ്, രാഷ്ട്രീയ അക്രമം
