ചാലക്കുടി: വാല്പാറയില്‍ കാട്ടാനക്കൂട്ടത്തിന്റെ ആക്രമണത്തിനിരയായാള്‍ മരിച്ചു. എസ്റ്റേറ്റ് ജീവനക്കാരന്‍ നടേശന്റെ മകന്‍ രാജേന്ദ്രന്‍ (39) ആണ് മരിച്ചത്. മുടീസ് അര്‍ബന്‍ ബാങ്ക് സെക്യൂരിറ്റി ജീവനക്കാരന്‍ ആയിരുന്നു ഇയാള്‍. രാത്രി ജോലി കഴിഞ്ഞ് മടങ്ങും വഴി എസ്റ്റേറ്റ് റോഡില്‍ വച്ച് പത്തോളം വരുന്ന കാട്ടാനക്കൂട്ടം രാജേന്ദ്രനെ ആക്രമിക്കുകയായിരുന്നു. ബഹളം കേട്ട് ഓടിക്കൂടിയ എസ്റ്റേറ്റ് തൊഴിലാളികള്‍ ആനകളെ തുരത്തി രാജേന്ദ്രനെ വാല്പാറ സര്‍ക്കാര്‍ ആശുപത്രിയില്‍ എത്തിച്ചു. അവിടെ നിന്നും പിന്നീട് കോയമ്പത്തൂരിലെ ആശുപത്രിയിലേക്ക് കൊണ്ടു പോയെങ്കിലും വഴിമധ്യേ രാജേന്ദ്രന്‍ മരിച്ചു. വാല്പാറ മേഘലയില്‍ കാട്ടാനക്കൂട്ടം നാട്ടില്‍ ഇറങ്ങുന്നത് പതിവായിട്ടുണ്ട്. ആനത്താരകള്‍ക്ക് ഭംഗം വന്നതും ഭക്ഷണ ക്ഷാമവുമാണ് ആനകള്‍ നാട്ടിലിറങ്ങുന്നതിന്റെ പ്രധാന കാരണം.
- ലിജി അരുണ്‍
അനുബന്ധ വാര്‍ത്തകള്‍
വായിക്കുക: ആനക്കാര്യം, ദുരന്തം, വന്യജീവി
