- ലിജി അരുണ്
വായിക്കുക: കുറ്റകൃത്യം, തട്ടിപ്പ്, പോലീസ്
തിരുവനന്തപുരം: നിരവധിക്കേസുകളില് അന്വേഷണം നേരിടുന്ന ടോമിന് തച്ചങ്കരിയെ സര്വ്വീസില് തിരിച്ചെടുത്ത മുഖ്യമന്ത്രി ഉമ്മന് ചാണ്ടിക്ക് അധികാരത്തില് തുടരാന് അവകാശമില്ലെന്നും മുഖ്യമന്ത്രി സത്യപ്രതിജ്ഞാലംഘനം നടത്തിയതായും പ്രതിപക്ഷ നേതാവ് വി. എസ് അച്യുതാനന്ദന് പറഞ്ഞു. തച്ചങ്കരിയെ തിരിച്ചെടുത്തത് വാസ്തവ വിരുദ്ധമായ കാര്യങ്ങള് ഉന്നയിച്ചു കൊണ്ടാണ്. തച്ചങ്കരിയെ തിരിച്ചെടുത്തത് എന്. ഐ. എ യുടെ നിര്ദ്ദേശ പ്രകാരമാണെന്ന് മുഖ്യമന്ത്രിയുടെ വാദം ഇതോടെ പൊളിഞ്ഞിരിക്കുകയാണെന്നും വി. എസ് ചൂണ്ടിക്കാട്ടി.
- ന്യൂസ് ഡെസ്ക്
വായിക്കുക: അഴിമതി, കുറ്റകൃത്യം, കേരള രാഷ്ട്രീയം, തട്ടിപ്പ്, പോലീസ്, വിവാദം
- ലിജി അരുണ്
വായിക്കുക: കുറ്റകൃത്യം, കോടതി, തട്ടിപ്പ്, പീഡനം, സ്ത്രീ
തിരുവനന്തപുരം: ബീമാപള്ളി പരിസരത്ത് സോപ്പിലും മഗ്ഗിലും ഇലക്ട്രോണിക് ചിപ്പ് ഘടിപ്പിച്ച് സര്വേ നടത്തിയ വിദേശികളായ ജോണ് പീറ്റര്, ആദം ഡേവിഡ് എന്നിവരെ സംഭവവുമായി ബന്ധപ്പെട്ട് വിദേശികളെ പൊലീസ് ചോദ്യം ചെയ്തു. ഇവരാണ് സര്വേക്ക് നേതൃത്വം നല്കിയത്. ലണ്ടന് സ്വദേശിയായ ആദം ഡേവിഡ് ലണ്ടന് സ്കൂള് ഓഫ് ഹൈജീന് ആന്ഡ് ട്രോപ്പിക്കലിന്റെ ഡയറക്ടറാണെന്ന് പൊലീസിന് മൊഴി നല്കി. സോപ്പിലും മഗ്ഗിലും ഘടിപ്പിച്ച ഇലക്ട്രോണിക് ഉപകരണത്തിന്റെ വിശദ വിവരങ്ങള് അറിയാന് പൊലീസ് ഇത് സൈബര്സെല്ലിന് കൈമാറിയിട്ടുണ്ട്. രഹസ്യമായി കുടുംബശ്രീ പ്രവര്ത്തകരെ സംഘടിപ്പിച്ചാണ് അവര് വീടുകളില് സൗജന്യമായി സോപ്പും മഗ്ഗും നല്കിയത്. അഞ്ച് ദിവസം ഉപയോഗത്തിന് ശേഷം സോപ്പ് തിരികെ എടുത്ത് വീട്ടുകാര്ക്ക് 400 രൂപ നല്കി. ഇതാണ് കൂടുതല് സംശയങ്ങള്ക്ക് വഴി വെച്ചത്. സൈബര് സെല്ലിന്റെ റിപ്പോര്ട്ട് കിട്ടിയാല് മാത്രമേ കൂടുതല് വിവരങ്ങള് പറയാനാവൂവെന്നാണ് പൊലീസ് വ്യക്തമാക്കി. എന്നാല് വിദേശികളെ ചോദ്യം ചെയ്ത് വിട്ടയച്ചതിനെതിരെ പലരും രംഗത്ത് വന്നിട്ടുണ്ട്. നേരത്തെ കരിമഠം കോളനിയില് വിദേശ കമ്പനിക്കു വേണ്ടി സര്വേ നടത്തിയിരുന്നു. അവരെയും ചോദ്യം ചെയ്തശേഷം വിട്ടയച്ചതല്ലാതെ കൂടുതല് അന്വേഷണം നടന്നിട്ടില്ലെന്ന് ആക്ഷേപമുണ്ട്.
-
വായിക്കുക: ആരോഗ്യം, കുറ്റകൃത്യം, തട്ടിപ്പ്
മലപ്പുറം: കരിപ്പൂര് വിമാനത്താവളത്തില് ഇറങ്ങിയ യാത്രക്കാരന്റെ ബാഗില്നിന്ന് സിബ്ബ് കുത്തിത്തുറന്ന് സാധനങ്ങള് മോഷ്ടിച്ചു. . അബുദാബിയില് നിന്നും വന്ന ഇത്തിഹാദ് എയര്വെയ്സില് യാത്രചെയ്ത ചെമ്മലശ്ശേരി സ്വദേശി നെല്ലിശ്ശേരി ഷമീറിന്റെ ബാഗില്നിന്നാണ് മൊബൈല് ഫോണ്, വാച്ച്, കൂളിങ് ഗ്ളാസ് തുടങ്ങിയവ നഷ്ടപ്പെട്ടത്. ബാഗിന്റെ സിബും ലോക്കും തുറക്കാതെ പേനയുടെ മുന ഉപയോഗിച്ച് സിബ് അടര്ത്തി സാധനങ്ങള് മോഷ്ടിച്ചതായാണ് സംശയം. തിരക്ക്മൂലം ഏതാനും യാത്രക്കാരുടെ ഹാന്ഡ്ബാഗേജുകള് അടുത്ത ദിവസത്തെ ഫ്ലൈറ്റില് വിടാം എന്ന് പറഞ്ഞ് അധികൃതര് വാങ്ങുകയായിരുന്നു. വ്യാഴാഴ്ച ബാഗേജ് കരിപ്പൂരില് എത്തിയതായി വിവരം കിട്ടിയതനുസരിച്ച് ചെന്നതായിരുന്നു. വിമാനത്താവളത്തില് തന്നെ പരിശോധിച്ച് മുഴുവന് സാധനങ്ങളും ഉണ്ടെന്ന് ഉറപ്പ് വരുത്തി എങ്കിലും വീട്ടിലെത്തിയതിനു ശേഷമാണ് ബാഗിനുള്ളില് സാധനങ്ങളുടെ കാലിക്കൂടുകള് മാത്രമാണെന്ന് മനസ്സിലായത്. വിലപിടിപ്പുള്ള സാധനങ്ങള് എടുത്ത് പെട്ടികള് അടച്ച നിലയിലായിരുന്നു. എന്നാല് ബാഗ് കൈപ്പറ്റുന്ന സമയത്ത് പരാതിപ്പെടാത്തതിനാല് പിന്നീട് പരാതി നല്കാന് കഴിയില്ല. മൊബൈല് ഫോണ് നഷ്ടപ്പെട്ടതായി സൈബര്സെല്ലിന് പരാതി നല്കി. സമാന സംഭവങ്ങള് അടുത്തിടെ പലതവണ നടന്നിട്ടുണ്ട്.
-
വായിക്കുക: തട്ടിപ്പ്, വിമാന സര്വീസ്