വിദ്യാര്‍ഥികളുടെ 192 ദശലക്ഷം ദിര്‍ഹം ഫീസ് കുടിശ്ശിക എഴുതിത്തള്ളി

August 18th, 2012

school children-epathram

അബൂദബി: അബൂദബി എമിറേറ്റിലെ സര്‍ക്കാര്‍ സ്കൂളുകളില്‍ വിദേശികളായ 15,750 വിദ്യാര്‍ഥികളുടെ ഫീസ് കുടിശ്ശിക എഴുതിത്തള്ളി. മൂന്നു വര്‍ഷത്തെ ട്യൂഷന്‍ ഫീസ് കുടിശ്ശികയാണ് പ്രസിഡന്‍റ് ഷെയ്ഖ് ഖലീഫ ബിന്‍ സായിദ് ആല്‍ നഹ്യാന്‍ എഴുതിത്തള്ളിയത്. 15,750 വിദ്യാര്‍ഥികളുടെ കുടിശ്ശിക ഇനത്തില്‍ ഏതാണ്ട് മൊത്തം 192 ദശലക്ഷം ദിര്‍ഹമാണ് എഴുതി തള്ളിയത്. ഈ ഉത്തരവ് ഇതിനകം അബൂദബി എജുക്കേഷന്‍ കൗണ്‍സിലിന് ലഭിച്ചു എന്ന് അറിയിച്ചു. ഈ ആനുകൂല്യം കൂടുതലും ഗുണം ചെയ്യുക അബൂദബിക്ക് പുറമെ അല്‍ഐന്‍, പശ്ചിമ മേഖല എന്നിവിടങ്ങളിലെ കുട്ടികള്‍ക്കാണ്.

- ഫൈസല്‍ ബാവ

വായിക്കുക: , ,

Comments Off on വിദ്യാര്‍ഥികളുടെ 192 ദശലക്ഷം ദിര്‍ഹം ഫീസ് കുടിശ്ശിക എഴുതിത്തള്ളി

പാചകവാതക പൈപ്പില്‍ തീ പടര്‍ന്ന്‍ ഉഗ്രസ്ഫോടനം

November 28th, 2011

abu dabhi pipeline explosion-epathram

അബുദാബി: എട്ടുനില കെട്ടിടത്തിലെ പാചകവാതക പൈപ്പിനു തീ പിടിച്ചതിനെ തുടര്‍ന്ന് ഉണ്ടായ സ്ഫോടനത്തില്‍ രണ്ടു പേര്‍ക്ക് പരിക്ക്. മുസഫ്ഫ ഷാബിയ പത്തില്‍ ഇന്നലെ വെളുപ്പിന് മൂന്നുമണി യോടെയാണ് സംഭവം. സ്ഫോടനത്തെ തുടര്‍ന്ന് ഇരുപതിലധികം കെട്ടിടങ്ങള്‍ക്ക് കേടുപാടുകള്‍ പറ്റി. പരിസരത്ത്‌ പാര്‍ക്ക് ചെയ്തിരുന്ന അന്‍പതോളം കാറുകള്‍ ഭാഗികമായി തകര്‍ന്നു. കെട്ടിടത്തിന്റെ ഭിത്തി വിണ്ടുകീറിയിട്ടുണ്ട്. സമീപ വാസികള്‍ എല്ലാം തന്നെ ഭൂമികുലുക്ക മാണെന്ന് കരുതി പുറത്തേക്കോടി. പാചകവാതക ലൈനില്‍ ഉണ്ടായ ചോര്ച്ചയാണ് അപകടകാരണമെന്ന് കരുതുന്നു. തക്ക സമയത്ത്‌ തന്നെ സിവില്‍ ഡിഫന്‍സും പോലീസും എത്തി നിയന്ത്രണം ഏറ്റെടുത്തു.

- ജെ.എസ്.

വായിക്കുക:

അഭിപ്രായം എഴുതുക »

സുരക്ഷക്കും സമാധാന ത്തിനും ജി. സി. സി. സഹകരണം ശക്തമാക്കണം : യു. എ. ഇ. പ്രസിഡന്‍റ്

November 24th, 2011

sheikh-khalifa-gcc-meet-ePathram
അബുദാബി : ഗള്‍ഫ്‌ മേഖല യില്‍ സുരക്ഷയും സമാധാനവും നിലനിര്‍ത്താനും കൂടുതല്‍ പുരോഗതി കൈവരിക്കാനും ജി. സി. സി. രാജ്യങ്ങള്‍ തമ്മിലെ സഹകരണം ശക്തമാക്കണം എന്ന് യു. എ. ഇ. പ്രസിഡന്‍റ് ശൈഖ് ഖലീഫ ബിന്‍ സായിദ് അല്‍ നഹ്യാന്‍ ആഹ്വാനം ചെയ്തു.

ജി. സി. സി. പ്രതിരോധ മന്ത്രിമാരുമായി സംസാരിക്കുക യായിരുന്നു അദ്ദേഹം. വൈസ് പ്രസിഡന്‍റും പ്രധാനമന്ത്രിയും ദുബൈ ഭരണാധികാരി യുമായ ശൈഖ് മുഹമ്മദ് ബിന്‍ റാശിദ് അല്‍ മക്തൂം ഉള്‍പ്പെടെ യുള്ളവര്‍ സന്നിഹിത രായിരുന്നു.

രാജ്യത്തിന്‍റെ മുന്നോട്ടുള്ള പ്രയാണ ത്തിനും പുരോഗതിക്കും ജനങ്ങളുടെ ക്ഷേമത്തിനും മേഖല യില്‍ സുരക്ഷയും സമാധാനവും നിലനില്‍ക്കണം എന്നാണ് ജി. സി. സി. ആഗ്രഹിക്കുന്നത് എന്ന് പ്രസിഡന്‍റ് കൂട്ടിച്ചേര്‍ത്തു. അടുത്ത മാസം റിയാദില്‍ നടക്കുന്ന ജി. സി. സി. ഉച്ചകോടിക്ക് മുന്നോടിയായി യോഗം ചേരുന്നതിനാണ് പ്രതിരോധ മന്ത്രിമാര്‍ അബുദാബിയില്‍ എത്തിയത്. ഉച്ചകോടിയിലെ അജണ്ട ഉള്‍പ്പെടെ യുള്ള കാര്യങ്ങള്‍ ഇവര്‍ ചര്‍ച്ച ചെയ്യും.

-

വായിക്കുക: ,

അഭിപ്രായം എഴുതുക »

എനോര ‘ഈദ് സംഗമം’ ശ്രദ്ധേയമായി

November 14th, 2011

edakkazhiyoor-enora-eid-meet-ePathram
ദുബായ് : തൃശൂര്‍ ജില്ല യിലെ ചാവക്കാട് എടക്കഴിയൂര്‍ പ്രദേശത്തു നിന്നുള്ള വരുടെ യു. എ. ഇ. യിലെ പ്രവാസി കൂട്ടായ്മ യായ എനോര (enora – എടക്കഴിയുര്‍ നോണ്‍ റെസിഡന്‍റ് അസോസിയേഷന്‍) യുടെ ആഭിമുഖ്യ ത്തില്‍ സംഘടിപ്പിച്ച ഈദ് സംഗമം സഹൃദയ പങ്കാളിത്തം കൊണ്ട് ശ്രദ്ധേയമായി.

പരസ്പരം പരിചയ പ്പെടുത്തലോടെ ആരംഭിച്ച സുഹൃദ് സംഗമ ത്തില്‍ പുതിയ ഉപദേശക സമിതി അംഗ ങ്ങളായി എം. കെ. ഷറഫുദ്ദീന്‍, മുഹമ്മദ് താഹിര്‍, മെഹറൂഫ് കയ്യാലയില്‍, ഷാജി മുഹമ്മദലി, സൈനുദ്ദീന്‍ പള്ളിപ്പറമ്പില്‍, കമറു മോഡേണ്‍, ജമാല്‍ മനയത്ത്, ബാദ്ഷ, അബ്ദുള്ള വി. സി. എന്നിവരെ തിരഞ്ഞെടുത്തു.

enora-eid-sangamam-ePathram

അംഗങ്ങള്‍ക്കും കുട്ടികള്‍ക്കു മായി നടന്ന വിവിധ മത്സര ങ്ങളില്‍ മുഹമ്മദ് റിയാസ്, ആയിഷ, ജബീന, ജുനൈദ്, ഫാത്തിമ, അഫ്ര, ലാലു, മിന്നു, നഹദ, നിഹാല്‍, നദാല്‍, റിസ്വാന്‍, ഷബന ഫിറോസ്, റംസി ദാനിഫ്, ഷംസിയ അബ്ദുള്ള എന്നിവര്‍ സമ്മാനങ്ങള്‍ നേടി.

-

വായിക്കുക: , ,

അഭിപ്രായം എഴുതുക »

അബുദാബി കെ. എം. സി. സി. യുടെ ദേശീയ ദിനാഘോഷം

November 13th, 2011

uae national day-epathram
അബുദാബി : സാമൂഹിക സാംസ്‌കാരിക രംഗത്ത് മൂന്ന് വ്യാഴവട്ട ക്കാലത്തില്‍ ഏറെ യായി സേവന പാരമ്പര്യ മുള്ള അബുദാബി കെ. എം. സി. സി. യുടെ ആഭിമുഖ്യ ത്തില്‍ യു. എ. ഇ. യുടെ നാല്പതാം ദേശീയ ദിനം അതിവിപുല മായി ആഘോഷിക്കാന്‍ സംസ്ഥാന പ്രവര്‍ത്തക സമിതി യോഗം തീരുമാനിച്ചു.

യു. എ. ഇ. യുടെ ഓരോ ദേശീയ ദിനവും എന്നും മലയാളി കള്‍ക്ക് ഏറെ ആഘോഷം പകരുന്ന സന്തോഷ മുഹൂര്‍ത്ത മാണ്. ഇന്ത്യന്‍ സമൂഹ ത്തിന് യു. എ. ഇ. യോടുള്ള തീര്‍ത്താല്‍ തീരാത്ത കടമയും കടപ്പാടും ഭരണ കൂട ത്തോടുള്ള ഐക്യവും എന്നും ദേശീയ ദിനാഘോഷ ങ്ങളില്‍ ഏറെ പ്രകടമാണ്.

അതു കൊണ്ടു തന്നെ കെ. എം. സി. സി. പ്രവര്‍ത്തകര്‍ നാല്‍പ്പതാം ദേശീയ ദിനം വലിയ ആഘോഷ മാക്കി മാറ്റാന്‍ വൈവിധ്യ മാര്‍ന്ന പരിപാടി കള്‍ക്കാണ് രൂപം നല്‍കി യിട്ടുള്ളത്.

kmcc-abudhabi-national-day-logo-ePathram

കെ. എം. സി. സി. ബ്രോഷര്‍ പ്രകാശനം

യു. എ. ഇ. യുടെ കഴിഞ്ഞ നാല്പത് വര്‍ഷ ത്തെ വിസ്മയ കരവും ലോകത്തിന് മാതൃകാ പരവു മായ ചരിത്ര ത്തിലേക്ക് നയിക്കുന്ന നൂറു കണക്കിന് ഫോട്ടോ കള്‍ അണി നിരത്തി ക്കൊണ്ടുള്ള ഫോട്ടോ പ്രദര്‍ശനം ഇന്തോ അറബ് ബന്ധ ത്തിന്‍റെ പിന്നാമ്പുറ ങ്ങളിലേക്കും സുശക്ത മായ വര്‍ത്തമാന കാലഘട്ട ത്തിലേക്കും ചിന്തയെ നയിക്കുന്ന ഇന്ത്യ യിലെയും ഗള്‍ഫ് രാജ്യ ങ്ങളിലെയും പൗര പ്രമുഖരും നേതാക്കളും സംബന്ധിക്കുന്ന ഇന്തോ – അറബ് സാംസ്‌കാരിക സമ്മേളനം, പൊതു സമ്മേളനം, കലാ പരിപാടി കള്‍ തുടങ്ങിയവ ആഘോഷ ത്തിന്‍റെ ഭാഗമായി സംഘടിപ്പിക്കും എന്ന് ഭാരവാഹികള്‍ അറിയിച്ചു.

പരിപാടി യുടെ നടത്തി പ്പിനായി വിപുലമായ സ്വാഗത സംഘത്തിന് രൂപം നല്‍കി. സുധീര്‍കുമാര്‍ ഷെട്ടി, ഇ. പി. മൂസഹാജി, പി. ബാവ ഹാജി, അബ്ദുല്‍കരീം ഹാജി, മമ്മി ക്കുട്ടി മുസ്‌ല്യാര്‍ (രക്ഷാധികാരികള്‍), എന്‍. കുഞ്ഞിപ്പ (ചെയര്‍മാന്‍), എം. പി. എം. റഷീദ്, മൊയ്തു എടയൂര്‍, കരപ്പാത്ത് ഉസ്മാന്‍, അബ്ദുല്ല ഫാറൂഖി, മൊയ്തുഹാജി കടന്നപ്പള്ളി, വി. കെ. മുഹമ്മദ് ഷാഫി (വൈസ് ചെയര്‍മാന്‍), ഷറഫുദ്ദീന്‍ മംഗലാട് (ജന. കണ്‍.), അബ്ദുല്‍റഹ്മാന്‍ പൊവ്വല്‍, ശുക്കൂറലി കല്ലിങ്ങല്‍, സി. എച്ച്. ജഅഫര്‍ തങ്ങള്‍, സഅദ് കണ്ണപുരം (ജോ. കണ്‍) എന്നിവരാണ് ഭാരവാഹി കള്‍.

യോഗത്തില്‍ എന്‍. കുഞ്ഞിപ്പ അദ്ധ്യക്ഷത വഹിച്ചു. അബാസ് മൗലവി, സി. എച്ച്. അഹമ്മദ് കുഞ്ഞി ഹാജി, കെ. കെ. ഹംസക്കുട്ടി, എ. പി. ഉമ്മര്‍ തളിപ്പറമ്പ് എന്നിവര്‍ സംസാരിച്ചു. ശറഫുദ്ദീന്‍ മംഗലാട് സ്വാഗതവും അബ്ദുല്‍റഹ്മാന്‍ പൊവ്വല്‍ നന്ദിയും പറഞ്ഞു.

-

വായിക്കുക: , ,

അഭിപ്രായം എഴുതുക »

Page 1 of 812345...Last »

« Previous « പ്രതിപക്ഷം വിഷയ ദാരിദ്ര്യം നേരിടുന്നു : പി. ബി. അബ്ദുല്‍ റസാഖ് എം. എല്‍. എ.
Next Page » ഇന്‍റര്‍ യു. എ. ഇ. കബഡി ടൂര്‍ണമെന്‍റ് അബുദാബി യില്‍ »



ജലീല്‍ രാമന്തളിക്കും ബി. ...
സുരക്ഷക്കും സമാധാന ത്തിനു...
തടവുകാരെ കൈമാറാന്‍ ഇന്ത്യ...
വ്യാജ മൊബൈലിനെതിരെ കര്‍ശ...
ബോയിംഗിന് ഇത് ചരിത്ര മുഹൂ...
ദുബായ് എയര്ഷോ ആരംഭിച്ചു...
മലയാളി സമാജം ആര്‍. സി. സി...
പ്രവാസി സാമ്പത്തിക അച്ചടക...
ഇന്ത്യന്‍ വിസ ഇനി ഓണ്‍ലൈന...
ദുബായ് ആനപ്രേമി സംഘം മാടമ...
സൌദിയില്‍ 8 ബംഗ്ലാദേശ് സ്...
കേരളീയ വിദ്യാഭ്യാസ രംഗം മ...
തിരുനെല്ലൂര്‍ കരുണാകരന്‍ ...
ബഹറിനില്‍ പ്രക്ഷോഭകാരികളെ...
വാഹനം ഓടിച്ചതിന് സൗദി വനി...
സൗദിയില്‍ ഇനി സ്‌ത്രീകള്‍...
ദുബായില്‍ പ്ലാസ്റ്റിക്‌, ...
ദുബായ്‌ മെട്രോ ഗ്രീന്‍ ലൈ...
പ്രവാസി മലയാളികള്‍ ഓണ ലഹര...
സൃഷ്ടാവിന്റെ മഹത്വം ബോദ്ധ...

Click here to download Malayalam fonts
Click here to download Malayalam fonts
Your Ad Here
Club Penguin


ePathram Magazine