കാലിഫോര്‍ണിയ: ലോകപ്രശസ്ത ഗായിക ഇറ്റാ ജെയിംസ്(73) അന്തരിച്ചു. യു എസിലെ കാലിഫോര്‍ണിയ യിലായിരുന്നു അന്ത്യം. രക്താര്‍ബുദം ബാധിച്ചതിനേത്തുടര്‍ന്ന് ചികിത്സയിലായിരുന്നു ഇവര്‍. അമേരിക്കന്‍ മാസികയായ റോളിംഗ്‌ സ്റ്റോണിന്റെ എക്കാലത്തേയും മികച്ച നൂറു ഗായികമാരുടെ പട്ടികയില്‍ ഇരുപത്തിരണ്ടാം സ്ഥാനമാണ്‌ ഇവര്‍ക്ക്. ആറു ഗ്രാമി പുരസ്കാരവും 17 തവണ ബ്ലൂസ്‌ മ്യൂസിക്‌ അവാര്‍ഡുകളും നിരവധി മറ്റു പുരസ്കാരങ്ങളും നേടിയിട്ടുണ്ട്. 2011ല്‍ പുറത്തിറങ്ങിയ ‘ദ ഡ്രീമര്‍‘ ആണ് ഏറ്റവും ഒടുവില്‍ പുറത്തിറങ്ങിയ ആല്‍ബം. അന്‍പതുകളുടെ മധ്യത്തിലാണ്‌ ഇറ്റാ ജെയിംസ് സംഗീതലോകത്തേക്ക് കാലെടുത്തുവയ്ക്കുന്നത്‌. പതിനാലാം വയസില്‍ ഒരു ഗായകസംഘത്തോടൊപ്പം കരിയര്‍ ആരംഭിച്ച ഇറ്റായുടെ വളര്‍ച്ച അതിവേഗത്തിലായിരുന്നു.
- ന്യൂസ് ഡെസ്ക്
