 |
 |
 |
 |
 |
 |
 |
 |
 |
 |
 |
 |
 |
 |
കൊല്ലം: ചവറയിലെ കെ. എം. എം. എല്‍ കമ്പനിയില്‍ നിന്നും വാതകം ചോര്‍ന്നതിനെ തുടര്‍ന്ന് 40 ഓളം പേരെ ആശുപത്രിയില്‍ പ്രവേശിപ്പിച്ചു. ചൊവ്വാഴ്ച പുലര്‍ച്ചെയാണ്‌ സംഭവം. മൂന്ന് പേരുടെ നില ഗുരുതരമാണ്. വാതകം ശ്വസിച്ചവര്‍ക്ക് ശ്വാസംമുട്ടലും ഛര്‍ദിയുമാണ്‌ അനുഭവപ്പെട്ടത്‌. കമ്പനിക്ക്‌ സമീപം താമസിക്കുന്നവര്‍ക്കും അസ്വസ്ഥത ഉണ്ടായി. അധികൃതര്‍ എത്തി കമ്പനിയുടെ പ്രവര്‍ത്തനം നിര്‍ത്തിവച്ചിരിക്കുകയാണ്
- ഫൈസല്‍ ബാവ
ആലപ്പുഴ: വയല്‍ നികത്തി അനധികൃതമായി നിര്‍മ്മിച്ചിരിക്കുന്ന ഹോട്ടലിന്റെ ഉദ്‌ഘാടനം ബുധനാഴ്‌ച മുഖ്യമന്ത്രി നിര്‍വഹിക്കും. എന്നാല്‍ ഉദ്ഘാടനത്തിന് മുമ്പ്‌ തന്നെ ഇത് വിവാദമായിരിക്കുകയാണ്. ദേശീയപാതയില്‍ ഹരിപ്പാടിനും ചേപ്പാടിനും ഇടയില്‍ നങ്ങ്യാര്‍കുളങ്ങര ജംഗ്‌ഷന സമീപമാണ്‌ വിവാദ ഹോട്ടല്‍ സമുച്ചയം. കെ.പി.സി.സി അധ്യക്ഷനും സ്‌ഥലം എം.എല്‍ .എയുമായ രമേശ്‌ ചെന്നിത്തലയാണ്‌ ചടങ്ങില്‍ മുഖ്യാതിഥി. ബാര്‍ ലൈസന്‍സ്‌ കിട്ടുന്നതിന്റെ നടപടി വേഗത്തിലാക്കുന്നതിനാണ്‌ മുഖ്യമന്ത്രിയെ ഉദ്ഘാടനത്തിന് ക്ഷണിച്ചതെന്ന്‌ ആരോപണമുണ്ട്‌. പ്രധാനകെട്ടിടത്തിന്‌ പിന്നിലായി നാല്‌ ആഡംബര വില്ലകളും അധികൃതമായി നിര്‍മ്മിച്ചിട്ടുണ്ട്‌. ഒരേക്കറോളം നിലം നികത്തിയാണ്‌ വില്ലകളുടെ നിര്‍മ്മാണം. മഴക്കാലത്ത്‌ നങ്ങ്യാര്‍കുളങ്കര ജംഗ്‌ഷനില്‍ എത്തുന്ന അധികജലം തക്കോട്ട്‌ ഒഴുകി ഇലവന്‍കുളങ്ങര കലുങ്കില്‍ കൂടി പറയന്‍ തോട്ടിലേക്ക്‌ പോകുന്ന പ്രധാനപാതയിലായിരുന്നു വിവാദമായ ഈ ഇരിപ്പുനിലം. ഈ നിലം നികത്തുന്നതിന്‌ പഞ്ചായത്തിന്റെ അനുമതിയുണ്ടായിരുന്നില്ല എന്നാണ് റിപ്പോര്‍ട്ട്. രാഷ്‌ട്രീയ സ്വാധീനമുപയോഗിച്ച്‌ അനധികൃതമായി നിര്‍മ്മിച്ച ഹോട്ടലിനെതിരെ പ്രതിഷേധം ശക്‌തമായതോടെ ചേപ്പാട്‌ ഗ്രാമപഞ്ചായത്ത്‌ ഈ വില്ലകള്‍ക്ക്‌ നമ്പര്‍ ഇടുകയോ ലൈസന്‍സ്‌ നല്‍കുകയോ ചെയ്‌തിരുന്നില്ല.
-
വായിക്കുക: കേരള രാഷ്ട്രീയം, പരിസ്ഥിതി, വിവാദം
കുമളി: ചൊവ്വാഴ്ചയുണ്ടായ ഭൂചലനത്തില്‍ മുല്ലപ്പെരിയാര്‍ അണക്കെട്ടില്‍ മൂന്നിടത്ത് പുതിയ വിള്ളലുകള്‍ ഉണ്ടായതായി കണ്ടെത്തി. ഇത് ഏറെ അപകടാവസ്ഥ ഉണ്ടാക്കും. അണക്കെട്ടിന്റെ രണ്ട്, പത്ത്, പന്ത്രണ്ട് ബ്ലോക്കുകളിലാണ് പുതിയ വിള്ളലുകള്‍ ഉണ്ടായത്. ഇതില്‍ പത്താം ബ്ലോക്കിലെ വിള്ളല്‍ ഏറെ ഗൗരവമുള്ളതാണ് . മുമ്പുണ്ടായിരുന്ന വിള്ളലുകള്‍ വലുതായതായും പരിശോധനയില്‍ തിരിച്ചറിഞ്ഞു. ഇതേ തുടര്‍ന്ന് അണക്കെട്ടിന്റെ ഗാലറികളില്‍ നിന്ന് പുറത്തേക്കൊഴുകുന്ന സ്വീപ്പേജ് വാട്ടറിന്റെ അളവും കൂടി. ഭൂചലനത്തിനു ശേഷം ജലവിഭവ വകുപ്പ് എക്‌സിക്യൂട്ടീവ് എന്‍ജിനിയര്‍ ജോര്‍ജ് ദാനിയേലും സംഘവും നടത്തിയ പരിശോധനയിലാണ് പുതിയ വിള്ളലുകള്‍ കണ്ടെത്തിയത്. പുതുതായി കണ്ടെത്തിയ പത്താം ബ്ലോക്കിലെ വിള്ളല്‍ അടിയന്തരമായി പഠനം നടത്തേണ്ടതാണെന്ന് എന്‍ജിനിയര്‍മാര്‍ നിര്‍ദേശിച്ചു.
-
കുട്ടനാട്: കുട്ടനാട്ടില്‍ വസന്ത രോഗം ബാധിച്ച് താറാവുകള്‍ കൂട്ടത്തോടെ ചത്തൊടുങ്ങുന്നു. മഴക്കാലമായതോടെ രോഗം വളരെ വേഗത്തില്‍ വ്യാപിക്കുകയാണ്. അസുഖം ബാധിച്ച് ചത്തൊടുങ്ങുന്ന താറാവുകള്‍ വെള്ളത്തില്‍ പൊന്തിക്കിടക്കുകയാണ്. ഇവ ചീഞ്ഞ് ഗുരുതരമായ പാരിസ്ഥിതിക പ്രശ്നങ്ങള്‍ സൃഷ്ടിക്കുന്നുണ്ട്. വായ്പയെടുത്ത് താറാവു കുഞ്ഞുങ്ങളെ വാങ്ങി വളര്‍ത്തുന്ന കര്‍ഷകര്‍ പ്രതിസന്ധിയിലായിട്ടുണ്ട്. രോഗ പ്രതിരോധത്തിനായി സര്‍ക്കാര്‍ അടിയന്തിര നടപടിയെടുക്കണമെന്ന് കര്‍ഷകര്‍ ആവശ്യപ്പെട്ടു.
താറാവുകള്‍ അനങ്ങാതെ തൂങ്ങി നില്‍ക്കുന്നതാണ് അസുഖത്തിന്റെ ലക്ഷണം. പിന്നീട് മൂന്നോ നാലോ ദിവസത്തിനുള്ളില്‍ അവ ചത്തൊടുങ്ങുന്നു. നൂറുകണക്കിനു താറാവുകളാണ് ഇതിനോടകം രോഗം ബാധിച്ച് ചത്തത്. ഇതിനിടെ വസന്ത ബാധിച്ച് ചത്തൊടുങ്ങുന്ന താറാവുകളെ ചിലര്‍ ശേഖരിച്ചു കൊണ്ടുപോകുന്നതായും റിപ്പോര്‍ട്ടുണ്ട്. ഇത്തരത്തില്‍ ശേഖരിക്കുന്ന താറാവുകളെ ഇറച്ചിയാക്കി വില്‍ക്കുവാനോ ഹോട്ടലുകളില്‍ ഉപയോഗിക്കുവാനോ സാധ്യതയുണ്ട്.
-
മെഴുകും‌പാറ; കുറ്റക്കാരെന്ന് തെളിഞ്ഞാല്‍ നടപടിയെടുക്കും മന്ത്രി
പാലക്കാട്: പാലക്കാട് ജില്ലയിലെ മെഴുകും‌പാറയിലെ അറുപത്തഞ്ച് ഏക്കര്‍ വനം സ്വകാര്യ വ്യക്തിക്ക് അവകാശമുള്ളതാണെന്ന് റിപ്പോര്‍ട്ട് നല്‍കിയ ഉദ്യോഗസ്ഥനെതിരെ അന്വേഷണം നടത്തുമെന്നും. റിപ്പോര്‍ട്ടില്‍ ആരെങ്കിലും കുറ്റക്കാരാണെന്ന് തെളിഞ്ഞാല്‍ നടപടിയെടുക്കുമെന്നും തിങ്കളാഴ്ച തനിക്ക് നേരിട്ട് റിപ്പോര്‍ട്ട് നല്‍കുവാന്‍ ഉദ്യോഗസ്ഥര്‍ക്ക് മന്ത്രി നിര്‍ദ്ദേശം നല്‍കിയതായും വനം മന്ത്രി മാധ്യമങ്ങളോട് പറഞ്ഞു. പാലക്കാട്ടെ മുന്‍ വനം കണ്‍സര്‍വേറ്റര്‍ അമര്‍നാഥ് ഷെട്ടിയുടെ റിപ്പോര്‍ട്ടില്‍ നിന്നും വ്യത്യസ്ഥമായ റിപ്പോര്‍ട്ടാണ് വനം പ്രിന്‍സിപ്പല്‍ ചീഫ് കണ്‍സര്‍വേറ്ററുടേതെന്ന് അറിയുന്നു. നിബിഡവനമായ മെഴുകും‌പാറയില്‍ അപൂര്‍വ്വമായ സസ്യങ്ങളുടെ വലിയ ശേഖരമാണുള്ളത്. സംസ്ഥാനത്തെ പല വനപ്രദേശങ്ങളിലും വന്‍‌കിട കയ്യേറ്റക്കാരും, റിസോര്‍ട്ട് മാഫിയായും അനധികൃതമായി നിര്‍മ്മാണ പ്രവര്‍ത്തനങ്ങളും കയ്യേറ്റങ്ങളും നടത്തുന്നതായി നേരത്തെ തന്നെ റിപ്പോര്‍ട്ടുകളുണ്ട്. കെട്ടിട നിര്‍മ്മാണ ചട്ടങ്ങള്‍ പിന്‍‌വലിച്ചത് അനധികൃത നിര്‍മ്മാണ പ്രവര്‍ത്തനങ്ങള്‍ക്ക് വലിയ തോതില്‍ സാധ്യത വര്‍ദ്ധിപ്പിച്ചിട്ടുണ്ട്
-
വാര്‍ത്തകള്‍ കേരളം
|
കലാ സാഹിത്യം ലേഖനങ്ങള്
മഞ്ഞ (മാഗസിന്) |
കോളംസ് പള്സ്
പച്ച (പരിസ്ഥിതി) |
മറ്റ് പംക്തികള് ചരമം |
