ജോണ്‍ എബ്രഹാം സ്മാരക ഹ്രസ്വ ചലച്ചിത്ര മേള

November 14th, 2019

john-abraham-epathram
കോഴിക്കോട് : സംവിധായകന്‍ ജോണ്‍ എബ്രഹാ മിന്റെ സ്മരണ ക്കായി ഒരുക്കുന്ന അന്താ രാഷ്ട്ര ഹ്രസ്വ ചലച്ചിത്ര മേള 2019 ഡിസംബര്‍ 13 മുതല്‍ 15 വരെ കോഴിക്കോട് ആര്‍ട്ട് ഗാലറി & കൃഷ്ണന്‍ മേനോന്‍ മ്യൂസിയം തിയ്യേ റ്ററില്‍ നടക്കും എന്ന് സംഘാടകര്‍ അറി യിച്ചു.

അന്താരാഷ്ട്ര തലത്തില്‍ നിന്നും ലഭിക്കുന്ന ഹ്രസ്വ ചിത്ര ങ്ങളില്‍ നിന്നും മികച്ചവ തെര ഞ്ഞെടുത്ത് മേള യിൽ പ്രദര്‍ശിപ്പിക്കും. പുരസ്‌കാരങ്ങള്‍ നിര്‍ണ്ണയി ക്കുവാന്‍ വ്യക്തി ഗത ജൂറി ഇല്ല എന്നതാണ് John Abraham International short Film Festival ന്റെ പ്രത്യേകത.

മേള യിലേക്കുള്ള ഹ്രസ്വ സിനിമകൾ അയക്കുവാനുള്ള അവസാന തിയ്യതി നവംബർ 24.

മേളയുടെ ഭാഗ മായി ഒരുക്കിയ ‘വോട്ടെക്‌സ് ആപ്പ്’ വഴി പ്രേക്ഷകര്‍ക്കു തന്നെ മികച്ച ചിത്രം, മികച്ച സംവിധായ കന്‍, മികച്ച അഭിനേതാവ് എന്നിവരെ തെര ഞ്ഞെടുക്കു വാൻ അവസരം നൽകും.

മികച്ച ചിത്ര ത്തിന് ഒരു ലക്ഷം രൂപയും ഫലകവും സംവിധായകൻ, അഭിനേതാവ് എന്നീ വിഭാഗ ത്തിൽ 25000 രൂപയും ഫലകവും സമ്മാനി ക്കും.

വോട്ടെക്സ് ആപ്പ് വഴി വോട്ടു ചെയ്യുന്നതിനു പുറമേ, തത്സമയം ഹ്രസ്വ ചിത്ര ങ്ങള്‍ വില യിരു ത്തുന്ന തിനും അവലോകനം ചെയ്യാനും പ്രേക്ഷകര്‍ക്ക് കഴിയും.

- pma

വായിക്കുക: , , , ,

അഭിപ്രായം എഴുതുക »

ഒഡേസ സത്യന്‍ അന്തരിച്ചു

August 19th, 2014

odesa-sathyan-ePathram
കോഴിക്കോട് : കേരള ത്തിലെ ആദ്യത്തെ ജനകീയ സിനിമാ പ്രസ്ഥാന മായ ഒഡേസ മൂവീസിന്റെ അമരക്കാരൻ ഒഡേസ സത്യന്‍ അന്തരിച്ചു. 52 വയസ്സായിരുന്നു. അര്‍ബുദ രോഗ ത്തെ തുടര്‍ന്ന് കോഴിക്കോട് മെഡിക്കല്‍ കോളേജില്‍ ചികിത്സ യായിരുന്നു. ചൊവ്വാഴ്ച രാവിലെ യായിരുന്നു മരണം.

പ്രമുഖ സംവിധായകൻ ജോണ്‍ അബ്രാഹാമിന്റെ സഹ യാത്രിക നായിരുന്ന സത്യന്‍ സ്ഥാപിച്ച ജനകീയ സിനിമാ കമ്പനിയാണ് ഒഡേസ. ജന ങ്ങളില്‍ നിന്നും ധനം സമാഹരി ച്ചാണ് സത്യന്‍ ഡോക്യു മെന്ററി കള്‍ നിര്‍മിച്ചിരുന്നത്.

- pma

വായിക്കുക: , , ,

Comments Off on ഒഡേസ സത്യന്‍ അന്തരിച്ചു

എവിടെ ജോണ്‍?

May 30th, 2012

john-abraham-epathram

കോഴിക്കോട്‌ : സിനിമകളേക്കാള്‍ തന്റെ ബോഹെമിയന്‍ ജീവിത ശൈലിയും വ്യത്യസ്തമായ ചിന്തയും കൊണ്ട് നമ്മുടെ മനസ്സുകളില്‍ ഒരു മിത്തായി മാറിയ ജോണ്‍ അബ്രഹാം ഓര്‍മ്മയായിട്ട് ഇന്നേക്ക് 25 വര്ഷം കഴിഞ്ഞു. ജീവിതത്തിലും കലയിലുമുള്ള എല്ലാ വ്യവസ്ഥാപിത ശൈലികളോടും പ്രതിഷേധിച്ച ജോണ്‍ മലയാള സിനിമയിലെ ഒറ്റയാനായ ഒരു ജീനിയസ്‌ ആയാണ് അറിയപ്പെടുന്നത്. അരാജകത്വം ജീവിതത്തില്‍ തന്നെ ഒരു കലയാക്കിയ ജോണ്‍ പക്ഷെ തന്റെ അമിത മദ്യപാനം മൂലം 1987 മെയ്‌ 31നു രാത്രി കോഴിക്കോട്ടെ ഒരു കെട്ടിടത്തിന്റെ മുകളില്‍ നിന്നും വീണ് കൊല്ലപ്പെടുകയായിരുന്നു. വേഷത്തിലും രൂപത്തിലും, മദ്യപിച്ചു കാല്‍ തെറ്റി വീണു മരിച്ച ഏതോ തെരുവ് തെണ്ടിയാണെന്ന് തെറ്റിദ്ധരിക്കപ്പെട്ട ജോണ്‍, കോഴിക്കോട്‌ മെഡിക്കല്‍ കോളജില്‍ ഏറെ നേരം ആരാലും തിരിച്ചറിയപ്പെടാതെ കിടന്നു. സത്യത്തില്‍ ജോണ്‍ അത് തന്നെയായിരുന്നു. മറ്റൊരാള്‍ക്കും അനുകരിക്കാനാവാത്ത അരാജകത്വത്തിന്റെ പ്രതീകമായിരുന്നു എന്നും ജോണ്‍.

- ജെ.എസ്.

വായിക്കുക: ,

1 അഭിപ്രായം »

ജോണിന്റെ വേര്‍പ്പാടിന് കാല്‍ നൂറ്റാണ്ട്

May 30th, 2012

എവിടെ ജോൺ?

ആര്‍ത്തുപൊങ്ങുന്നിതാ
വെറും പൊടിയില്‍ നിന്നും
മനുഷ്യരക്തത്തിന്റെ നിലവിളി
മുട്ടുകുത്തി വീഴുമ്പോഴെന്‍
കരളു ചീന്തിത്തെറിക്കുന്നു വാക്കുകള്‍”

john-abraham-epathram

“ലോക സിനിമയിലെ ഒരു അത്ഭുതം”

1987 മേയ് 31നു അലച്ചിലിന്റെ പുതിയ ഇടം തേടി പോയി. അലസമായ തന്റെ മുടിയും തടിയും കാറ്റില്‍ പാറിക്കളിച്ചു…അതെ ജോണ്‍ എബ്രഹാം എന്ന തന്റേടം നമ്മെ വിട്ടകന്നിട്ട് ഇന്നേക്ക് കാല്‍ നൂറ്റാണ്ട് തികയുന്നു. ഈ ലോകത്ത്‌ ഒരേയൊരു ജോണെ ഉള്ളൂ… വ്യക്തമായ രാഷ്ടീയ നിരീക്ഷണങ്ങളും സാമൂഹ്യ വിമർശനവും പരീക്ഷണാത്മകതയും ജോണിന്റെ  ഓരോ സിനിമയേയും വേറിട്ടു നിർത്തി. അഗ്രഹാരത്തിലേക്കു ജോൺ ഒരു കഴുതയെ നടത്തിക്കയറ്റിയതു സവർണ മേധാവിത്വത്തിന്‌ എതിരേയുള്ള വെല്ലുവിളി യോടെയായിരുന്നു. ശക്തമായ വിമര്‍ശനം അഭ്രപാളികളില്‍ നിറഞ്ഞ  ‘അഗ്രഹാരത്തിലെ കഴുത’ ഇറങ്ങിയതോടെ  ചിത്രത്തിനെതിരേ ഒരു വിഭാഗം ശക്‌തമായ പ്രതിഷേധിച്ചു  രംഗത്തിറങ്ങി. ഫ്യൂഡൽ വ്യവസ്‌ഥിതിയെയും പോലീസ്‌ അരാജകത്വത്തെയും ജോൺ വരച്ചു കാട്ടിയ ‘ചെറിയാച്ചന്റെ ക്രൂരകൃത്യങ്ങളിൽ’ ഒരു ഭൂപ്രഭുവിനെ തെങ്ങിന്റെ മുകളിലേക്കു കയറ്റിയത് ഒട്ടേറെ അർഥ തലങ്ങളുള്ളതായി വ്യാഖ്യാനിക്കപ്പെടുന്നു. ഒരു കാലഘട്ടത്തിൽ വസന്തത്തിന്റെ ഇടിമുഴക്കത്തിനു കാതോർക്കാനും, ചോരയിലൂടെ സ്‌ഥിതി സമത്വ വാദം ഉറപ്പു വരുത്താനും യുവാക്കളെ ആഹ്വാനം ചെയ്‌ത നക്‌സലിസത്തിന്റെ അനന്തര ഫലമായിരുന്നു ‘അമ്മ അറിയാൻ’ എന്ന ചലച്ചിത്രം.

john-abraham-amma-ariyaan-epathram

“ഞാൻ ആത്മസാക്ഷാത്കാരത്തിന് വേണ്ടി സിനിമയെടുക്കാറില്ല. ജനങ്ങളോട് ചിലത് വിളിച്ച് പറയണമെന്ന് തോന്നുമ്പോഴാണ് ഞാൻ സൃഷ്ടാവാകുന്നത്, സിനിമയെടുക്കുന്നത്. എന്റെ സിനിമ ജനങ്ങൾ കാണണമെന്നും അതിന്റെ എല്ലാ അർത്ഥത്തിലും മനസ്സിലാക്കണമെന്നും എനിക്ക്  നിർബന്ധം ഉണ്ട് ”

ഈ പറച്ചിലുകള്‍ പറയാന്‍ ധൈര്യമുള്ള, സിനിമ സാധാരണ ജനങ്ങള്‍ക്കുള്ളതാണ് എന്ന് പറഞ്ഞു കൊണ്ട് ജനങ്ങളില്‍ നിന്ന് തന്നെ പിരിച്ചെടുത്ത് ജനങ്ങള്‍ക്കിടയില്‍ തന്നെ കാണിക്കാന്‍ മുതിര്‍ന്ന ഒരേയൊരു ജോണ്‍. ജോണിനെ ഓര്‍ക്കാന്‍ നിരവധി കാര്യങ്ങള്‍ ഉണ്ട്, മറക്കാതിരിക്കാന്‍ അതിലേറെയും.

- ജെ.എസ്.

വായിക്കുക: , , ,

അഭിപ്രായം എഴുതുക »

ജോണ്‍ എബ്രഹാം അനുസ്മരണം

May 16th, 2012

john-abraham-epathram

ജോണ്‍ എബ്രഹാം എന്ന അതുല്യ ചലച്ചിത്രകാരന്‍ ഓര്‍മ്മയായിട്ട് 25 വര്‍ഷങ്ങള്‍ പൂര്‍ത്തിയാവുകയാണ്.1987 മെയ് 31നായിരുന്നു അദ്ദേഹത്തിന്റെ അന്ത്യം.’അമ്മ അറിയാന്‍’ എന്ന സമാനതകളില്ലാത്ത ചലച്ചിത്രം പുറത്തിറങ്ങിയിട്ട് കാല്‍ നൂറ്റാണ്ട് പിന്നിട്ടിരിക്കുന്നു.ജോണ്‍ എബ്രഹാമിനെയും അദ്ദേഹത്തിന്റെ സിനിമാ ജീവിതത്തെയും അനുസ്മരിക്കുന്ന പരിപാടി കാണി ഫിലിം സൊസൈറ്റിയുടെ വാര്‍ഷികത്തിന്റെ ഭാഗമായി 2012 മെയ് 20,ഞായറാഴ്ച, വൈകുന്നേരം 4.00 മണിക്ക് പ്രതീക്ഷ കോംപ്ലക്സ്, വടക്കെ റോഡ്, ചങ്ങരംകുളത്ത് വെച്ച് നടത്തുന്നു. ജോണ്‍ എബ്രഹാമിനെ അനുസ്മരിച്ചു കൊണ്ടുള്ള പ്രഭാഷണങ്ങളും ‘അമ്മ അറിയാന്‍’ എന്ന ചിത്രത്തിന്റെ പ്രദര്‍ശനവും ‘സിനിമയും കവിതയും ‘ എന്ന വിഷയത്തില്‍ കാണി നടത്തിയ കവിതാമത്സരത്തില്‍ വിജയികളായവര്‍ക്കുള്ള സമ്മാനങ്ങളും ചടങ്ങില്‍ വെച്ച് വിതരണവും ഉണ്ടാകും ജോണ്‍ എബ്രഹാം അനുസ്മരണ പ്രഭാഷണം പ്രശസ്ത കവി കെ.ജി.ശങ്കരപ്പിള്ള നടത്തും, സിനിമാ പ്രവര്‍ത്തകന്‍ എം. ജി.ശശി, കവി ആലങ്കോട് ലീലാകൃഷ്ണന്‍ എന്നിവര്‍ പങ്കെടുക്കും. കാണിയുടെ വാര്‍ഷിക ജനറല്‍ ബോഡി അന്ന് തന്നെ ഉണ്ടായിരിക്കും.

- ന്യൂസ് ഡെസ്ക്

വായിക്കുക: , , , ,

അഭിപ്രായം എഴുതുക »

1 of 212

« Previous « സംവിധായകന്‍ സി. പി. പത്മകുമാര്‍ നിര്യാതനായി
Next Page » മമ്മൂട്ടിക്കായി രഞ്ജിത്ത് ‘ലീല’ മാറ്റിവെച്ചു »



ജോണ്‍ എബ്രഹാം സ്മാരക ഹ്രസ...
രജനികാന്ത് ചിത്രത്തിൽ മഞ്...
“നിങ്ങള്‍ നനയുമ്പോള്‍ എനി...
ഹൊറര്‍ ചിത്രത്തിലൂടെ തമന്...
'ഞാന്‍ പന്ത്രണ്ടാം ക്ലാസു...
'ലൂസിഫറി'ന് ശേഷം ‘ഉണ്ട’; ...
ഗിരീഷ് കര്‍ണാട് അന്തരിച്ച...
എവിടെ ജോണ്‍?...
ജോസ് പ്രകാശിന് ജെ. സി ഡാ...
നടന്‍ ജഗതിശ്രീകുമാറിനു കാ...
ബാരി മികച്ച ചിത്രം; വിദ്യ...
ജോണ്‍ അബ്രഹാം പ്രത്യേക പു...
പത്മശ്രീ ഭരത് ഡോക്ടര്‍ സര...
പ്രണയം : മലയാളിയുടെ ലൈംഗി...
ബ്ലെസിയുടെ ‘പ്രണയം’ കോപ്...
കോളിളക്കം വീണ്ടും വരുന്നു...
എം. ജി. ശ്രീകുമാറും പാട്ട...
പ്രാഞ്ചിയേട്ടന്‍റെ ഒന്നാം...
ആദാമിന്റെ മകന്‍ അബുവിനു വ...
നടി ശ്വേതാ മേനോന്‍ വിവാഹി...

Click here to download Malayalam fonts
Click here to download Malayalam fonts
Your Ad Here
Club Penguin


ePathram Magazine