സി. എച്ച്. ഫുട്‌ബോള്‍ കപ്പ് : യു. എ. ഇ. എക്‌സ്‌ചേഞ്ച് സെന്റര്‍ ചാമ്പ്യന്മാര്‍

November 24th, 2011

kmcc-champions-uae-exchange-team-ePathram
അബുദാബി: അബുദാബി ശൈഖ് സുല്‍ത്താന്‍ ബിന്‍സായിദ് അല്‍നഹ്‌യാന്‍ സ്റ്റേഡിയ ത്തില്‍ നടന്ന നാലാമത് സി. എച്ച്. ഫുട്‌ബോള്‍ കപ്പ് യു. എ. ഇ. എക്‌സ്‌ചേഞ്ച് സെന്‍റര്‍ ടീം കരസ്ഥമാക്കി.

വാശിയേറിയ മത്സര ത്തില്‍ ഇഞ്ചോടിഞ്ച് പൊരുതി ക്കളിച്ച് അബു അഷറഫ് സ്‌പോര്‍ട്ടിങ്ങിനെ സഡന്‍ഡെത്തി ലൂടെ മറി കടന്നാണ് യു. എ. ഇ. എക്‌സ്‌ചേഞ്ച് സെന്‍റര്‍ ടീം ഒരു ലക്ഷം രൂപയും ചാമ്പ്യന്‍സ്‌ ട്രോഫിയും കരസ്ഥമാക്കിയത്. തിങ്ങി നിറഞ്ഞ കാണികളുടെ ആവേശം, നാട്ടില്‍ നടക്കുന്ന സെവന്‍സ് ടൂര്‍ണമെന്റുകളുടെ പ്രതീതി ഉണര്‍ത്തി.

കഴിഞ്ഞ മൂന്ന് വര്‍ഷ ങ്ങളിലെ ചാമ്പ്യന്മാരായ ജി സെവന്‍ അല്‍ ഐന്‍, കഴിഞ്ഞ രണ്ടു വര്‍ഷത്തെ റണ്ണറപ്പായ കോപി കോര്‍ണര്‍ ദുബായിയും സെമിഫൈനല്‍ കാണാതെ പുറത്തു പോയത് കാണികളെ നിരാശരാക്കി. കേരള, തമിഴ്‌നാട് സ്റ്റേറ്റ് താരങ്ങള്‍ അണിനിരന്നു. സീ ഗള്ളിനെ അതിവിദഗ്ധമായി നേരിട്ടാണ് യൂണിവേഴ്‌സിറ്റി താരം ഷബീര്‍ നയിച്ച അബു അഷ്‌റഫ് സ്‌പോര്‍ട്ടിങ് ഫൈനലില്‍ കടന്നത്.

തയ്‌സി പ്രൈമാര്‍ക്ക് അബുദാബിയെ ഒന്നിനെതിരെ രണ്ടു ഗോളു കള്‍ക്ക് പരാജയ പ്പെടുത്തിയാണ് യു. എ. ഇ. എക്‌സ്‌ചേഞ്ച് സെന്‍റര്‍ ഫൈനലില്‍ കടന്നത്.

വിജയികള്‍ക്ക് സുധീര്‍കുമാര്‍ ഷെട്ടി ചാമ്പ്യന്‍സ് ട്രോഫിയും മൊയ്തു എടയൂര്‍ റണ്ണര്‍ അപ്പ് ട്രോഫിയും അബ്ദുല്ല അല്‍ മിന്‍ഷാലി ഒരു ലക്ഷം രൂപ യുടെ കാഷ് അവാര്‍ഡും സമ്മാനിച്ചു.

മികച്ച കളിക്കാരനായി ഷബീറിനെയും (അബു അഷ്‌റഫ്) ഗോള്‍ കീപ്പറായി നൗഷാദിനെയും (യു. എ. ഇ. എക്‌സ്‌ചേഞ്ച്) തിരഞ്ഞെടുത്തു. എം. പി. അബ്ദുസ്സമദ് സമദാനി എം. എല്‍. എ. കളിക്കാരെ പരിചയ പ്പെടുത്തി.

-

വായിക്കുക: ,

അഭിപ്രായം എഴുതുക »

ഇന്‍റര്‍ യു. എ. ഇ. കബഡി ടൂര്‍ണമെന്‍റ് അബുദാബി യില്‍

November 14th, 2011

kala-abudhabi-logo-epathramഅബുദാബി : കല അബുദാബിയും ബ്ലാക്ക് & വൈറ്റ് കല്ലൂരാവി ക്ലബ്ബും സംയുക്ത മായി മലയാളി സമാജ ത്തില്‍ ഇന്‍റര്‍ യു. എ. ഇ. കബഡി ടൂര്‍ണമെന്‍റ് സംഘടിപ്പിക്കുന്നു. യു. എ. ഇ. യിലെ വിവിധ നഗര ങ്ങളില്‍ നിന്നുള്ള ഇരുപതോളം ടീമുകള്‍ ഏറ്റുമുട്ടും. നവംബര്‍ 18 വെള്ളിയാഴ്ച ഉച്ചയ്ക്ക് 2 മണി മുതലാണ് ടൂര്‍ണമെന്‍റ് ആരംഭിക്കുക. നോക്കൗട്ട് അടിസ്ഥാന ത്തില്‍ നടക്കുന്ന ടൂര്‍ണമെന്‍റ് രാത്രി 9 ന് സമാപിക്കും.

സമാപന ചടങ്ങില്‍ മികച്ച ടീമുകള്‍ക്കും കളിക്കാര്‍ക്കും ട്രോഫികളും മെഡലുകളും കാഷ് പ്രൈസും സമ്മാനമായി നല്‍കും. ഏഴു തവണ കേരള സംസ്ഥാന കബഡി ടീമിന്‍റെ നായകനായ ബാലചന്ദ്രന്‍, സംസ്ഥാന ടീം അംഗ ങ്ങളായ അഷറഫ് കെ. എം., സജിത്ത് കുണിയില്‍, രാജേഷ് കുതിരക്കോട് തുടങ്ങിയ താരങ്ങള്‍ വിവിധ ടീമുകള്‍ക്ക് വേണ്ടി ജഴ്‌സി അണിയും.

മുസ്സഫ യിലെ മലയാളി സമാജം ഓപ്പണ്‍ ഗ്രൗണ്ടിലാണ് ടൂര്‍ണമെന്‍റ് നടക്കുക. സമാജം ആക്ടിംഗ് പ്രസിഡന്‍റ് യേശുശീലന്‍ ടൂര്‍ണമെന്‍റ് ഉദ്ഘാടനം ചെയ്യും. കല അബുദാബി യുടെ വാര്‍ഷികാഘോഷ പരിപാടി യുടെ ഉദ്ഘാടന ത്തോട് അനുബന്ധിച്ചാണ് കബഡി ടൂര്‍ണമെന്‍റ് സംഘടിപ്പിച്ചിട്ടുള്ളത്. പങ്കെടുക്കാന്‍ താത്പര്യമുള്ളവര്‍ ബന്ധപ്പെടുക.
സുരേഷ് പയ്യന്നൂര്‍ (050 570 21 40), സി. കെ. അബ്ദുള്ള (050 58 20 744), മലയാളി സമാജം 02 55 37 600.

-

വായിക്കുക: , ,

അഭിപ്രായം എഴുതുക »

വോളിബോള്‍ ടൂര്‍ണമെന്‍റ് : റാക് ഡോള്‍ഫിന്‍ ഡ്യൂട്ടി ഫ്രീ ജേതാക്കള്‍

November 3rd, 2011

vatakara-nri-volly-ball-winner-ePathram
ദുബായ് : വടകര എന്‍. ആര്‍. ഐ. ഫോറം ദുബായ് കമ്മറ്റി സംഘടിപ്പിച്ച നാലാമത് മിസ്റ്റര്‍ ലൈറ്റ് വോളിബോള്‍ ടൂര്‍ണമെന്റില്‍ റാക് ഡോള്‍ഫിന്‍ ഡ്യൂട്ടി ഫ്രീ ജേതാക്കളായി. വാശി യേറിയ ഫൈനലില്‍ ദുബായ് ഡ്യൂട്ടി ഫ്രീ ടീമിനെ ഒന്നിനെതിരെ മൂന്നു സെറ്റുകള്‍ക്ക് മലര്‍ത്തി അടിച്ചാണ് റാക് ഡോള്‍ഫിന്‍ ഡ്യൂട്ടി ഫ്രീ വിജയി കളായത്.

ദുബായ് ഖിസൈസ് അല്‍ മസഹാര്‍ സ്പോര്‍ട്സ് ഇന്‍ഡോര്‍ സ്റ്റേഡിയ ത്തില്‍ വെച്ച് നടന്ന മത്സരം, യു. ഏ. ഇ. നാഷണല്‍ വോളിബോള്‍ ടീം മാനേജര്‍ ഘാനം സുലൈമാന്‍ അല്‍ ദാഹിരി ഉത്ഘാടനം ചെയ്തു.

പ്രസിഡണ്ട്‌ സാജിദ് അബൂബക്കര്‍ അദ്ധ്യക്ഷത വഹിച്ചു. മിസ്റ്റര്‍ ലൈറ്റ് എം. ഡി. രാജന്‍ നമ്പ്യാര്‍ ട്രോഫികള്‍ വിതരണം ചെയ്തു. പ്രേമാനന്ദന്‍ കുനിയില്‍ സ്വാഗതവും സുരേന്ദ്രന്‍ നന്ദിയും പറഞ്ഞു

-

വായിക്കുക: , ,

അഭിപ്രായം എഴുതുക »

ബ്ലൂസ്റ്റാര്‍ ഫാമിലി സ്‌പോര്‍ട്‌സ് ഫെസ്റ്റിവല്‍

November 1st, 2011

അലൈന്‍ : ബ്ലൂസ്റ്റാര്‍ ഫിമിലി സ്‌പോര്‍ട്‌സ് ഫെസ്റ്റിവല്‍ ഡിസംബര്‍ 9 രാവിലെ 8 മണി മുതല്‍ വൈകുന്നേരം 8 മണി വരെ അലൈനിലെ യു. എ. ഇ. യൂണി വേഴ്‌സിറ്റി സ്റ്റേഡിയ ത്തില്‍ നടത്തും.

3 വയസ്സു മുതല്‍ 60 വയസ്സു വരെ പ്രായമുള്ള വര്‍ക്കായി അവരവരുടെ കായിക ക്ഷമതക്ക് അനുസരിച്ച് വിവിധ വ്യക്തിഗത മത്സര ങ്ങളും, ഗ്രൂപ്പ് ഇനങ്ങളായ ഫുട്‌ബോള്‍, കബഡി, ത്രോ ബോള്‍, വടംവലി, റിലേ മത്സര ങ്ങളും നടത്തും.

അന്നേ ദിവസം രാവിലെ 8 മണിക്ക് നടക്കുന്ന മാര്‍ച്ചു പാസ്റ്റോടു കൂടിയാണ് മേളയ്ക്ക് തുടക്കം കുറി ക്കുന്നത്. മേളയെ സംബന്ധിച്ച് കൂടുതല്‍ വിവരങ്ങള്‍ അറിയുന്നതിന് താഴെ പ്പറയുന്ന വരുമായി ബന്ധ പ്പെടുക : കോയ മാസ്റ്റര്‍ (055 92 81 011, ഹുസൈന്‍ മാസ്റ്റര്‍ (055 944 55 10), ഉണ്ണീന്‍ പൊന്നേത്ത് (050 61 81 596).

-

വായിക്കുക: ,

അഭിപ്രായം എഴുതുക »

ഫുട്‌ബോള്‍ ടൂര്‍ണ്ണമെന്‍റ് സ്വാഗത സംഘം രൂപീകരിച്ചു

October 29th, 2011

ch-memorial-football-logo-ePathram
അബുദാബി : കോഴിക്കോട് ജില്ലാ കെ. എം. സി. സി. സംഘടിപ്പിക്കുന്ന നാലാമത് സി. എച്ച്. മെമ്മോറിയല്‍ ഫുട്‌ബോള്‍ ടൂര്‍ണ്ണമെന്‍റ് വിജയ ത്തിനായി സ്വാഗത സംഘം രൂപീകരിച്ചു.

ചെയര്‍മാനായി പി. ആലിക്കോയ യും, ജനറല്‍ കനവീനറായി അബ്ദുല്‍ ബാസിത്ത് കായക്കണ്ടി യും ടൂര്‍ണമെന്‍റ് ചീഫ് കോര്‍ഡിനേറ്റര്‍ ആയി ഹാഫിസ് മുഹമ്മദി നെയും തിരഞ്ഞെടുത്തു.

ഇ. സി. ഇബ്രഹിം ഹാജി, ടി. ടി. കെ. അമ്മദ് ഹാജി, അബ്ദുല്‍ സലാം, ജാഫര്‍ തങ്ങള്‍ വരയലില്‍ (വൈസ് ചെയര്‍) അഷ്‌റഫ്‌ അണ്ടിക്കോട്, കെ. കെ. കാസിം, കെ. കെ. മജീദ്‌, കെ. കെ. ഉമ്മര്‍, ഇസ്മയില്‍ പോയില്‍ (കണ്‍വീനര്‍) സി. എച്. ജാഫര്‍ തങ്ങള്‍ (ഫിനാന്‍സ്), കുഞ്ഞബ്ദുള്ള കക്കുനി, (പ്രചരണം), കെ. കെ. കാസിം, മൂസക്കോയ, ജാഫര്‍ തങ്ങള്‍ എന്നിവര്‍ അടങ്ങുന്ന സ്വാഗത സംഘം രൂപീകരിച്ചു.

കേരള ത്തിലെയും യു. ഏ. ഇ. യിലെയും പ്രമുഖ ടീമുകള്‍ അണി നിരക്കുന്ന ഫുട്ബോള്‍ മേള നവംബര്‍ 18 വെള്ളിയാഴ്ച അബുദാബി ശൈഖ് സുല്‍ത്താന്‍ ബിന്‍ സായിദ്‌ അല്‍ നഹ്യാന്‍ സ്റ്റേഡിയ ത്തില്‍ വെച്ച് നടക്കും. കഴിഞ്ഞ മൂന്നു തവണ യായി ടീമുകളുടെ മികവും ഫുട്ബോള്‍ പ്രേമികളുടെ പങ്കാളിത്തം കൊണ്ടും ശ്രദ്ധേയ മായിരുന്നു ഈ ടൂര്‍ണ്ണമെന്‍റ്.

കൂടുതല്‍ വിവരങ്ങള്‍ക്ക് വിളിക്കുക : 050 56 74 078

- ലിജി അരുണ്‍

വായിക്കുക: ,

അഭിപ്രായം എഴുതുക »

Page 1 of 612345...Last »

« Previous « ശക്തി കലാസന്ധ്യ
Next Page » കെ.എം.സി.സി. പുരസ്കാര ദാനം »



ജലീല്‍ രാമന്തളിക്കും ബി. ...
സുരക്ഷക്കും സമാധാന ത്തിനു...
തടവുകാരെ കൈമാറാന്‍ ഇന്ത്യ...
വ്യാജ മൊബൈലിനെതിരെ കര്‍ശ...
ബോയിംഗിന് ഇത് ചരിത്ര മുഹൂ...
ദുബായ് എയര്ഷോ ആരംഭിച്ചു...
മലയാളി സമാജം ആര്‍. സി. സി...
പ്രവാസി സാമ്പത്തിക അച്ചടക...
ഇന്ത്യന്‍ വിസ ഇനി ഓണ്‍ലൈന...
ദുബായ് ആനപ്രേമി സംഘം മാടമ...
സൌദിയില്‍ 8 ബംഗ്ലാദേശ് സ്...
കേരളീയ വിദ്യാഭ്യാസ രംഗം മ...
തിരുനെല്ലൂര്‍ കരുണാകരന്‍ ...
ബഹറിനില്‍ പ്രക്ഷോഭകാരികളെ...
വാഹനം ഓടിച്ചതിന് സൗദി വനി...
സൗദിയില്‍ ഇനി സ്‌ത്രീകള്‍...
ദുബായില്‍ പ്ലാസ്റ്റിക്‌, ...
ദുബായ്‌ മെട്രോ ഗ്രീന്‍ ലൈ...
പ്രവാസി മലയാളികള്‍ ഓണ ലഹര...
സൃഷ്ടാവിന്റെ മഹത്വം ബോദ്ധ...

Click here to download Malayalam fonts
Click here to download Malayalam fonts
Your Ad Here
Club Penguin


ePathram Magazine