 |
 |
 |
 |
 |
 |
 |
 |
 |
 |
 |
 |
 |
 |
ചബാഹാര് : ഇറാനിലെ ചബാഹാര് നഗരത്തില് നടന്ന ചാവേര് ബോംബ് ആക്രമണത്തില് 39 തീര്ഥാടകര് കൊല്ലപ്പെട്ടു. അന്പതോളം പേര്ക്ക് പരിക്കുണ്ട്. മരിച്ചവരില് നിരവധി സ്ത്രീകളും കുട്ടികളും ഉള്പ്പെടുന്നു.
രണ്ടു ചാവേറുകള് ഉണ്ടായിരുന്നതില് ഒരാളെ പോലീസ് ബോംബ് പോട്ടിക്കുന്നതിനു മുന്പേ അറസ്റ്റ് ചെയ്തു. ആക്രമണത്തിന്റെ ഉത്തരവാദിത്തം ഇത് വരെ ഒരു സംഘടനയും ഏറ്റെടുത്തിട്ടില്ല.
- ജെ.എസ്.
ലണ്ടന് : വിക്കി ലീക്ക്സ് സ്ഥാപകന് ജൂലിയന് അസ്സാന്ജെയെ പിടി കൂടാനായി ഇന്റര്പോള് റെഡ് നോട്ടീസ് പുറപ്പെടുവിച്ചു. അസ്സാന്ജെയ്ക്കെതിരെ സ്വീഡനില് അറസ്റ്റ് വാറണ്ട് ഉള്ളതിനാലാണ് ഇന്റര്പോള് റെഡ് നോട്ടീസ് പുറപ്പെടുവിച്ചത്.
അമേരിക്കയെ നാണം കെടുത്തിയ ഒട്ടേറെ രഹസ്യ രേഖകളാണ് വിസില് ബ്ലോവര് (whistleblower) വെബ് സൈറ്റായ വിക്കി ലീക്ക്സ് കഴിഞ്ഞ ദിവസങ്ങളില് പുറത്തു വിട്ടത്. ഇത് അമേരിക്കയെ ഏറെ ചൊടിപ്പിച്ചിരുന്നു.
ഇതിനു പ്രതികാരമായിട്ടാണ് അമേരിക്കന് ചാര സംഘടന അസ്സാന്ജെയ്ക്കെതിരെ കള്ളക്കേസ് ചമച്ചത് എന്നാണ് അസ്സാന്ജെയുടെ അഭിഭാഷകന് പറയുന്നത്.
- ജെ.എസ്.
വായിക്കുക: അമേരിക്ക, തീവ്രവാദം, മനുഷ്യാവകാശം, യുദ്ധം
വാഷിംഗ്ടണ് : ന്യൂസ് വീക്കിന്റെ ഏറ്റവും പുതിയ ലക്കത്തിന്റെ കവര് പേജില് അമേരിക്കന് പ്രസിഡണ്ട് ബരാക് ഒബാമയെ ശിവനായി ചിത്രീകരിച്ചതില് പ്രതിഷേധം വ്യാപകമാവുന്നു. അമേരിക്കയിലെ ഇന്ത്യാക്കാര്ക്ക് പുറമേ ശ്രീലങ്കയില് നിന്നും മലേഷ്യയില് നിന്നും ഇതിനെതിരെ എതിര്പ്പ് ഉയര്ന്നു. ചിത്രത്തിന് ഗോഡ് ഓഫ് ആള് തിംഗ്സ് (God of all things) എന്ന തലവാചകവും നല്കിയിട്ടുണ്ട്. പല കൈകളിലായി ഭവന നിര്മ്മാണം, സമ്പദ് ഘടന, ലോകം, ആരോഗ്യം, സമാധാനം എന്നിങ്ങനെ വ്യത്യസ്ത കാര്യങ്ങള് എടുത്തു പിടിച്ച് താണ്ഡവമാടുന്ന ശിവന്റെ രൂപത്തിലാണ് ഇന്ത്യാ സന്ദര്ശനം കഴിഞ്ഞു തിരികെ അമേരിക്കയില് എത്തിയ ഒബാമയെ ന്യൂസ് വീക്കിന്റെ കവര് പേജില് ചിത്രീകരിച്ചിരിക്കുന്നത്. ആധുനിക കാലത്തെ പ്രസിഡണ്ട് പദം ഒരാള്ക്ക് കൈകാര്യം ചെയ്യാവുന്നതിലും സങ്കീര്ണ്ണമാണ് എന്ന ഒരു അടിക്കുറിപ്പും ഉണ്ട്.
ഹിന്ദുക്കള് ആരാധിക്കുന്ന ദേവനായ ശിവനെ നിരുത്തരവാദപരമായി ചിത്രീകരിച്ച ന്യൂസ് വീക്ക് ഈ വിഷയത്തില് എത്രയും വേഗം ഒരു വിശദീകരണക്കുറിപ്പ് ഇറക്കണം എന്ന് അമേരിക്കയിലെ യൂനിവേഴ്സല് സൊസൈറ്റി ഓഫ് ഹിന്ദൂയിസം എന്ന സംഘടനയുടെ അദ്ധ്യക്ഷന് രാജന് സെഡ് പറഞ്ഞു.
ലോകമെമ്പാടുമുള്ള ഹിന്ദു മതസ്ഥരോട് ന്യൂസ് വീക്ക് മാപ്പ് പറയുകയും നവംബര് 22 ന് പുറത്തിറങ്ങിയ വിവാദ ലക്കം വിപണിയില് നിന്നും പിന്വലിക്കണം എന്നും ശ്രീലങ്കയിലെ സിലോണ് ഹിന്ദു കോണ്ഗ്രസ് ജനറല് സെക്രട്ടറി കന്തയ്യ നീലകണ്ഠന് ആവശ്യപ്പെട്ടു.
ന്യൂസ് വീക്ക് മലേഷ്യയില് നിരോധിക്കണം എന്ന് ആവശ്യപ്പെട്ടു മലേഷ്യ ഹിന്ദു സംഘവും രംഗത്ത് വന്നിട്ടുണ്ട്.
മഹത്തായ ഒരു പാരമ്പര്യത്തിന്റെ വിശാലമായ അടിത്തറയില് നില കൊള്ളുന്ന ഹിന്ദു സംസ്കാരത്തെ വ്യവസ്ഥാപിത മതങ്ങളുടെ ചട്ടക്കൂടിലേക്ക് ഒതുക്കി സങ്കുചിതമായ ലക്ഷ്യങ്ങള്ക്ക് വേണ്ടി ഉപയോഗിക്കാനുള്ള സംഘടിതമായ ശ്രമങ്ങള് ലോക വ്യാപകമാവുന്നതിന്റെ സൂചനയാണ് ഇത്തരം പ്രതിഷേധങ്ങള് എന്ന് റിപ്പോര്ട്ടുകള് ഉണ്ട്.
- ജെ.എസ്.
നെവാഡ : പ്ലേ ബോയ് മാസികയുടെ വെബ് സൈറ്റില് പ്രശസ്ത മോഡല് സാറാ ജീന് പൂര്ണ്ണ നഗ്നയായി യോഗാഭ്യാസം നടത്തുന്ന വീഡിയോ പ്രത്യക്ഷപ്പെട്ടതിനെതിരെ അമേരിക്കയിലെ യൂനിവേഴ്സല് സൊസൈറ്റി ഓഫ് ഹിന്ദൂയിസം എന്ന സംഘടനയുടെ അദ്ധ്യക്ഷന് രാജന് സെഡ് രംഗത്ത് വന്നു. യാഥാസ്ഥിതിക ഹിന്ദു മതത്തിന്റെ 6 പ്രധാന വ്യവസ്ഥകളില് ഒന്നാണ് യോഗ എന്നാണു രാജന് സെഡ് പറയുന്നത്. ഇത് ഹിന്ദു മത വിശ്വാസികള് ഏറെ പാവനമായി കരുതുന്ന ഒന്നാണ് എന്നും ഇതിനെ ഇത്തരത്തില് ചിത്രീകരിക്കുന്നത് ഹിന്ദു മത വിശ്വാസികളെ വേദനിപ്പിക്കുന്നു എന്നും രാജന് സെഡ് പറയുന്നു.
ആഗോള തലത്തില് ഹിന്ദു മതത്തിന് പുതിയ ഒരു സ്വത്വം നല്കുവാനുള്ള പ്രഖ്യാപിത ലക്ഷ്യവുമായി ഏതാനും വര്ഷങ്ങള് മുന്പാണ് നെവാഡയിലെ ഹിന്ദു പുരോഹിതന് രാജന് സെഡിന്റെ നേതൃത്വത്തില് ഈ സ്ഥാപനം രംഗത്ത് വന്നത്. 2007 ജൂലൈ 12ന് അമേരിക്കന് സെനറ്റില് രാജന് സെഡിന്റെ നേതൃത്വത്തില് ഒരു ഹിന്ദു പ്രാര്ഥനയും നടത്തുകയുണ്ടായി. അമേരിക്കന് സെനറ്റിന്റെ ചരിത്രത്തില് ആദ്യമായാണ് ഒരു ഹിന്ദു പ്രാര്ഥനയോടെ സെനറ്റിന്റെ നടപടികള് ആരംഭിച്ചത്. ഋഗ്വേദം, ഉപനിഷത്തുക്കള്, ഭഗവദ്ഗീത എന്നിവയില് നിന്നുമുള്ള സൂക്തങ്ങള് ചേര്ത്താണ് രാജന് സെഡ് സെനറ്റില് പ്രാര്ത്ഥന നടത്തിയത്.
രാജന് സെഡ്
പ്ലേബോയിലെ വീഡിയോ കണ്ടാല് ഹൃദയമിടിപ്പ് വര്ദ്ധിക്കും എന്നാണ് ഇദ്ദേഹം പറയുന്നത്. നഗ്നയായി താന് യോഗ അഭ്യസിക്കുന്നത് കാണുന്നത് യോഗ അഭ്യസിക്കുന്നത് പോലെ തന്നെ നല്ലതാണ് എന്ന സന്ദേശമാണ് സാറാ ജീന് ഈ വീഡിയോയിലൂടെ നല്കുന്നത് എന്നും താന് കരുതുന്നതായി ഇയാള് പറയുന്നു.
മഹത്തായ ഒരു പാരമ്പര്യത്തിന്റെ വിശാലമായ അടിത്തറയില് നില കൊള്ളുന്ന ഹിന്ദു സംസ്കാരത്തെ വ്യവസ്ഥാപിത മതങ്ങളുടെ ചട്ടക്കൂടിലേക്ക് ഒതുക്കി സങ്കുചിതമായ ലക്ഷ്യങ്ങള്ക്ക് വേണ്ടി ഉപയോഗിക്കാനുള്ള സംഘടിതമായ ഗൂഡാലോചനയുടെ ഭാഗമാണ് ഹിന്ദു മതത്തിന്റെ “സ്വത്വം സംരക്ഷിക്കാന്” ഇറങ്ങി പുറപ്പെടുന്ന യൂനിവേഴ്സല് സൊസൈറ്റി ഓഫ് ഹിന്ദൂയിസം പോലുള്ള സംഘങ്ങള് എന്ന് വിമര്ശനമുണ്ട്.
- ജെ.എസ്.
പാരീസ് : ഫ്രാന്സിലെ പ്രശസ്തമായ ഈഫല് ഗോപുരത്തിന് അല്ഖായിദയുടെ ഭീകരാക്രമണ ഭീഷണിയുണ്ടെന്ന് സൗദി ഇന്റലിജന്സ് വൃത്തങ്ങള് മുന്നറിയിപ്പ് നല്കി. ഇതേ തുടര്ന്ന് യൂറോപ്പില് പൊതുവെയും ഫ്രാന്സില് പ്രത്യേകിച്ചും പോലീസ് സുരക്ഷാ സന്നാഹങ്ങള് ശക്തിപ്പെടുത്തുകയും ജാഗ്രതാ നിര്ദ്ദേശം പുറപ്പെടുവിക്കുകയും ചെയ്തിട്ടുണ്ട്. ഭീഷണി ഗൌരവമായി തന്നെയാണ് തങ്ങള് കാണുന്നത് എന്ന് ഫ്രഞ്ച് അധികൃതര് അറിയിച്ചു.
യൂറോപ്പില് അല്ഖായിദ ഭീകരാക്രമണം നടത്താന് പദ്ധതിയുണ്ടെന്ന് പാക്കിസ്ഥാന് അതിര്ത്തിയില് വെച്ച് പിടിയിലായ ഒരു ജര്മ്മന് അല്ഖായിദ അംഗം ചോദ്യം ചെയ്യലിനിടയില് വെളിപ്പെടുത്തിയതിനെ തുടര്ന്ന് ഫ്രാന്സ്, ജെര്മ്മനി, ബ്രിട്ടന് എന്നീ രാഷ്ട്രങ്ങള് നേരത്തേ തന്നെ സുരക്ഷാ ക്രമീകരണങ്ങള് ശക്തമാക്കിയിരുന്നു.
ഈഫല് ഗോപുരം, നോത്രദാം കത്തീഡ്രല്, ബര്ലിനിലെ ബ്രാണ്ടന്ബര്ഗ് ഗേറ്റ് എന്നിങ്ങനെ നിരവധി ലോക പ്രശസ്ത വിനോദ സഞ്ചാര ആകര്ഷണങ്ങളായ കെട്ടിടങ്ങള് തകര്ക്കാന് അല്ഖായിദയ്ക്ക് പദ്ധതിയുണ്ട് എന്ന് സൂചനയുണ്ട്.
2008ല് മുംബയില് നടന്ന ഭീകരാക്രമണത്തിന്റെ ശൈലിയിലുള്ള ഒരു വ്യാപകമായ വെടിവെപ്പ് നടക്കാന് സാദ്ധ്യതയുണ്ട് എന്ന് കാണിച്ചു അമേരിക്ക, ജപ്പാന്, സ്പെയിന് എന്നീ രാഷ്ട്രങ്ങള് തങ്ങളുടെ പൌരന്മാര് യൂറോപ്പിലേക്ക് സഞ്ചരിക്കുന്നതിനെതിരെ യാത്രാ മുന്നറിയിപ്പ് പുറപ്പെടുവിച്ചിട്ടുണ്ട്.
- ജെ.എസ്.
വായിക്കുക: തീവ്രവാദം, പാക്കിസ്ഥാന്, ഫ്രാന്സ്
വാഷിംഗ്ടണ് : സെപ്റ്റംബര് പതിനൊന്നിന് വേള്ഡ് ട്രേഡ് സെന്ററിനു നേരെ നടന്ന ഭീകരാക്രമണത്തിനു ശേഷം അമേരിക്ക നേരിടേണ്ടി വന്ന പ്രതിസന്ധിയെ ഒറ്റക്കെട്ടായി നേരിട്ടത് രാജ്യത്തിന്റെ അഭിമാനം ഉയര്ത്തി പിടിക്കുന്നു എന്ന് 9/11ഭീകരാക്രമണത്തിന്റെ ഒന്പതാം വാര്ഷികത്തോട് അനുബന്ധിച്ച് വൈറ്റ് ഹൌസില് ചേര്ന്ന വാര്ത്താ സമ്മേളനത്തില് പ്രസിഡന്റ് ഒബാമ പറഞ്ഞു. രാജ്യം നേരിടുന്ന ഭീഷണികളെ പറ്റി സംസാരിക്കു കയായിരുന്നു അദ്ദേഹം. എന്നാല് ഭീകരാക്രമണ വാര്ഷിക ദിനത്തില് ഖുര്ആന് കത്തിച്ചു കൊണ്ട് പ്രതിഷേധിക്കുമെന്ന പാസ്റ്ററുടെ പ്രസ്താവന അന്താരാഷ്ട്ര സമൂഹത്തിനു മുന്നില് രാജ്യത്തെ പറ്റി മോശം ധാരണ പരത്താനേ സഹായിക്കുകയുള്ളൂ എന്നും അദ്ദേഹം കൂട്ടിച്ചേര്ത്തു.
-
ന്യൂയോര്ക്ക് : 2001 സെപ്റ്റംബര് പതിനൊന്നിന് വേള്ഡ് ട്രേഡ് സെന്ററിനു നേരെ നടന്ന ഭീകരാക്രമണം ലോക പോലീസ് വേഷം കെട്ടി ലോകമെമ്പാടും യുദ്ധ ഭീഷണി മുഴക്കി നടന്ന അമേരിക്കയുടെ ഹുങ്ക് ഒരു പരിധി വരെ അവസാനിപ്പിച്ചു എന്ന് പ്രതിയോഗികള് വാദിക്കുമ്പോഴും ഇന്നും അമേരിക്ക അല് ഖ്വൈദയില് നിന്നും സമാനമായ ഭീഷണി നേരിട്ടു കൊണ്ടിരിക്കുന്നു എന്ന് റിപ്പോര്ട്ടുകള് സൂചിപ്പിക്കുന്നു. സംഘടിത തീവ്രവാദ സംഘങ്ങളില് നിന്ന് മാത്രമല്ല പ്രത്യേക രൂപങ്ങളില്ലാത്ത തീവ്രവാദ സംഘങ്ങളില് നിന്നും ഭീഷണികള് ഉണ്ടെന്നും എന്നാല് അമേരിക്കന് പൌരന്മാരുടെ സഹകരണം ഉണ്ടെങ്കില് മാത്രമേ ഭീഷണിയെ ഫലപ്രദമായി നേരിടാനാകൂ എന്നും റിപ്പോര്ട്ട് പറയുന്നു.
9/11 ആക്രമണം എന്ന പേരില് അറിയപ്പെടുന്ന ഈ ചാവേര് ആക്രമണത്തില് മൂവായിരത്തോളം പേരാണ് കൊല്ലപ്പെട്ടത്.
- ജെ.എസ്.
ഹവാന : സെപ്തംബര് പതിനൊന്ന് ഭീകര ആക്രമണങ്ങളുടെ സൂത്രധാരനായ ഒസാമ ബിന് ലാദന് അമേരിക്കന് ചാരനാണെന്ന് ക്യൂബന് നേതാവും മുന് ക്യൂബന് പ്രസിഡണ്ടുമായ ഫിദല് കാസ്ട്രോ ആരോപിച്ചു. ബിന് ലാദന് കുറെ വര്ഷമായി അമേരിക്കന് ചാര സംഘടനയുടെ ശമ്പളം പറ്റുന്നുണ്ടെന്ന് ഈയിടെ വിക്കി ലീക്ക്സ് പുറത്ത് കൊണ്ടു വന്ന രേഖകള് വെളിപ്പെടുത്തുന്നു. അമേരിക്കന് ജനതയെ ഭീകര വാദ ഭീഷണി കൊണ്ട് ഭയപ്പെടുത്തി തനിക്ക് അനുകൂലമായ രാഷ്ട്രീയ സാഹചര്യം സൃഷ്ടിക്കാന് ബിന് ലാദനെ മുന് അമേരിക്കന് പ്രസിഡണ്ട് ജോര്ജ് ബുഷ് ഉപയോഗിച്ചു വന്നു. ബിന് ലാദന് എന്നും ബുഷിന്റെ വിശ്വസ്തനായ അനുയായി ആയിരുന്നു. ബുഷ് ആവശ്യപ്പെട്ടപ്പോഴൊക്കെ ബിന് ലാദന് പ്രത്യക്ഷപ്പെടുകയും താന് അടുത്തതായി നടത്താന് പോകുന്ന ഭീകരാക്രമണത്തിന്റെ കഥകള് പറഞ്ഞു അമേരിക്കന് ജനതയെ ഭയപ്പെടുത്തുകയും ചെയ്തു പോന്നു. ഇതിനെ തുടര്ന്ന് ബുഷ് യുദ്ധത്തിന്റെ ആവശ്യകതയെ കുറിച്ച് അമേരിക്കന് ജനതയെ ബോദ്ധ്യപ്പെടുത്തുകയും തന്റെ യുദ്ധ അജണ്ട നടപ്പിലാക്കുകയും ചെയ്തു എന്നും കാസ്ട്രോ വെളിപ്പെടുത്തി.
അമേരിക്കന് ചാര സംഘടനയുടെ പ്രവര്ത്തന രീതികളെ കുറിച്ച് ഒട്ടേറെ കഥകള് പ്രചാരത്തില് ഉണ്ടെങ്കിലും ഇതില് പലതും സത്യമാണെന്ന് ഉറച്ചു വിശ്വസിക്കുന്നവരില് കാസ്ട്രോ ഉണ്ടാവുന്നത് സ്വാഭാവികം മാത്രം. സി.ഐ.യുടെ “കഴിവു” കളെ കുറിച്ച് കാസ്ട്രോയേക്കാള് നന്നായി വേറെ ആര്ക്കാണ് അറിവുണ്ടാവുക? അറുപതുകളില് ബോംബ് വെച്ച ഒരു ചുരുട്ട് കൊണ്ട് സി. ഐ. എ. ഫിദല് കാസ്ട്രോയെ വധിക്കാന് ശ്രമിച്ചു പരാജയപ്പെട്ടതാണ് എന്നത് ഓര്ക്കുക.
- ജെ.എസ്.
മൊഗാദിഷു : സോമാലിയന് തലസ്ഥാനത്തില് അബദ്ധത്തില് ബോംബുകള് പൊട്ടി കൊല്ലപ്പെട്ട പതിനൊന്ന് ഭീകരരില് രണ്ട് ഇന്ത്യാക്കാരും ഉണ്ടെന്ന് സൂചന. ഇന്ത്യയില് ഭീകര പരിശീലന കേന്ദ്രങ്ങള് പ്രവര്ത്തിക്കുന്നു എന്ന ഇന്റലിജന്സ് റിപ്പോര്ട്ടുകള് ശരി വെയ്ക്കുന്ന ഈ കണ്ടെത്തല് അതീവ ഗൌരവമായിട്ടാണ് കാണുന്നത് എന്ന് സുരക്ഷാ വിദഗ്ദ്ധര് അഭിപ്രായപ്പെട്ടു. രണ്ട് വ്യത്യസ്ത സംഭവങ്ങളിലാണ് പതിനൊന്ന് പേര് കൊല്ലപ്പെട്ടത്. ഒരു കാര് ബോംബ് നിര്മ്മിക്കു ന്നതിനിടയില് അബദ്ധത്തില് ബോംബ് പൊട്ടി 10 പേര് കൊല്ലപ്പെട്ടപ്പോള് മറ്റൊരു സംഭവത്തില് റോഡരികില് കുഴി ബോംബ് സ്ഥാപിക്കു ന്നതിനിടയില് ബോംബ് പൊട്ടിയാണ് മറ്റൊരു ഭീകരന് കൊല്ലപ്പെട്ടത്.
- ജെ.എസ്.
ബാംഗ്ലൂര് : പാക്കിസ്ഥാന് ആഗോള ഭീകര കേന്ദ്രമായി വര്ത്തിക്കുന്നത് നിര്ത്തണമെന്നും ഭീകരരുമായുള്ള ബന്ധം പൂര്ണ്ണമായി ഉപേക്ഷിക്കണമെന്നും ഇന്ത്യയില് സന്ദര്ശനം നടത്തുന്ന ബ്രിട്ടീഷ് പ്രധാന മന്ത്രി ഡേവിഡ് കാമറോണ് ആഹ്വാനം ചെയ്തു. ഇന്ത്യന് അധികൃതരെ സന്തോഷിപ്പിക്കാന് ഉദ്ദേശിച്ചു നടത്തിയ ഈ പരാമര്ശം പാക്കിസ്ഥാന് അഫ്ഗാനിസ്ഥാനിലെ താലിബാന് ഭീകരരെ സഹായിക്കുന്നതിന്റെ തെളിവുകള് വിക്കിലീക്ക്സ് എന്ന വെബ് സൈറ്റ് പുറത്തു വിട്ടതിന്റെ പിന്നാലെ ആണെന്നത് ശ്രദ്ധേയമാണ്.
അഫ്ഗാനിസ്ഥാനിലെ താലിബാന് നേതൃത്വവുമായി പാക്കിസ്ഥാന് സുദൃഡമായ ബന്ധമാണ് ഉള്ളത് എന്നതിനാല് അഫ്ഗാന് യുദ്ധം അവസാനിപ്പിക്കാനുള്ള ശ്രമത്തില് പാക്കിസ്ഥാന് ഒരു മുഖ്യ പങ്ക് വഹിക്കാനാവും. മാത്രമല്ല അഫ്ഗാനിസ്ഥാനിലെ താലിബാന്റെ മിക്ക നേതാക്കളും പാക്കിസ്ഥാനിലാണ് ഒളിച്ചു കഴിയുന്നത് എന്നും സൂചനകളുണ്ട്.
- ജെ.എസ്.
വായിക്കുക: തീവ്രവാദം, പാക്കിസ്ഥാന്
വാര്ത്തകള് കേരളം
|
കലാ സാഹിത്യം ലേഖനങ്ങള്
മഞ്ഞ (മാഗസിന്) |
കോളംസ് പള്സ്
പച്ച (പരിസ്ഥിതി) |
മറ്റ് പംക്തികള് ചരമം |
