ദുബായ് : അഴിമതിയ്ക്കെതിരെ ഗാന്ധിയന്‍ സത്യാഗ്രഹം അനുഷ്ഠിക്കുന്ന അണ്ണാ ഹസാരേയ്ക്ക് e പത്രം പരിസ്ഥിതി ക്ലബ്‌ പിന്തുണ പ്രഖ്യാപിച്ചു. ലക്ഷ്യം നേടിയില്ലെങ്കില്‍ മരിക്കുക എന്ന പ്രഖ്യാപനവുമായി അഴിമതി ക്കെതിരെ സന്ധിയില്ലാ സമരം ചെയ്യുന്ന ഗാന്ധിയനും സാമൂഹിക പ്രവര്‍ത്തകനുമായ അന്നാ ഹസാരെയുടെ നിരാഹാര സത്യാഗ്രഹം മൂന്നു നാള്‍ പിന്നിടുമ്പോള്‍ ലോകമെമ്പാടുമുള്ള ഇന്ത്യാക്കാരോടൊപ്പം ഈ സമരത്തില്‍ പങ്കെടുക്കുകയാണ് എന്ന് e പത്രം പരിസ്ഥിതി സംഘം പ്രവര്‍ത്തകര്‍ അറിയിച്ചു. മുംബൈ, ദില്ലി എന്നിവിടങ്ങളില്‍ ജനങ്ങള്‍ സ്വീകരിച്ച “വെളുത്ത വസ്ത്ര” കാമ്പെയിനില്‍ എല്ലാവരും പങ്കെടുത്ത് അണ്ണാ ഹസാരെയുടെ സമരത്തിന്‌ ഐക്യദാര്‍ഡ്യം പ്രകടിപ്പിക്കണം എന്നും ഇന്നലെ പുറത്തിറക്കിയ പ്രസ്താവനയില്‍ പറയുന്നു.
- pma
