കണ്ണൂര്‍: സി. പി. എം ജില്ലാ സെക്രട്ടറി പി.ജയരാജന്‍ ഉള്‍പ്പെടെ ഉള്ള സി. പി. എം നേതാക്കള്‍ സഞ്ചരിച്ച വാഹനത്തിനു നേരെ കല്ലേറ്. തളിപ്പറമ്പിനു സമീപം പടുവത്ത് വച്ചായിരുന്നു കല്ലേറ്. ടി. വി. രാജേഷ് എം. എല്‍. എ ഉള്‍പ്പെടെ ഏതാനും പേര്‍ക്ക് നിസ്സാര പരിക്കേറ്റു. നേതാക്കള്‍ക്കു നേരെ ഉണ്ടായ കല്ലേറില്‍ പ്രതിഷേധിച്ച് നാളെ കണ്ണൂര്‍ ജില്ലയില്‍ ഹര്‍ത്താലിനു സി. പി. എം ആഹ്വാനം നല്‍കി. രാവിലെ ആറുമുതല്‍ വൈകീട്ട് ആറുവരെ ആണ് ഹര്‍ത്താല്‍. കൈരളി-ദേശാഭിമാനി വാര്‍ത്താ സംഘത്തിന്റെ വാഹനത്തിനു നേരെയും കല്ലേറുണ്ടായിട്ടുണ്ട്. സി. പി. എം ലീഗ് സംഘര്‍ഷം നടക്കുന്ന പ്രദേശത്ത് അക്രമത്തിന് ഇരയായവരെ സന്ദര്‍ശിക്കുവാന്‍ എത്തിയതായിരുന്നു നേതാക്കള്‍.
- ലിജി അരുണ്‍
അനുബന്ധ വാര്‍ത്തകള്‍
വായിക്കുക: കുറ്റകൃത്യം, കേരള രാഷ്ട്രീയം, ക്രമസമാധാനം, പോലീസ്‌ അതിക്രമം
