ബ്ലൂസ്റ്റാര്‍ അക്കാദമിക് അവാര്‍ഡ്ദാനം

June 10th, 2011

അബുദാബി : അലൈന്‍ ബ്ലൂസ്റ്റാര്‍ സംഘടിപ്പിക്കുന്ന പന്ത്രണ്ടാമത് അക്കാദമിക് അവാര്‍ഡ് ദാനച്ചടങ്ങ് യു. എ. ഇ. യൂണിവേഴ്‌സിറ്റി സോഷ്യല്‍ ക്ലബ് ഓഡിറ്റോറിയ ത്തില്‍ ജൂണ്‍ 11 ശനിയാഴ്ച വൈകീട്ട് 8 മണി ക്ക് നടക്കും.

അലൈന്‍ യൂണിവേഴ്‌സിറ്റി വൈസ് പ്രസിഡന്‍റ് മുഖ്യാതിഥിയായി പങ്കെടുക്കുന്ന ചടങ്ങില്‍ അലൈനിലെ വിവിധ ഇന്ത്യന്‍ സ്‌കൂളുകളുടെ പ്രിന്‍സിപ്പല്‍മാരും, സാമൂഹ്യ സാംസ്‌കാരിക പ്രവര്‍ത്തകരും വിവിധ സംഘടനാ പ്രതിനിധികളും പങ്കെടുക്കും.

പത്ത്, പന്ത്രണ്ട് ക്ലാസ്സുകളില്‍ സയന്‍സിലും, ഇതര വിഷയ ങ്ങളിലും ഉന്നത വിജയം കരസ്ഥ മാക്കിയ വിദ്യാര്‍ഥികളെ അനുമോദിച്ച് ഉപഹാരങ്ങള്‍ നല്‍കി ആദരിക്കും.

-

വായിക്കുക: ,

അഭിപ്രായം എഴുതുക »

കേര യുവ ശാസ്ത്ര പ്രതിഭാ പുരസ്കാരം

May 10th, 2011

dr-rvg-menon-epathram

ദുബായ്‌ : കേരളത്തിലെ എന്‍ജിനിയറിങ് കോളേജുകളിലെ പൂര്‍വ വിദ്യാര്‍ത്ഥികളുടെ യു.എ.ഇ. യിലെ സംഘടനയായ കേര (Kerala Engineering Alumni – KERA) സംഘടിപ്പിച്ച കുട്ടികള്‍ക്കായുള്ള ശാസ്ത്ര പ്രദര്‍ശന മല്‍സരം ദുബായ്‌ അക്കാദമിക്‌ സിറ്റിയിലെ ബിറ്റ്സ് പിലാനി ക്യാമ്പസില്‍ നടന്നു. “ഗോ ഗ്രീന്‍” എന്ന വിഷയത്തില്‍ നടന്ന പ്രദര്‍ശനത്തില്‍ കുട്ടികള്‍ വൈദ്യുതി ലാഭിക്കുവാനും, പാരമ്പര്യേതര ഊര്‍ജ സ്രോതസ്സുകള്‍ ഉപയോഗപ്പെടുത്തി വൈദ്യുതി ഉല്‍പ്പാദിപ്പിക്കുവാനും, പരിസര മലിനീകരണം തടയുവാനും, ആഗോള താപനം നിയന്ത്രിക്കുവാനും, പരിസ്ഥിതി സംരക്ഷണത്തില്‍ ഊന്നിയ മറ്റ് പുതിയ ആശയങ്ങളും പ്രോജക്റ്റുകളായും, പ്രവര്‍ത്തിക്കുന്ന മോഡലുകളായും അവതരിപ്പിച്ചു.

kera-young-science-talent-search-award-2011-epathramകൂടുതല്‍ ചിത്രങ്ങള്‍ക്ക്‌ ക്ലിക്ക് ചെയ്യുക

പ്രമുഖ ശാസ്ത്രകാരനും വിദ്യാഭ്യാസ വിചക്ഷണനുമായ ഡോ. ആര്‍. വി. ജി. മേനോന്‍, ഗ്രീന്‍ ഓസ്കാര്‍ പുരസ്കാര ജേതാവും പാരമ്പര്യേതര ഊര്‍ജ്ജ ഉല്‍പ്പാദനത്തിലും ഊര്‍ജ്ജ സംരക്ഷണത്തിലും അന്താരാഷ്‌ട്ര ഊര്‍ജ്ജ നയങ്ങള്‍ രൂപീകരിക്കുന്ന റീപ് (Renewable Energy & Energy Efficiency Partnership – REEEP) ന്റെ ഡെപ്യൂട്ടി ഡയറക്ടറുമായ ഡോ. ബിനു പാര്‍ത്ഥന്‍, പരിസ്ഥിതി, ഊര്‍ജ്ജ രംഗങ്ങളില്‍ സാങ്കേതിക ഉപദേഷ്ടാവായ സൌഗത നന്തി എന്നിവരാണ് കുട്ടികള്‍ അവതരിപ്പിച്ച പ്രോജക്റ്റുകള്‍ വിശദമായി പരിശോധിച്ച് മൂല്യ നിര്‍ണ്ണയം ചെയ്തത്.

അവര്‍ ഓണ്‍ ഹൈസ്ക്കൂള്‍ അല്‍ വാര്ഖ യിലെ അനുരൂപ് ആര്‍., സുനാല്‍ പി., ഉദിത് സിന്‍ഹ എന്നിവരുടെ ടീമിനാണ് സീനിയര്‍ വിഭാഗത്തില്‍ ഒന്നാം സമ്മാനം ലഭിച്ചത്. ഇവര്‍ രൂപകല്‍പന ചെയ്ത ഗ്ലോബല്‍ പ്രഷര്‍ ലൈറ്റിംഗ് സിസ്റ്റം – GPLS – Global Pressure Lighting System – ആവശ്യമുള്ള ഇടങ്ങളില്‍ മാത്രം വൈദ്യുത വിളക്കുകള്‍ തെളിയിച്ചു കൊണ്ട് വന്‍ തോതില്‍ വൈദ്യുതി ചിലവ് കുറയ്ക്കുന്നു. വളരെ ചെലവ് കുറഞ്ഞ സാധനങ്ങള്‍ കൊണ്ടാണ് ഇവര്‍ ഇത് വികസിപ്പിച്ചെടുത്തത് എന്നതാണ് ഈ പ്രൊജക്റ്റിനെ ഇത് പോലുള്ള മറ്റ് വ്യാവസായിക സംരംഭങ്ങളില്‍ നിന്നും വ്യത്യസ്തമാക്കുന്നത്. വില കുറഞ്ഞ ചൈനീസ്‌ ഫോം പ്രതലത്തിനടിയില്‍ ഉപയോഗിച്ച ശേഷം വലിച്ചെറിയപ്പെട്ട കാര്‍ബണ്‍ ബ്രഷുകള്‍ ഘടിപ്പിച്ചാണ് ഇവര്‍ ഇത് നിര്‍മ്മിച്ചത്‌. ഓഫീസുകളിലും മറ്റുമുള്ള ഇടനാഴികളില്‍ ഇത് വിന്യസിക്കാം. ആളുകള്‍ ഇതിനു മുകളില്‍ കൂടി നടക്കുമ്പോള്‍ ഉണ്ടാവുന്ന മര്‍ദ്ദം മൂലം കാര്‍ബണ്‍ ബ്രഷുകളിലൂടെ ഉള്ള വൈദ്യുതി ബന്ധം പൂര്‍ണ്ണമാവുകയും ആ ഭാഗത്തുള്ള വൈദ്യുത വിളക്കുകള്‍ തെളിയുകയും ചെയ്യുന്നു. ആള്‍ നടന്നു നീങ്ങുന്നതോടെ വിളക്ക് അണയുകയും ചെയ്യും. ഇങ്ങനെ ഉപയോഗം ഇല്ലാത്ത സ്ഥലങ്ങളിലെ വിളക്കുകള്‍ അണച്ചു കൊണ്ട് വന്‍ തോതിലുള്ള വൈദ്യുതി പാഴ് ചെലവ് ഒഴിവാക്കാം എന്ന് ഇവര്‍ ചൂണ്ടിക്കാട്ടി.

ഒന്നാം സമ്മാനമായി ഇവര്‍ക്ക്‌ പതിനായിരം രൂപയുടെ ചെക്കാണ് ലഭിച്ചത്. ഈ തുക കൂടുതലായി ഇത്തരം കാര്യങ്ങളില്‍ ഗവേഷണം നടത്താന്‍ തങ്ങള്‍ വിനിയോഗിക്കും എന്ന് ടീം അംഗങ്ങള്‍ e പത്രത്തോട് പറഞ്ഞു.

സീനിയര്‍ വിഭാഗത്തില്‍ രണ്ടാം സമ്മാനം ലഭിച്ചത് ഇന്ത്യന്‍ ഹൈസ്ക്കൂള്‍ ദുബായിലെ വിനീത് എസ്. വിജയകുമാറിനാണ്. ജൂനിയര്‍ വിഭാഗത്തില്‍ അവര്‍ ഓണ്‍ ഇംഗ്ലീഷ്‌ ഹൈസ്ക്കൂള്‍ ദുബായിലെ ആഫ്ര ഇര്‍ഫാന് ഒന്നാം സമ്മാനവും ദുബായ്‌ മോഡേണ്‍ ഹൈസ്ക്കൂളിലെ ഇഷിക സക്സേന, രുചിത സിന്‍ഹ എന്നിവര്‍ക്ക്‌ രണ്ടാം സമ്മാനവും ലഭിച്ചു.

ചടങ്ങിനോട് അനുബന്ധിച്ച് നടന്ന സാങ്കേതിക സെമിനാറില്‍ ഡോ. ആര്‍. വി. ജി. മേനോന്‍ വിദ്യാലയങ്ങളില്‍ ശാസ്ത്രം പഠിപ്പിക്കുന്നതിനെ കുറിച്ച് സംസാരിച്ചു. പാരിസ്ഥിതിക മേഖലകളിലെ തൊഴില്‍ സാദ്ധ്യതകളെ പറ്റി സൌഗത നന്തിയും, മലിനീകരണ വിമുക്ത ഊര്‍ജ്ജത്തെ കുറിച്ച് ഡോ. ബിനു പാര്‍ത്ഥനും സംസാരിച്ചു. സജിത്ത് രാജ മോഡറേറ്റര്‍ ആയിരുന്നു.

ദുബായിലെ ഇന്ത്യന്‍ കൊണ്സല്‍ ജനറല്‍ സഞ്ജയ്‌ വര്‍മ്മ മുഖ്യ അതിഥിയായിരുന്ന ചടങ്ങില്‍ കേര പ്രസിഡണ്ട് അഫ്സല്‍ യൂനുസ്‌ അദ്ധ്യക്ഷത വഹിച്ചു. കൃഷ്ണകുമാര്‍ സ്വാഗതവും, കേര ജനറല്‍ സെക്രട്ടറി ബിജി എം. തോമസ്‌ നന്ദിയും പറഞ്ഞു. ബിറ്റ്സ് പിലാനി ഡയറക്ടര്‍ പ്രൊഫ. ആര്‍. കെ. മിത്തല്‍ ആശംസ അറിയിച്ചു. ജയസൂര്യ, സതീഷ്‌, രഘു എന്നിവര്‍ വിജയികളുടെ പേരുകള്‍ പ്രഖ്യാപിച്ചു. ഡോ. ആര്‍. വി. ജി മേനോന്‍, ഡോ. ബിനു പാര്‍ത്ഥന്‍, സൌഗത നന്തി, ടെന്നി ഐസക്‌, വിനില്‍ കെ. എസ്. അജയകുമാര്‍ എം. എന്നിവര്‍ സമ്മാനങ്ങള്‍ വിതരണം ചെയ്തു.

- pma

വായിക്കുക: , , , , ,

അഭിപ്രായം എഴുതുക »

ഫോര്‍മുല വണ്‍ : ലോകോത്തര വേഗതയുമായി ദുബായ്‌ ഇന്ത്യന്‍ ഹൈസ്ക്കൂള്‍ ടീം

May 6th, 2011

blackbird-wins-best-team-identity-award-epathram

അബുദാബി : ലോക റിക്കോര്‍ഡ്‌ തകര്‍ത്തിട്ടും മല്‍സരം വിജയിക്കാനാവാത്ത ദൌര്ഭാഗ്യമായിരുന്നു ഈ കഴിഞ്ഞ ദിവസം അബുദാബി യാസ് മറീന സര്‍ക്യൂട്ടില്‍ നടന്ന 2011 എഫ് വണ്‍ ഇന്‍ സ്ക്കൂള്‍സ് യു. എ. ഇ. ദേശീയ ചാമ്പ്യന്‍ഷിപ്പ് മല്‍സരത്തില്‍ പങ്കെടുത്ത ദുബായ്‌ ഇന്ത്യന്‍ ഹൈസ്ക്കൂള്‍ ടീമിന്.

blackbird-car-SR-71-epathramലോക റിക്കോര്‍ഡ്‌ തകര്‍ത്ത ഇന്ത്യന്‍ ഹൈസ്ക്കൂളിന്റെ കാര്‍

നിലവിലുള്ള ലോക റിക്കോര്‍ഡ്‌ ആയ 1.02 സെക്കണ്ടിനെ കടത്തി വെട്ടി ഇത്തവണത്തെ മത്സരത്തില്‍ ഇന്ത്യന്‍ ഹൈസ്ക്കളിന്റെ ടീമായ ബ്ലാക്ക്‌ ബേര്‍ഡിന്റെ കാര്‍ 1.009 സെക്കണ്ടില്‍ ലക്‌ഷ്യം കണ്ടു. എന്നാല്‍ അന്താരാഷ്‌ട്ര മത്സരത്തിലെ വേഗത മാത്രമേ ലോക റിക്കോര്‍ഡിനായി പരിഗണിക്കൂ എന്നതിനാല്‍ ഈ നേട്ടം രേഖപ്പെടുത്തിയില്ല എന്ന് ടീമിന്റെ റിസോഴ്സ് മാനേജര്‍ ശ്രീകാന്ത്‌ മോഹന്‍ കുമാര്‍ e-പത്രത്തോട്‌ പറഞ്ഞു.

sreekanth-mohankumar-epathram

ശ്രീകാന്ത്‌ മോഹന്‍ കുമാര്‍

കേവലം സാങ്കേതികമായ കാരണം പറഞ്ഞാണ് ലോക റിക്കോര്‍ഡ്‌ തകര്ത്തിട്ടും തങ്ങള്‍ക്ക് ഒന്നാം സ്ഥാനം ലഭിക്കാതെ പോയത്‌. മത്സരത്തിലെ പ്രകടനത്തിന് പുറമേ രൂപകല്‍പ്പന, അതിന്റെ വിശദാംശങ്ങള്‍ അടങ്ങിയ റിപ്പോര്‍ട്ട് എന്നിങ്ങനെ ഒട്ടേറെ ഘടകങ്ങള്‍ക്ക്‌ ലഭിക്കുന്ന മൊത്തം മാര്‍ക്കിന്റെ അടിസ്ഥാനത്തിലാണ് മല്‍സര വിജയിയെ പ്രഖ്യാപിക്കുന്നത്.

F1-in-schools-world-record-broken-in-abudhabi-epathram

ലോക റിക്കോര്‍ഡ്‌ തകര്‍ത്ത പ്രകടനം

ഇത്തരം ഒരു റിപ്പോര്‍ട്ട് അധികൃതര്‍ അവസാന ഘട്ടത്തില്‍ നിര്‍ദ്ദേശിച്ച രൂപകല്‍പ്പനയിലെ ചില മാറ്റങ്ങള്‍ ഉള്‍ക്കൊള്ളിച്ച് സമയ പരിധിക്കുള്ളില്‍ സമര്‍പ്പിച്ചില്ല എന്ന കാരണത്താലാണ് ഇവരുടെ ടീമിന് പോയന്റുകളില്‍ കുറവ് വന്നതും ലോക റിക്കോര്‍ഡ്‌ തന്നെ ഭേദിച്ചിട്ടും മല്‍സരത്തില്‍ മൂന്നാം സ്ഥാനം മാത്രം കൊണ്ട് തൃപ്തിപ്പെടേണ്ടി വന്നതും.

മല്‍സരത്തില്‍ ഒന്നാം സ്ഥാനം ലഭിച്ചില്ലെങ്കിലും മറ്റ് രണ്ട് ഇനങ്ങളില്‍ ഒന്നാം സ്ഥാനം തങ്ങളുടെ ടീമിന് തന്നെ ലഭിച്ചു എന്ന് ശ്രീകാന്ത്‌ പറഞ്ഞു. മികച്ച ടീം ഐഡന്റിറ്റി, മികച്ച ടീം ഡിസ്പ്ലേ എന്നിവയ്ക്കാണ് ഇവര്‍ക്ക്‌ ഒന്നാം സ്ഥാനം ലഭിച്ചത്.

ഫോര്‍മുലാ വണ്‍ കാറിന്റെ ചെറു മാതൃക മരത്തില്‍ നിര്‍മ്മിച്ച് അതിനു പുറകില്‍ ഘടിപ്പിച്ച വാതക സിലിണ്ടറിലെ അതിമര്‍ദ്ദത്തിലുള്ള വാതകം തുറന്നു വിടുമ്പോള്‍ കാര്‍ മുന്നോട്ട് കുതിക്കും. ഇങ്ങനെയാണ് ഫോര്‍മുലാ വണ്‍ ഇന്‍ സ്ക്കൂള്‍സ് മല്‍സരം നടത്തുന്നത്.

F1-in-school-indian-highschool-team-car-epathram

കാറിന്റെ നിര്‍മ്മാണ ഘട്ടത്തില്‍

ഫിസിക്സും എയറോ ഡൈനാമിക്സും എല്ലാം ഉപയോഗിച്ച് കമ്പ്യൂട്ടര്‍ സോഫ്റ്റ്‌വെയറില്‍ കാറിന്റെ രൂപകല്‍പ്പന ചെയ്യുന്നത് മുതല്‍ കുട്ടികള്‍ മത്സരത്തിന്റെ ഓരോ ഘട്ടത്തിലും തങ്ങളുടെ കഴിവുകള്‍ തെളിയിക്കുന്നു. തങ്ങളുടെ കാറിന് മല്‍സരത്തില്‍ പങ്കെടുക്കാനുള്ള ചിലവും, അതിനുള്ള സ്പോണ്സര്‍മാരെ കണ്ടെത്തലും ബിസിനസ് പ്ലാന്‍ ഉണ്ടാക്കലും, പരസ്യം ചെയ്യലും, വിപണനവും എല്ലാം കുട്ടികള്‍ തന്നെയാണ് ചെയ്യുന്നത്. ജഡ്ജിമാരുടെ മുന്നില്‍ തങ്ങള്‍ ചെയ്ത കാര്യങ്ങള്‍ ഇവര്‍ അവതരിപ്പിക്കുകയും ചെയ്യുന്നു.

ഒരു സെക്കണ്ട് എന്ന സമയ പരിധി ലംഘിച്ച് പ്രശസ്തമായ ബെര്‍ണി എക്കിള്‍സ്റ്റോണ്‍ ട്രോഫി കരസ്ഥമാക്കുക എന്ന പരമമായ ലക്ഷ്യമാണ് ഇനി തങ്ങളുടെ മുന്നില്‍ എന്ന് ശ്രീകാന്ത്‌ പറയുന്നു. ദുബായില്‍ എന്ജിനിയറായ കായംകുളം സ്വദേശി മോഹന്‍ കുമാര്‍, ബിന്ദു ദമ്പതിമാരുടെ മകനാണ് ശ്രീകാന്ത്‌.

- pma

വായിക്കുക: , ,

അഭിപ്രായം എഴുതുക »

ഒമാന്‍ ഇന്ത്യന്‍ സ്ക്കൂള്‍ ഡയറക്ടര്‍ ബോര്‍ഡ്‌ തെരഞ്ഞെടുപ്പ്‌ നീതിപൂര്‍വ്വമല്ല എന്ന് പരാതി

March 28th, 2011

indian-school-muscat-epathram

മസ്ക്കറ്റ്‌ : ഒമാനിലെ ഇന്ത്യന്‍ സ്ക്കൂള്‍ ഡയറക്ടര്‍ ബോര്‍ഡിലേക്ക് നടന്ന തെരഞ്ഞെടുപ്പ് നീതി പൂര്‍വ്വമല്ല എന്ന് പരാതി ഉയര്‍ന്നു. പതിനേഴ് ഇന്ത്യന്‍ സ്ക്കൂളുകള്‍ ഉള്ള ഒമാനില്‍ കേവലം മസ്ക്കറ്റിലെ ഇന്ത്യന്‍ സ്ക്കൂളില്‍ നിന്നുമുള്ള അംഗങ്ങളെ മാത്രമാണ് തെരഞ്ഞെടുപ്പില്‍ സ്ഥാനാര്‍ത്ഥികളായി പരിഗണിച്ചത്‌. ഈ സ്ക്കൂളിലെ രക്ഷിതാക്കള്‍ക്ക് മാത്രമാണ് വോട്ടവകാശം നല്‍കിയത്. ഇത് ജനാധിപത്യ വിരുദ്ധ നടപടിയാണ് എന്ന വ്യാപകമായ പ്രതിഷേധം മറ്റു സ്ക്കൂളുകളിലെ വിദ്യാര്‍ത്ഥികളുടെ രക്ഷിതാക്കളില്‍ നിന്നും ഉയര്‍ന്നു വന്നിട്ടുണ്ട്. നാല്‍പ്പതിനായിരത്തോളം ഇന്ത്യന്‍ വിദ്യാര്‍ത്ഥികള്‍ പഠിക്കുന്ന ഒമാനില്‍ കേവലം എണ്ണായിരത്തോളം മാത്രം വരുന്ന മസ്ക്കറ്റ്‌ ഇന്ത്യന്‍ സ്ക്കൂളിലെ വിദ്യാര്‍ത്ഥികളുടെ രക്ഷിതാക്കളില്‍ നിന്നും തെരഞ്ഞെടുപ്പ്‌ നടത്തിയത്‌ സാമാന്യ നീതിക്ക്‌ നിരക്കാത്തതാണ് എന്നാണ് പരാതി.

- pma

വായിക്കുക: , , ,

അഭിപ്രായം എഴുതുക »

ഒമാന്‍ ഇന്ത്യന്‍ സ്ക്കൂള്‍ ഡയറക്ടര്‍മാരായി 5 അംഗങ്ങളെ തെരഞ്ഞെടുത്തു

March 28th, 2011

മസ്ക്കറ്റ്‌ : ഒമാനിലെ 17 ഇന്ത്യന്‍ സ്ക്കൂളുകളുടെ സംയുക്ത ഡയറക്ടര്‍ ബോര്‍ഡിലേക്ക് നടന്ന ആദ്യ തെരഞ്ഞെടുപ്പില്‍ മസ്ക്കറ്റ്‌ ഇന്ത്യ സ്ക്കൂളില്‍ നിന്നുമുള്ള 5 അംഗങ്ങള്‍ തെരഞ്ഞെടുക്കപ്പെട്ടു. പതിനാല്‌ സ്ഥാനാര്‍ത്ഥികള്‍ മല്‍സര രംഗത്ത്‌ ഉണ്ടായിരുന്നു. എം. അംബുജാക്ഷന്‍, എസ്. മുത്തുകുമാര്‍, അലക്സാണ്ടര്‍ ജോര്‍ജ്ജ്, മൈക്കല്‍, ചന്ദ്രഹാസ്‌ അഞ്ചന്‍ എന്നിവരാണ് പുതിയതായി തെരഞ്ഞെടുക്കപ്പെട്ട ഡയറക്ടര്‍ ബോര്‍ഡ്‌ അംഗങ്ങള്‍.

ambujakshan-indian-school-muscat-epathramഎം. അംബുജാക്ഷന്‍

ഒമാനിലെ ഇന്ത്യന്‍ സ്ക്കൂളുകളുടെ ചരിത്രത്തില്‍ ആദ്യമായാണ്‌ ഡയറക്ടര്‍ ബോര്‍ഡിലേക്ക് തെരഞ്ഞെടുപ്പ്‌ നടക്കുന്നത് എന്നതിനാല്‍ തികച്ചും ഗൌരവമേറിയ ഉത്തരവാദിത്തമാണ് തങ്ങള്‍ക്ക് നിര്‍വഹിക്കാനുള്ളത് എന്ന് പുതിയ ഭരണ സമിതിയിലേക്ക് തെരഞ്ഞെടുക്കപ്പെട്ട എം. അംബുജാക്ഷന്‍ e പത്രത്തോട്‌ പറഞ്ഞു. സ്ക്കൂളുകളുടെ കാര്യക്ഷമമായ നടത്തിപ്പിനും വിദ്യാര്‍ത്ഥികളുടെ ക്ഷേമത്തിനും വേണ്ടി തങ്ങള്‍ അക്ഷീണം പ്രവര്‍ത്തിക്കും എന്നും ഒമാനിലെ സാമൂഹ്യ രംഗത്ത്‌ വര്‍ഷങ്ങളുടെ പ്രവര്‍ത്തന പരിചയമുള്ള അംബുജാക്ഷന്‍ അറിയിച്ചു. ഇന്ത്യന്‍ സോഷ്യല്‍ ക്ലബ്‌ കേരളാ വിംഗ് അംഗമായ അദ്ദേഹം ടോസ്റ്റ് മാസ്റ്റേഴ്സ്, ആര്‍ട്ട് ഓഫ് ലിവിംഗ് ഫൌണ്ടേഷന്‍ എന്നിവയിലും സജീവമാണ്. 2010 ല്‍ ഒമാനില്‍ പൊതുമാപ്പ്‌ പ്രഖ്യാപിച്ച വേളയില്‍ ഇന്ത്യന്‍ എംബസിയുടെ പ്രവര്‍ത്തനങ്ങള്‍ക്ക്‌ ഇദ്ദേഹം ഏറെ പിന്തുണ നല്‍കിയിരുന്നു. പാലക്കാട്‌ എന്‍. എസ്. എസ്. കോളേജ്‌ ഓഫ് എന്‍ജിനിയറിംഗില്‍ നിന്നും ഇലക്ട്രിക്കല്‍ ആന്‍ഡ്‌ ഇലക്ട്രോണികസ് എന്‍ജിനിയറിംഗില്‍ ബിരുദം നേടിയ ഇദ്ദേഹം ഒമാന്‍ ഡെവെലപ്മെന്റ് ബാങ്കില്‍ ഉദ്യോഗസ്ഥനാണ്.

- pma

വായിക്കുക: , ,

അഭിപ്രായം എഴുതുക »

Page 3 of 41234

« Previous Page« Previous « സിറിയന്‍ പ്രക്ഷോഭം പടരുന്നു
Next »Next Page » ഒമാന്‍ ഇന്ത്യന്‍ സ്ക്കൂള്‍ ഡയറക്ടര്‍ ബോര്‍ഡ്‌ തെരഞ്ഞെടുപ്പ്‌ നീതിപൂര്‍വ്വമല്ല എന്ന് പരാതി »



ജലീല്‍ രാമന്തളിക്കും ബി. ...
സുരക്ഷക്കും സമാധാന ത്തിനു...
തടവുകാരെ കൈമാറാന്‍ ഇന്ത്യ...
വ്യാജ മൊബൈലിനെതിരെ കര്‍ശ...
ബോയിംഗിന് ഇത് ചരിത്ര മുഹൂ...
ദുബായ് എയര്ഷോ ആരംഭിച്ചു...
മലയാളി സമാജം ആര്‍. സി. സി...
പ്രവാസി സാമ്പത്തിക അച്ചടക...
ഇന്ത്യന്‍ വിസ ഇനി ഓണ്‍ലൈന...
ദുബായ് ആനപ്രേമി സംഘം മാടമ...
സൌദിയില്‍ 8 ബംഗ്ലാദേശ് സ്...
കേരളീയ വിദ്യാഭ്യാസ രംഗം മ...
തിരുനെല്ലൂര്‍ കരുണാകരന്‍ ...
ബഹറിനില്‍ പ്രക്ഷോഭകാരികളെ...
വാഹനം ഓടിച്ചതിന് സൗദി വനി...
സൗദിയില്‍ ഇനി സ്‌ത്രീകള്‍...
ദുബായില്‍ പ്ലാസ്റ്റിക്‌, ...
ദുബായ്‌ മെട്രോ ഗ്രീന്‍ ലൈ...
പ്രവാസി മലയാളികള്‍ ഓണ ലഹര...
സൃഷ്ടാവിന്റെ മഹത്വം ബോദ്ധ...

Click here to download Malayalam fonts
Click here to download Malayalam fonts
Your Ad Here
Club Penguin


ePathram Magazine