- ലിജി അരുണ്
വായിക്കുക: അന്താരാഷ്ട്രം, അമേരിക്ക, ഇന്ത്യന് രാഷ്ട്രീയം
- ലിജി അരുണ്
വായിക്കുക: അന്താരാഷ്ട്രം, അമേരിക്ക, ഇന്ത്യന് രാഷ്ട്രീയം
ന്യൂഡല്ഹി : അണ്ണാ ഹസാരെ നടത്തിയ സമരത്തെ കുറിച്ച് തനിക്ക് ഏറെ ആശങ്കകള് ഉണ്ട് എന്ന് പ്രമുഖ എഴുത്തുകാരിയും മനുഷ്യാവകാശ പ്രവര്ത്തകയുമായ അരുന്ധതി റോയ് വ്യക്തമാക്കി. ഈ സമരത്തിന്റെ പിന്നിലെ ബുദ്ധി കേന്ദ്രങ്ങളാണ് തന്നെ ആശങ്കപ്പെടുത്തുന്നത്. അണ്ണാ ഹസാരെ വെറും മുന്നണി പോരാളിയാണ്. യഥാര്ത്ഥ ചരട് വലികള് നടത്തുന്ന ശക്തികളെ തിരിച്ചറിയേണ്ടതുണ്ട്. എന്. ജി. ഓ. കള് നേതൃത്വം നല്കുന്ന സമരമാണിത്. കിരണ് ബേദി, അരവിന്ദ് കേജ്രിവാള്, മനീഷ് സിസോടിയ എന്നിവരെല്ലാം തന്നെ സ്വന്തമായി എന്. ജി. ഓ. പ്രവര്ത്തനം നടത്തുന്നവരാണ്. ഹസാരെയുടെ സമരത്തിന്റെ ചുക്കാന് പിടിക്കുന്ന മൂന്നു പേരും ഫോര്ഡ് ഫൌണ്ടേഷന്, റോക്കഫെല്ലര് എന്നിവര് ഏര്പ്പെടുത്തിയ മാഗ്സസെ പുരസ്കാര ജേതാക്കളാണ്. അരവിന്ദ് കേജ്രിവാള്, മനീഷ് സിസോടിയ എന്നിവര്ക്ക് ഫോര്ഡ് ഫൌണ്ടേഷനില് നിന്നും 4 ലക്ഷം ഡോളര് ലഭിച്ചിട്ടുണ്ട്. ഇത്തരം അന്താരാഷ്ട്ര ഏജന്സികള് പണം നല്കി നടപ്പിലാക്കുന്ന സമരത്തെ പറ്റി സംശയം ഉണ്ടാവുന്നത് സ്വാഭാവികമാണ്.
ലോകബാങ്ക് പണം നല്കുന്ന എന്. ജി. ഓ. കള് എന്തിനാണ് പൊതു നയ രൂപീകരണ വിഷയങ്ങളില് ഇടപെടുന്നത് എന്നത് ചിന്തിക്കേണ്ട വിഷയമാണ്.
ലോകബാങ്കിന്റെ നേതൃത്വത്തില് ലോകമെമ്പാടും 600 ലേറെ അഴിമതി വിരുദ്ധ പ്രക്ഷോഭങ്ങള് നടത്തുന്നുണ്ട് എന്ന് ലോക ബാങ്കിന്റെ വെബ്സൈറ്റില് പറയുന്നു. അതാത് സര്ക്കാരുകളുടെ ചുമതലകള് സര്ക്കാരുകളില് നിന്നും എടുത്തു മാറ്റി സര്ക്കാരുകളെ ദുര്ബലമാക്കുകയും, എന്. ജി. ഓ. കളെ പ്രബലമാക്കുകയും തദ്വാരാ അന്താരാഷ്ട്ര മൂലധനത്തിന്റെ സ്വാധീനം ലോക രാജ്യങ്ങളില് സാദ്ധ്യമാക്കുകയും ചെയ്യുകയാണ് ഇത്തരം ഏജന്സികളുടെ ലക്ഷ്യം. ഇന്ത്യയില് വമ്പിച്ച അഴിമതിയുടെ കഥകള് പുറത്തായ അതെ സമയം കോര്പ്പൊറേറ്റ് അഴിമതികളും, അതിനു പിന്നിലെ സ്വാധീന ശക്തികളില് നിന്നും പൊതുജന ശ്രദ്ധ തിരിച്ചു വിട്ടു കൊണ്ട് ഇത്തരം ഒരു ലോകബാങ്ക് അജണ്ട നടപ്പിലാക്കുന്ന പ്രക്ഷോഭം സംഘടിപ്പിക്കുന്നതിന്റെ ആശാസ്യതയാണ് നമ്മെ ആശങ്കപ്പെടുത്തേണ്ടത് എന്നും അരുന്ധതി പറഞ്ഞു.
- ജെ.എസ്.
വായിക്കുക: അന്താരാഷ്ട്രം, അഴിമതി, ഇന്ത്യ, ഇന്ത്യന് രാഷ്ട്രീയം, പ്രതിഷേധം, രാജ്യരക്ഷ, വിവാദം, സാമ്പത്തികം
ന്യൂഡല്ഹി: കേന്ദ്ര സര്ക്കാരിനെതിരെ വീണ്ടും സി.എ.ജിയുടെ റിപ്പോര്ട്ട്. സ്വകാര്യ എണ്ണക്കമ്പനികളുടെ പര്യവേക്ഷണച്ചെലവ് പെരുപ്പിച്ചുകാട്ടി, കേന്ദ്ര സര്ക്കാരിനു ലഭിക്കേണ്ടിയിരുന്ന ഭീമമായ തുക റിലയന്സും മറ്റു രണ്ടു കമ്പനികളും തട്ടിയെടുക്കാന് പെട്രോളിയം മന്ത്രാലയം കൂട്ടുനിന്നതായി കംപ്ട്രോളര് ആന്ഡ് ഓഡിറ്റ് ജനറലിന്റെ (സി.എ.ജി.) കരടു റിപ്പോര്ട്ട്. മുകേഷ് അംബാനിയുടെ റിലയന്സ് ഇന്ഡസ്ട്രീസുമായുള്ള ഇടപാടില് മാത്രം 30000 കോടി രൂപയോളം കേന്ദ്ര ഖജനാവിനു നഷ്ടമായിട്ടുണ്ടെന്നാണു പ്രാഥമിക നിഗമനം. ഇതേക്കുറിച്ച് സി.ബി.ഐ. അന്വേഷണം തുടങ്ങി. സംഭവം വിവാദമായതോടെ പെട്രോളിയം മന്ത്രാലയത്തിലെ ഉന്നതര് സി.ബി.ഐ. നിരീക്ഷണത്തിലാണ്. സി.എ.ജിയുടെ അന്തിമറിപ്പോര്ട്ട് വന്നാലുടന് അന്വേഷണം സി.ബി.ഐ. ഏറ്റെടുക്കുമെന്നാണു സൂചന.
ആന്ധ്രയിലെ കൃഷ്ണ-ഗോദാവരി തടത്തിലെ എണ്ണ പര്യവേക്ഷണക്കരാറിലെ തുകയാണു റിലയന്സ് പെരുപ്പിച്ചു കാട്ടിയത്. കൂടാതെ രാജസ്ഥാനിലെ ബാര്മേറില് പര്യവേക്ഷണം നടത്തിയ കെയിന് എനര്ജി, മധ്യപ്രദേശിലെ പന്ന-മുക്ത-തപ്തി തീരത്തെ പര്യവേക്ഷണത്തിനു കരാര് ലഭിച്ച ബ്രിട്ടീഷ് ഗ്യാസ് തുടങ്ങിയ കമ്പനികളേയും യു.പി.എ. സര്ക്കാര് വഴിവിട്ടു സഹായിച്ചെന്നു കണ്ടെത്തി. മുരളി ദേവ്റ പെട്രോളിയം മന്ത്രിയും വി.കെ. സിബല് ഹൈഡ്രോകാര്ബണ്സ് ഡയറക്ടര് ജനറലുമായിരുന്ന സമയത്താണ് ഈ ഇടപാടുകള് നടന്നത്. 2ജി സ്പെക്ട്രം, കോമണ്വെല്ത്ത്, ആദര്ശ് കുംഭകോണങ്ങളില് നട്ടംതിരിയുന്ന കേന്ദ്ര സര്ക്കാരിനു പെട്രോളിയം കുംഭകോണം പുതിയ തലവേദനയാകും. പ്രതിപക്ഷം പാര്ലിമെന്ററില് ഇക്കാര്യം അവതരിപ്പിക്കുന്നതോടെ ചൂടേറിയ വാഗ്വാദങ്ങള്ക്കും പ്രധിഷേധങ്ങള്ക്കും കാരണമാകും.
- ഫൈസല് ബാവ
വായിക്കുക: അന്താരാഷ്ട്രം, അഴിമതി, ഇന്ത്യന് രാഷ്ട്രീയം, ഇന്ത്യന് രാഷ്ട്രീയ നേതാക്കള്, തട്ടിപ്പ്, നിയമം
ചെന്നൈ : എല്. ടി. ടി. ഇ. തലവന് വേലുപ്പിള്ള പ്രഭാകരന് കൊല്ലപ്പെട്ടിട്ടില്ല എന്നും തക്ക സമയം നോക്കി ഒളിവില് നിന്നും പുറത്തു വരുമെന്നും എം. ഡി. എം. കെ. നേതാവ് വൈക്കോ ചെന്നൈയില് നടന്ന ഒരു പൊതു സമ്മേളനത്തില് പ്രഖ്യാപിച്ചു. ശ്രീലങ്കയിലെ മുള്ളിവൈക്കല് ആശുപത്രി ശ്രീലങ്കന് സൈന്യം ആക്രമിച്ചു അന്പതോളം പേരെ വധിച്ചതിന്റെ രണ്ടാം വാര്ഷികം ആചരിക്കുന്ന പൊതു യോഗത്തിലാണ് വൈക്കോ ഞെട്ടിക്കുന്ന ഈ വെളിപ്പെടുത്തല് നടത്തിയത്.
(പ്രഭാകരന് കൊല്ലപ്പെട്ടു എന്ന വാര്ത്ത വന്നതിന്റെ തൊട്ടുപിറകെ പ്രഭാകരന് തന്റെ മരണവാര്ത്ത ടി.വി.യില് കാണുന്നതിന്റെ ഫോട്ടോ ഒരു തമിഴ് പത്രം പുറത്തു വിടുകയുണ്ടായി.)
ശ്രീലങ്കയില് സര്ക്കാര് സൈന്യം തമിഴ് വംശജര്ക്ക് എതിരെ നടത്തിയ മനുഷ്യത്വ രഹിതമായ കൂട്ടക്കൊലയുടെയും യുദ്ധ കുറ്റകൃത്യങ്ങളെയും കുറിച്ച് ഐക്യ രാഷ്ട്ര സഭ പുറത്തിറക്കിയ റിപ്പോര്ട്ടില് നിന്നും പ്രസക്ത ഭാഗങ്ങള് ഉദ്ധരിച്ച് ശ്രീലങ്കന് സൈന്യത്തിന്റെ അതിക്രമങ്ങള് വൈക്കോ വിശദീകരിച്ചു.
3.3 ലക്ഷം തമിഴ് വംശജരെ യുദ്ധ രഹിത മേഖലയിലേക്ക് ആട്ടിത്തെളിച്ചതിന് ശേഷം സൈന്യം ഇവരെ ആക്രമിച്ചു. ഈ ആക്രമണത്തില് 2500 കുട്ടികളുടെ അവയവങ്ങള് ബോംബ് ആക്രമണത്തില് വേര്പെടുകയും ശരീരം ഷെല് ആക്രമണത്തില് ചിതറുകയും ചെയ്തു. തമിഴ് സ്ത്രീകളെ ശ്രീലങ്കന് സൈന്യം ക്രൂരമായി കൂട്ട ബലാല്സംഗം ചെയ്തു. ആശുപത്രികള് തിരഞ്ഞു പിടിച്ചു സൈന്യം ആക്രമിച്ചു. ഇതെല്ലാം താന് ഐക്യ രാഷ്ട്ര സഭയുടെ റിപ്പോര്ട്ടില് നിന്നും വായിക്കുക മാത്രമാണ് ചെയ്യുന്നത് എന്ന് അദ്ദേഹം ഓര്മ്മിപ്പിച്ചു.
കോണ്ഗ്രസ് അദ്ധ്യക്ഷ സോണിയ ഗാന്ധിയുടെ “മാഫിയ മനസ്” എറിഞ്ഞു കൊടുക്കുന്ന അപ്പക്കഷ്ണങ്ങള്ക്ക് വേണ്ടി തമിഴ് മക്കളുടെ താല്പര്യങ്ങള് ബലി കഴിച്ച മുന് മുഖ്യമന്ത്രി എം. കരുണാനിധിയെ രൂക്ഷമായി വിമര്ശിച്ച അദ്ദേഹം തെരഞ്ഞെടുപ്പില് പരാജയപ്പെട്ട അദ്ദേഹത്തെ താന് കൂടുതല് ദുഖിപ്പിക്കാന് ഉദ്ദേശിക്കുന്നില്ല എന്നും പറഞ്ഞു.
- ജെ.എസ്.
വായിക്കുക: അന്താരാഷ്ട്രം, ഇന്ത്യന് രാഷ്ട്രീയ നേതാക്കള്, പീഡനം, പ്രതിഷേധം, മനുഷ്യാവകാശം, യുദ്ധം
ന്യൂഡല്ഹി : ആഭ്യന്തര കലാപം രൂക്ഷമായ ലിബിയയില് നിന്നും ഇന്ത്യക്കാരെ രക്ഷപ്പെടുത്തി കൊണ്ടുള്ള 2 വിമാനങ്ങള് ഇന്നലെ അര്ദ്ധരാത്രിയോടെ ന്യൂഡല്ഹി അന്താരാഷ്ട്ര വിമാന താവളത്തില് ഇറങ്ങി. സ്ത്രീകള്ക്കും കുട്ടികള്ക്കുമാണ് ആദ്യത്തെ വിമാനങ്ങളില് മുന്ഗണന നല്കിയത്. 700ഓളം ഇന്ത്യക്കാരാണ് രണ്ടു വിമാനങ്ങളിലായി ലിബിയയില് നിന്ന് ഡല്ഹിയില് തിരിച്ച് എത്തുന്നത്. ഈ വിമാനങ്ങളില് രണ്ടിലും കൂടി നൂറോളം മലയാളികള് ഉണ്ട്. മലയാളികള്ക്ക് വേണ്ടിയുള്ള സൌജന്യ താമസ സൌകര്യവും ഭക്ഷണവും കേരള ഹൌസില് ഒരുക്കി. ഇവരെ വിമാന മാര്ഗം നാട്ടിലേക്കു എത്തിക്കും.
പ്രക്ഷോഭം ശക്തമായതിനെ തുടര്ന്ന് ലിബിയയിലെ അന്താരാഷ്ട്ര വിമാന താവളം അടച്ചു. കൂടുതല് ഇന്ത്യക്കാര് ജോലി ചെയ്യുന്ന ബെംഗാസിയിലേക്ക് നാവികസേനയുടെ കപ്പലുകളായ ഐ.എന്.എസ്. ജലാശ്വ, ഐ.എന്.എസ്. മൈസൂര് എന്നിവ തിരിച്ചിട്ടുണ്ട്. ഇവിടെ ജോലി ചെയ്യുന്നവരെ കപ്പല്മാര്ഗ്ഗം അലക്സാന്ഡ്രിയയില് എത്തിച്ച് അവിടെ നിന്ന് വിമാനത്തില് ഇന്ത്യയിലെത്തിക്കാനാണ് പദ്ധതി. ഇതുവരെ എല്ലാവരും സുരക്ഷിതരാണെന്നാണ് വിവരമെന്നും വിദേശകാര്യ മന്ത്രാലയം അറിയിച്ചു.ലിബിയയ്ക് എതിരെ ഐക്യ രാഷ്ട്ര സഭ ഉപരോധം ഏര്പ്പെടുത്തിയിട്ടുണ്ട്.
- ലിജി അരുണ്
വായിക്കുക: അന്താരാഷ്ട്രം, യുദ്ധം