ഇന്ന് ലോക ജനസംഖ്യ 7 ബില്യൺ കവിഞ്ഞു. അൻപത് വർഷം മുൻപത്തെ കണക്കിനേക്കാൾ രണ്ടര ഇരട്ടിയാണ് ഇത്. ഭൂമിയിൽ ലഭ്യമായ വിഭവങ്ങൾ കുറഞ്ഞു കൊണ്ടിരിക്കെ ഈ വളർച്ച ഭീതിദമാണ്. കോടിക്കണക്കിന് ആളുകൾ ദാരിദ്ര്യം, പട്ടിണി, പോഷകാഹാര കുറവ്, രോഗങ്ങൾ, മതിയായ ചികിൽസാ സൌകര്യങ്ങളുടെ അഭാവം, നിരക്ഷരത, യുദ്ധം എന്നിങ്ങനെ സാമൂഹികവും, സാമ്പത്തികവും, രാഷ്ട്രീയവുമായ അനീതികൾ ദിനംപ്രതി നേരിട്ട് കൊണ്ടിരിക്കുന്നു. ജനസംഖ്യാ പെരുപ്പവുമായി ബന്ധപ്പെട്ട പ്രശ്നങ്ങളിലേക്ക് ശ്രദ്ധ തിരിക്കാനായാണ് 1989ൽ ഐക്യരാഷ്ട്ര സഭയുടെ വികസന പദ്ധതി ജൂലൈ 11 ലോക ജനസംഖ്യാ ദിനമായി ആചരിക്കാൻ നിർദ്ദേശിച്ചത്. 1987 ജൂലൈ 11ന് ലോക ജനസംഖ്യ 5 ബില്യൺ കവിഞ്ഞതാണ് ഈ ദിനത്തിന് പ്രചോദനമായത്.
- ജെ.എസ്.
അനുബന്ധ വാര്‍ത്തകള്‍
വായിക്കുക: ഐക്യരാഷ്ട്രസഭ, മനുഷ്യാവകാശം
