തിരുവനന്തപുരം : ഈ വർഷത്തെ എസ്. എസ്. എൽ. സി പരീക്ഷാ ഫലം പ്രഖ്യാപിച്ചു. 99. 07 % വിജയമാണ് ഇക്കുറി. പൊതു വിദ്യാഭ്യാസ ഡയറക്ടറാണ് ഫലം പ്രഖ്യാപിച്ചത്. 4,14,290 പേർ പരീക്ഷ എഴുതിയതിൽ 4,10,456 പേർ ഉന്നത വിദ്യാഭ്യാസത്തിന് യോഗ്യത നേടി. 30,516 പേര്‍ക്ക് ഫുള്‍ എ-പ്ലസ് ലഭിച്ചു.

പെൺകുട്ടികളാണ് ഇത്തവണയും പരീക്ഷാ ഫലത്തിൽ മുന്നിൽ നിൽക്കുന്നത്. 203563 പെൺ കുട്ടികൾ പരീക്ഷ എഴുതിയവരിൽ 201982 പേര്‍ (99.22 ശതമാനം) ഉപരി പഠനത്തിന് അർഹരായി. 210727 ആൺ കുട്ടികൾ പരീക്ഷ എഴുതിയവരിൽ 208474 പേരാണ് (98.93 ശതമാനം) ഉപരി പഠന യോഗ്യത നേടിയത്.

ഐ. ടി. മിഷന്റെ 91886 19958 എന്ന വാട്‌സാപ്പ് നമ്പറിലും ‘നമ്മുടെ കേരളം’ മൊബൈൽ ആപ്പിലും പരീക്ഷാ ഫലം ലഭിക്കും.