ന്യൂഡല്‍ഹി: കള്ളപ്പണത്തിനും അഴിമതിക്കും എതിരെ സത്യാഗ്രഹം നടത്തുന്ന ബാബ രാംദേവിന്റെ സ്വത്തുവിവരം തിരക്കാന്‍ സര്‍ക്കാര്‍ നടപടികള്‍ എടുക്കുന്നു. വിദേശത്തുള്ള കള്ള പ്പണം ഇന്ത്യയിലെത്തിക്കാനുള്ള നടപടികള്‍ സ്വീകരിക്കുക, അഴിമതിക്കാരെ തൂക്കിക്കൊല്ലുക, ഭൂമി ഏറ്റെടുക്കല്‍ നിയമം പരിഷ്കരിക്കുക തുടങ്ങിയ നിരവധി ആവശ്യങ്ങള്‍ ഉന്നയിച്ച് ബാബ രാംദേവ് നിരാഹാരം നടത്തുമ്പോള്‍, അദ്ധേഹത്തിന്റെ പേരില്‍ ഇന്ത്യയിലും വിദേശത്തും ആയി കോടിക്കണക്കിനു രൂപയുടെ ആസ്തിയുള്ളതായി വാര്‍ത്താ റിപ്പോര്‍ട്ടുകള്‍ സൂചിപ്പിക്കുന്നു.
ഇന്ന് ബാബ രാംദേവിന് സ്കോട്‌ലന്‍ഡില്‍ ഒരു ദ്വീപ് സ്വന്തമായുണ്ട്. ഏകദേശം 20 ലക്ഷം പൌണ്ട് വില കൊടുത്താണ് അദ്ദേഹം ഇത് വാങ്ങിയത്‌. ഒരു സൈക്കിള്‍ മാത്രം സ്വന്തമായി ഉണ്ടായിരുന്ന ബാബ എങ്ങനെ ഈ നിലയില്‍ എത്തി എന്ന് ആര്‍ക്കും സംശയം ഉണ്ടാകാം. 2003 ല്‍ നടന്ന ഒരു ടിവി പരിപാടിയിലൂടെയാണ് ആണ് രാംദേവ് പ്രശസ്തനായത്. പ്രാണായാമം പോലെ ലളിതമായ യോഗ മുറകള്‍ പ്രചരിപ്പിക്കുന്നതില്‍ വിജയിച്ച രാംദേവിന് കൂടുതല്‍ ആളുകളെ യോഗയിലേക്ക് ആകൃഷ്ടരാക്കാന്‍ സാധിച്ചു.ഇതേ തുടര്‍ന്ന് രാംദേവിന്റെ പ്രശസ്തി ഇന്ത്യയിലും വിദേശത്തും ഒരുപോലെ വര്‍ദ്ധിച്ചു.
ലോകത്തിലെ ഏറ്റവും വലിയ ആയുര്‍വേദ – യോഗ കേന്ദ്രം എന്ന ലക്‍ഷ്യത്തോടെ 2006-ല്‍ ഹരിദ്വാറില്‍ പതഞ്ജലി യോഗ പീഠം സ്ഥാപിച്ചു. ഇവിടെ ഒരു ആശുപത്രി, യോഗ കേന്ദ്രം, സര്‍വകലാശാല, ഫുഡ് പാര്‍ക്ക്, ആയുര്‍വേദ ഫാര്‍മസി, സൗന്ദര്യവര്‍ദ്ധക നിര്‍മ്മാണ കേന്ദ്രം എന്നിവയും പ്രവര്‍ത്തിക്കുന്നു. പതജ്ഞലി യോഗ പീഠത്തിന് ഹരിദ്വാറില്‍ മാത്രം 1000 കോടി രൂപയുടെ വസ്തുവകകളുണ്ടെന്നാണ് കണക്കാക്കുന്നത്. ഈ യോഗപീഠം സ്ഥാപിക്കാന്‍ ബാബ രാംദേവ് കൃഷി ഭൂമി കൈയേറിയതായി പരാതിയുണ്ട്. ഔറംഗബാദ് ഗ്രാമത്തിലെ 3 ഹെക്ടര്‍ കൃഷി ഭൂമിയും അതിനോട് ചേര്‍ന്ന സര്‍ക്കാര്‍ ഭൂമിയും തട്ടിയെടുത്തു എന്നാണ് ആരോപണം.
ഗാന്ധിജിയുടെ ലളിതവും ശക്തവുമായ സമരമുറയായ സത്യഗ്രഹത്തിന് ബാബാ രാംദേവ് ഒരു ‘5 സ്റ്റാര്‍’ പ്രതിച്ഛായയാണ് കൊടുത്തിരിക്കുന്നത്. രാംലീല മൈതാനത്ത് ഒരുക്കിയിരിക്കുന്ന പന്തലിനും മറ്റ് സൌകര്യങ്ങള്‍ക്കുമായി 18 കോടി രൂപ ചെലവ് വരുമെന്നാണ് കണക്കാക്കുന്നത്. സത്യാഗ്രഹത്തിന് വേണ്ടി ഇദ്ദേഹം ഡല്‍ഹിയിലേക്ക് വന്നത് സ്വന്തമായി ഉള്ള ഹെലികോപ്റ്ററില്‍ ആണ്. ഭീമമായ തുകകള്‍ യോഗാ ഫീസിനത്തില്‍ വാങ്ങുന്ന ബാബ രാംദേവ് സന്യാസിയിക്കാളുപരി ഒരു വ്യാപാരിയാണെന്നാണ് കോണ്‍ഗ്രസ് ജനറല്‍ സെക്രട്ടറി ദിഗ്വിജയ് സിംഗ് അഭിപ്രായപ്പെട്ടത്.
- ലിജി അരുണ്‍
അനുബന്ധ വാര്‍ത്തകള്‍
വായിക്കുക: അഴിമതി, കുറ്റകൃത്യം, തട്ടിപ്പ്‌, പ്രതിഷേധം
അഴിമതിക്കാര്‍ക്കും കള്ള പണക്കാര്‍ക്കും ഒത്താശ ചെയ്ത്കൊടുക്കുന്ന പ്രധാനമന്ത്രി രാജിവെക്കുക…
അഴിമതിയും കള്ളപ്പണവും ഇന്ത്യന്‍ ഭരണാധികാരികളുടെ ഒത്താശയോടെ ആശിര്വാദത്തോടെയാണു ഇന്ത്യയില്‍ അരങേടുന്നതെന്ന കാര്യത്തില്‍ ആര്‍ക്കും രണ്ടഭിപ്രായം ഉണ്ടാകുമെന്ന് തോന്നുന്നില്ല.കള്ളപ്പണത്തിന്നെതിരെ അഴിമതിക്കെതിരെ ഉയരുന്ന ചെറിയൊരു ശബ്ദത്തെപ്പോലും യു പി എ സര്‍ക്കാര്‍ ഭയപ്പെടുന്നു.കള്ളപ്പണം കണ്ടെടുക്കാന്‍ ഫലപ്രദമായ നടപടി സ്വീകരിക്കാത്ത സര്‍ക്കാറിന്നെതിരെ സുപ്രിം കോടതി പോലും നിരസം പ്രകടിപ്പിച്ചു കോങ്രസ്സ് പ്രസിഡണ്ടും യു പി എ ചെയേപേഴ്സനുമായ സോണിയ ഗാന്ധിക്കും കുടുംബത്തിന്നും കള്ളപണമായുള്ള ബന്ധം കോണ്‍ഗ്രസ്സിനെ അലട്ടുന്നുണ്ടെന്ന് പറഞ്ഞുകേള്‍ക്കുന്നതില്‍ യാഥാര്‍ത്ത്യമില്ലേയെന്ന് ജനങള്‍ ചിന്തിച്ചു തൂടങിയിരിക്കുന്നു. മാത്രമല്ല സോണിയ ഗാന്ധിയെ പ്രോസിക്യുട്ട് ചെയ്യാന്‍ ജനതപാര്‍ട്ടി നേതാവ് ചോദിച്ച അനുമതിപോലും ഈ കള്ളപ്പണത്തിന്റെ രേഖകള്‍ കയ്യില്‍ വെച്ചിട്ടാണത്രെ…
ഈ സഹചര്യത്തിലാണു രാംദേവിനും അദ്ദേഹത്തിന്റെ അനുയായികളും നടത്തുന്ന സമരത്തില്‍ ഉന്നയിച്ചിരിക്കുന്ന കാര്യങള്‍ പ്രസക്തമാകുന്നത്…ഇന്ന് കേന്ദ്രസര്‍ക്കാര്‍ പറയുന്നത് പ്രചരിപ്പിക്കുന്നത്.. രാം ദേവ് കള്ളനാണു ,കൊള്ളക്കാരനാണു,അഴിമതിക്കാരനാണു,കള്ളപ്പണക്കാരണാണു, രാജ്യദ്രോഹിയാണെന്നുപോലും എന്നിട്ട്യും ഈ രാജ്യദ്രോഹിയെ സ്വികരിച്ച് സത്യാഗ്രഹപന്തലിലേക്ക് ആനയിക്കാന്‍ യു പി എ സര്‍ക്കാരിലെ നാലു കേബിനറ്റ് മന്ത്രിമാരാണു പോയത്…
ക്രമസമാധാന പ്രശ്നം ഉണ്ടാകാത്ത സാഹചര്യത്തില്‍ നടന്ന രാംദേവിനും അദ്ദേഹത്തിന്റെ അനുയായികള്‍ക്കുമെതിരെ കേന്ദ്രസര്‍ക്കാരിന്റെ നിര്‍ദേശം അനുസരിച്ച് അര്‍ധരാത്രി നടന്ന അതിക്രൂരമായ പൊലീസ് നടപടി അത്യന്തം അപലപനിയമാണു. നിരവധി സ്ത്രീകള്‍ക്കും കുട്ടികള്‍ക്കും പരിക്കേറ്റു. ചിലരുടെ പരിക്ക് ഗുരുതരവുമാണ്.
കേന്ദ്രസര്‍ക്കാര്‍ സ്വീകരിച്ച നിലപാടുകള്‍ കള്ളപ്പണമെന്ന ഗുരുതര വിഷയത്തെ ലഘൂകരിക്കുകയും പരിഹാസ്യമാക്കുകയുമാണു ചെയ്തിരിക്കുന്നത്.മാത്രമല്ല കള്ളപ്പണക്കാരെ പിടിക്കണമെന്ന് പറയുമ്പോള്‍ ഹാലിളകുന്നത് നല്ലതല്ല . കള്‍ലപ്പണക്കാര്‍ക്കെതിരെ ചെറുവിരലനക്കുന്നവരെ എന്തു വിലകൊടുത്തും അവസാനില്ലിക്കുകയെന്നതുമാണു സര്‍ക്കാര്‍ നയം .ഇത് അംഗികരിക്കാന്‍ സാധ്യമല്ല..അടിയന്തിരവസ്ഥയുടെ കറുത്ത നാളുകള്‍ തിരിച്ച് കൊണ്ടുവരാന്‍ അനുവദിച്ചുകൂടാ…..യു പി എ സര്‍ക്കാറിന്റെ അന്ത്യ നാളുകള്‍ അടുത്തുവരുന്നതിന്റെ ലക്ഷണങള്‍ കണ്ടു തുടങിയിക്കുന്നു…ഒരു അണ്ണ അസ്സാരെ പറഞ്ഞ് പറ്റിച്ചാലോ ഒരു രാം ദേവിനെ അറസ്റ്റ് ചെയ്താലോ മാത്രം അവസാനിക്കുന്നതല്ല ജനവികാരം …ഈ റാം ദേവിന്നെതിരെ കൈക്കോണ്ട തരത്തിലുള്ള നടപടി എന്തുകൊണ്ട് കള്ള പണക്കാറ്ക്കും അഴിമതിക്കാര്‍ക്കും എതിരെ സര്‍ക്കാര്‍ കൈക്കൊള്ളുന്നില്ലായെന്നത് പ്രസ്ക്തമായ ചോദ്യമാണു…