 |
 |
 |
 |
 |
 |
 |
 |
 |
 |
 |
 |
 |
 |
അബുദാബി : അബുദാബി ഇന്ത്യാ സോഷ്യല്‍ സംഘടിപ്പിക്കുന്ന സമ്മര്‍ ക്യാമ്പ് ജൂലായ്‌ 8 വെള്ളിയാഴ്ച തുടങ്ങും. ജൂലായ്‌ 30 നു സമാപനം. എല്ലാ ദിവസവും വൈകിട്ട് 4.30 മുതല്‍ രാത്രി ഒമ്പതു വരെയാണ് ക്യാമ്പ്. 7 വയസ്സു മുതല്‍ 10 വയസ്സു വരെയും 11 വയസ്സു മുതല്‍ 13 വയസ്സു വരെയും 14 വയസ്സു മുതല്‍ 17 വയസ്സു വരെയും ഉള്ള മൂന്നു ഗ്രൂപ്പുകളില്‍ ആയിട്ടാണ് ക്രമീകരിച്ചിരിക്കുന്നത്. കൂടുതല്‍ വിവരങ്ങള്‍ക്ക് : 02 67 300 66.
- ഫൈസല്‍ ബാവ
വായിക്കുക: ഇന്ത്യ സോഷ്യല്‍ സെന്റര്, കുട്ടികള്‍, വിദ്യാഭ്യാസം
ഷാര്‍ജ : മലയാളി ആര്‍ട്സ്‌ ആന്‍ഡ്‌ സോഷ്യല്‍ സെന്റര് ഷാര്‍ജ – മാസ് “കേരള വിദ്യാഭ്യാസം : പ്രശ്നങ്ങളും പരിഹാരങ്ങളും” എന്ന വിഷയത്തില്‍ സെമിനാര്‍ സംഘടിപ്പിക്കുന്നു. ജൂലൈ 1 വെള്ളിയാഴ്ച ഷാര്‍ജ ഇന്ത്യന്‍ അസോസിയേഷനില്‍ രാത്രി 8 മണിക്കാണ് സെമിനാര്‍ ആരംഭിക്കുക. കേരള സര്‍ക്കാര്‍ ഹയര്‍ സെക്കണ്ടറി വിദ്യാഭ്യാസ മുന്‍ ഡയറക്ടര്‍ പ്രൊഫ. വി, കാര്‍ത്തികേയന്‍ നായര്‍ സെമിനാറിന് നേതൃത്വം നല്‍കും. മറ്റ് നിരവധി വിദ്യാഭ്യാസ വിദഗ്ദ്ധരും പങ്കെടുക്കുന്ന സെമിനാറില്‍ എല്ലാവര്ക്കും പ്രവേശനം ഉണ്ടായിരിക്കും എന്ന് ഭാരവാഹികള്‍ അറിയിച്ചു.
(അയച്ചു തന്നത് : ശ്രീപ്രകാശ്‌)
- pma
വായിക്കുക: കുട്ടികള്‍, വിദ്യാഭ്യാസം, സംഘടന
അബുദാബി: അബുദാബി ഇന്ത്യന്‍ സ്കൂള് ( ADIS) അബുദാബി ഇന്‍റര്‍നാഷണല്‍ കമ്മ്യൂണിറ്റി സ്കൂള് എന്നിവ ഉള്‍ക്കൊള്ളുന്ന ഇന്ത്യന്‍ സ്കൂള് കോംപ്ലക്‌സിന് അബുദാബി എജ്യുക്കേഷന്‍ കൗണ്‍സിലിന്‍റെ അംഗീകാരം ലഭിച്ചു എന്നും മുസ്സഫ മുഹമ്മദ് ബിന്‍ സായിദ് സിറ്റിയില്‍ ഇന്ത്യന്‍ സ്കൂള് കോംപ്ലക്‌സ് ആരംഭിക്കുമെന്നും അബുദാബി ഇന്ത്യന്‍ സ്കൂള് ചെയര്‍മാന്‍ ഡോ. ബി. ആര്‍. ഷെട്ടി വാര്‍ത്താ സമ്മേളന ത്തില്‍ അറിയിച്ചു. ബി. ആര്‍. ഷെട്ടിയെ കൂടാതെ സ്കൂള് പ്രിന്‍സിപ്പല്‍ വി. കെ. മാത്തൂര്‍, സ്‌പോര്‍ട്‌സ് കമ്മിറ്റി അംഗം സര്‍വ്വോത്തം ഷെട്ടി എന്നിവരും പങ്കെടുത്തു.
നിലവിലെ ഇന്ത്യന്‍ സ്കൂളില് 5,800 കുട്ടികളാണുള്ളത്. പുതിയ സ്കൂളില് 12,000 കുട്ടികള്‍ക്ക് പ്രവേശനം നല്‍കാന്‍ സാധിക്കും. ആധുനികമായ എല്ലാ സൗകര്യങ്ങളോടെയും നിര്‍മ്മിക്കുന്ന കെട്ടിടത്തില്‍ 2012 ല്‍ തന്നെ ഇന്ത്യന്‍ സ്കൂള് പ്രവര്‍ത്തനം ആരംഭിക്കും. പുതിയ സ്കൂള് കോംപ്ലക്‌സില്‍ ഒരു ക്ലാസ് മുറിയില്‍ 25 വിദ്യാര്‍ത്ഥികള്‍ക്കു മാത്രമേ പ്രവേശനം നല്‍കാവൂ എന്നാണ് അബുദാബി എജ്യുക്കേഷന്‍ കൗണ്‍സിലിന്‍റെ നിര്‍ദ്ദേശം. ബി. ആര്‍. ഷെട്ടി പറഞ്ഞു.
അബുദാബി ഇന്ത്യന്‍ സ്‌കൂളിന്‍റെ അക്കാദമിക് വിജയങ്ങള്‍ പ്രഖ്യാപിക്കാന്‍ വിളിച്ചു ചേര്‍ത്ത തായിരുന്നു വാര്‍ത്താ സമ്മേളനം. ഇന്ത്യന്‍ സ്‌കൂളിന്‍റെ പഠന നിലവാരം ഏറെ മികച്ചതാണ്. കഴിഞ്ഞ അഖിലേന്ത്യാ സെക്കന്‍ഡറി സ്കൂള് പരീക്ഷ യില്‍ ഇന്ത്യന്‍ സ്കൂളില് നിന്ന് പരീക്ഷ എഴുതിയ 319 പേരും ഡിസ്റ്റിംഗ്ഷ നോടെ ഉയര്‍ന്ന മാര്ക്ക് നേടിയാണ് പാസ്സായത്. പ്രിന്‍സിപ്പല്‍ വി. കെ. മാത്തൂര്‍ വിശദീകരിച്ചു.
പന്ത്രണ്ടാം ക്ലാസ് സയന്‍സ് വിഭാഗ ത്തില്‍ 98 % മാര്ക്ക് വാങ്ങി യു. എ. ഇ. യില്‍ തന്നെ ഒന്നാമന്‍ ആയത് ഇന്ത്യന്‍ സ്‌കൂളിലെ അഖിലേഷ് മോഹന്‍. കൊമേഴ്‌സ് വിഭാഗത്തില്‍ ലവീന്‍ നാന്‍ഖാനി 96.4 % മാര്ക്ക് നേടി ഒന്നാമനായി.
അതുപോലെ ഉന്നത വിജയം നേടിയ സാര്‍ഥക് ഭാസ്‌ക് (97.6 %), ആരതി പ്രഭു (96.4 %), പ്രിയങ്ക പ്രഭു (96 %), വിശ്രുത് (94 %) എന്നിവരും ഇന്ത്യന്‍ സ്കൂള് വിദ്യാര്‍ത്ഥികള്‍ തന്നെയാണ്.
യു. എ. ഇ. യിലെ ഏറ്റവും വലിയ വിദ്യാഭ്യാസ അവാര്‍ഡായ ശൈഖ് ഹംദാന്‍ അവാര്‍ഡ് നേടിയ നവമി കൃഷ്ണ, കാഞ്ചന്‍ രാജീവ്, മുഹ്‌സിനാ സിയാബുദ്ദീന്‍, ഗുര്‍സി മാര്‍ജിത് സിംഗ് എന്നിവര്‍ അബുദാബി ഇന്ത്യന്‍ സ്കൂള് വിദ്യാര്‍ത്ഥികള്‍ ആണ്.
-
വായിക്കുക: ബഹുമതി, വിദ്യാഭ്യാസം
ദുബായ് : ദല മാതൃഭാഷ പുരസ്ക്കാരത്തിന് അപേക്ഷകള്‍ ക്ഷണിക്കുന്നു. എസ്. എസ്. എല്‍. സി., സി. ബി..എസ്. ഇ. (പത്താം തരം) പരീക്ഷകളില്‍ മലയാളം അടക്കം എല്ലാ വിഷയങ്ങളിലും A+ നേടി പാസ്സായ കുട്ടികള്‍ക്കാണ് പുരസ്ക്കാരം നല്‍കുന്നത്. ദുബായ് എമിറേറ്റിലെ സ്കൂളില് നിന്നുള്ള കുട്ടികളാണ് അപേക്ഷിക്കേണ്ടത്. സ്കൂള് പ്രിന്‍സിപ്പല്‍ സാക്ഷ്യപ്പെടുത്തിയ മാര്ക്ക് ലിസ്റ്റോടൂ കൂടി താഴെ പറയുന്ന അഡ്രസ്സുകളില്‍ അപേക്ഷകള്‍ സമര്‍പ്പിക്കേണ്ടതാണ്. ഫാക്സ് : 04-2725898. ഈമെയില്‍ : mail അറ്റ്‌ daladubai ഡോട്ട് കോം. വിശദ വിവരങ്ങള്‍ക്ക് വിളിക്കുക : 055 2722729, 050 2865539.
– നാരായണന്‍ വെളിയംകോട്
- pma
വായിക്കുക: കുട്ടികള്‍, ദല, പ്രവാസി, ബഹുമതി, വിദ്യാഭ്യാസം, സാഹിത്യം
അബുദാബി : അല്‍ഐനിലെ പ്രമുഖ കലാ – കായിക സംഘടനയായ ബ്ലൂസ്റ്റാര്‍ പന്ത്രണ്ടാമത് വിദ്യാഭ്യാസ പുരസ്‌കാരങ്ങള്‍ വിതരണം ചെയ്തു. സി. ബി. എസ്. ഇ. 10 – 12 ക്ലാസ്സുകളില്‍ ഉന്നത വിജയം നേടിയ ബ്ലൂ സ്റ്റാര്‍ അംഗങ്ങളുടെ കുട്ടികള്‍ക്കും അലൈന്‍ വിദ്യാഭ്യാസ മേഖലയിലെ ഉന്നത വിജയം നേടിയ വര്‍ക്കുമാണ് പുരസ്ക്കാരം നല്‍കിയത്‌.
പത്മശ്രീ പുരസ്‌ക്കാര ജേതാവ് ഡോ. ഗംഗാരമണി, ഇന്ത്യന്‍ സോഷ്യല്‍ സെന്റര് മുന്‍ പ്രസിഡന്‍റ് കെ. കെ. അബ്ദുല്‍ സലാം എന്നിവരെയും ബ്ലൂസ്റ്റാര്‍ ക്രിക്കറ്റ്ടീം അംഗങ്ങളെയും ചടങ്ങില്‍ ആദരിച്ചു.
യു. എ. ഇ. യൂനിവേഴ്സിറ്റി ഓഡിറ്റോറിയ ത്തില്‍ സംഘടിപ്പിച്ച ചടങ്ങില്‍ അല്‍ഐന്‍ സര്‍വ്വ കലാശാല വൈസ് പ്രസിഡന്‍റ് ഡോ. അബ്ദുല്ല അബു ലിബ്‌ദേ മുഖ്യാതിഥി ആയിരുന്നു. ബ്ലൂ സ്റ്റാര്‍ പ്രസിഡന്‍റ് ജോയി തണങ്ങാടന്‍ അദ്ധ്യക്ഷത വഹിച്ചു.
അല്‍ഐന്‍ തവാം ഹോസ്പിറ്റല്‍ ക്ലീനിക്കല്‍ ഗവേഷണ വിഭാഗം മേധാവി ഡോ. സതീശ് ചന്ദ്ര, ജിമ്മി (ടി. വി. എന്‍. കുട്ടി), ഡോ. കെ. സുധാകരന്‍, ബ്ലൂസ്റ്റാര്‍ രക്ഷാധികാരി മെഹ്ദി, സെക്രട്ടറി ആനന്ദ് പവിത്രന്‍, ഉണ്ണീന്‍ പൊന്നോത്ത് എന്നിവരും പങ്കെടുത്തു.
-
വായിക്കുക: ബഹുമതി, വിദ്യാഭ്യാസം
വാര്ത്തകള് കേരളം
|
കലാ സാഹിത്യം ലേഖനങ്ങള്
മഞ്ഞ (മാഗസിന്) |
കോളംസ് പള്സ്
പച്ച (പരിസ്ഥിതി) |
മറ്റ് പംക്തികള് ചരമം |
