അബുദാബി : രാജേഷ് ചിത്തിര യുടെ പ്രഥമ കവിതാ സമാഹാരം ‘ഉന്‍മത്തത യുടെ ക്രാഷ് ലാന്‍ഡിംഗുകള്‍’ പ്രകാശനം ചെയ്തു. തിരുവനന്തപുരം വൈലോപ്പിള്ളി സംസ്കൃതി ഭവനില്‍ നടന്ന സൌഹൃദ കൂട്ടായ്മയില്‍ നടന്ന ചടങ്ങില്‍ പ്രശസ്ത കവി കുരീപ്പുഴ ശ്രീകുമാര്‍, ആദ്യ പ്രതി ഡോക്ടര്‍ കെ. എം. വേണു ഗോപാലിന് നല്‍കി കൊണ്ട് പ്രകാശനം നിര്‍വ്വഹിച്ചു. പ്രസാധകര്‍ : സൈകതം ബുക്സ്.
യുവ കവി എം. ആര്‍. വിഷ്ണു പ്രസാദ്‌ പുസ്തക പരിചയം നടത്തി. കഥാകൃത്ത് ബി .മുരളി കവി ശാന്തന്‍, രവികുമാര്‍ എം. ജി., ഷൈജു കോട്ടാത്തല, ദിനേശ്. സീ. പീ., ഡോമിനിക് കാട്ടൂര്‍, അനില്‍ കുര്യാത്തി, സുനില്‍ പണിക്കെര്‍, കവയിത്രികളായ സബീന എം. സാലി, കുസുമം എം. പുന്നപ്ര തുടങ്ങിയവര്‍ പങ്കെടുത്തു.
- ഫൈസല്‍ ബാവ
