മധ്യപ്രദേശ് : ഒരു പെണ്കുട്ടിയെ കാമുകനോടൊപ്പം ഒളിച്ചോടി പോവാന് സഹായിച്ചു എന്ന കുറ്റം ആരോപിച്ച് മധ്യപ്രദേശിലെ തല്വാഡാ ഗ്രാമത്തില് രണ്ട് സ്ത്രീകളെ പരസ്യമായി നഗ്നരാക്കി പൊതു നിരത്തിലൂടെ നടത്തിച്ചു. ഇവരെ പെണ്കുട്ടിയുടെ കുടുംബാംഗങ്ങള് പിടികൂടി നന്നായി മര്ദ്ദിക്കുകയും, മര്ദ്ദനത്തെ തുടര്ന്ന് ഇവരെ പരസ്യമായി നഗ്നരാക്കി പൊതു നിരത്തിലൂടെ നടത്തിക്കുകയും ചെയ്തു എന്ന് സ്ഥലം പോലീസ് സൂപ്രണ്ട് അറിയിച്ചു. പോലീസ് സ്റ്റേഷന് വരെ ഇങ്ങനെ നടന്ന ഇവര് പരാതി പറഞ്ഞു എങ്കിലും ആദ്യം പോലീസ് വെറും ബലപ്രയോഗ ത്തിനാണത്രെ കേസ് ചാര്ജ് ചെയ്തത്. എന്നാല് പിന്നീട് സംഭവം ഉന്നതങ്ങളില് എത്തിയതിനെ തുടര്ന്ന് മാനനഷ്ടത്തിനും സ്ത്രീ പീഢനത്തിനും മറ്റും ഐ.പി.സി. 354ാം വകുപ്പ് പ്രകാരം കേസെടുക്കുകയും കുറ്റക്കാരെ എല്ലാം അറസ്റ്റ് ചെയ്യുകയും ആയിരുന്നു.
- ജെ.എസ്.
അനുബന്ധ വാര്ത്തകള്
വായിക്കുക: ഇന്ത്യ, കുറ്റകൃത്യം