ക്വെറ്റ : പാക്‌ സൈനികര്‍ക്ക്‌ നേരെ നടന്ന ചാവേര്‍ ആക്രമണത്തില്‍ പട്ടാളക്കാര്‍ അടക്കം 19 പേര്‍ കൊല്ലപ്പെട്ടു. ക്വെറ്റ നഗരത്തിലെ ഒരു സര്‍ക്കാര്‍ കെട്ടിടത്തിന് സമീപമാണ് ബുധനാഴ്ച രാവിലെ ആക്രമണം നടന്നത്. അല്‍ ഖാഇദയുടെയും താലിബാന്റെയും ഒട്ടേറെ ഭീകരര്‍ ഒളിച്ചു താമസിക്കുന്ന നഗരമാണ് ക്വെറ്റ. രണ്ടു ദിവസം മുന്‍പ്‌ അമേരിക്കന്‍ ചാര സംഘടനയുടെ സഹായത്തോടെ നടത്തിയ ഒരു സൈനിക നീക്കത്തില്‍ മൂന്നു അല്‍ ഖാഇദ ഭീകരരെ ഇവിടെ നിന്നും പിടികൂടിയിരുന്നു. ഇതിനു പ്രതികാരമായാണ് ഈ ആക്രമണം എന്ന് കരുതപ്പെടുന്നു. കഴിഞ്ഞ കുറെ വര്‍ഷങ്ങളായി ഒട്ടനവധി ആക്രമണങ്ങളാണ് പാക്കിസ്ഥാനിലെ സര്‍ക്കാര്‍ സൈനികര്‍ക്ക്‌ ഭീകരരില്‍ നിന്നും നേരിടേണ്ടി വന്നിട്ടുള്ളത്. ഈ ആക്രമണങ്ങളില്‍ ആയിരക്കണക്കിന് സൈനികരാണ് ഇത് വരെ കൊല്ലപ്പെട്ടിട്ടുള്ളത്.
- ജെ.എസ്.
അനുബന്ധ വാര്‍ത്തകള്‍
വായിക്കുക: തീവ്രവാദം, പാക്കിസ്ഥാന്‍
