ഹൈദരാബാദ്‌: തെലുങ്ക് സൂപ്പര്‍ നടന്‍ കെ. ചിരഞ്‌ജീവി രാജ്യസഭയിലേക്ക് തെരഞ്ഞെടുക്കപ്പെട്ടതിനെ തുടര്‍ന്ന്‌ ആന്ധ്രാപ്രദേശ്‌ നിയമസഭാംഗത്വം രാജിവച്ചു. രാവിലെ സ്‌പീക്കര്‍ എന്‍.മനോഹറിനെ സന്ദര്‍ശിച്ച ചിരഞ്‌ജീവി രാജിക്കത്ത്‌ നല്‍കി. പ്രജാരാജ്യം പാര്‍ട്ടി രൂപീകരിച്ച്‌ തെരഞ്ഞെടുപ്പില്‍ മത്സരിച്ച ചിരഞ്‌ജീവി നിയമസഭയില്‍ നില മെച്ചപ്പെടുത്തിയിരുന്നു എന്നാല്‍ പിന്നീട്‌ പാര്‍ട്ടി കോണ്‍ഗ്രസില്‍ ലയിക്കുകയായിരുന്നു. ഇതോടെയാണ് രാജ്യസഭയിലേക്ക് കളമൊരുങ്ങിയത്. അടുത്ത മന്ത്രിസഭാ വികസനത്തില്‍ ഇദ്ദേഹം മന്ത്രിയാകും എന്നാണു സൂചന. 2009ലെ പൊതുതെരഞ്ഞെടുപ്പില്‍ തിരുപ്പതി മണ്ഡലത്തില്‍ നിന്നാണ്‌ ചിരഞ്‌ജീവി നിയമസഭയില്‍ എത്തിയത്‌. രാജ്യസഭാംഗമായി ചിരഞ്‌ജീവി ഏപ്രില്‍ മൂന്നിന്‌ സത്യപ്രതിജ്‌ഞ ചെയ്യും.
- ന്യൂസ് ഡെസ്ക്
അനുബന്ധ വാര്‍ത്തകള്‍
വായിക്കുക: ഇന്ത്യന്‍ രാഷ്ട്രീയം, ഇന്ത്യന്‍ രാഷ്ട്രീയ നേതാക്കള്‍
