സി.പി.എമ്മില് നിന്നും വിട്ടു പോയവരും പുറത്തക്കപ്പെട്ടവരും മുന്കൈ എടുത്ത് രൂപീകരിച്ച ഇടതുപക്ഷ ഏകോപന സമിതി ഇനി അഖിലേന്ത്യാ തലത്തിലും. ഇന്ത്യയിലെ ഇതര സംസ്ഥാനങ്ങളില് ഉള്ള സംഘടനകളുമായി ചേര്ന്നാണ് അഖിലേന്ത്യാ തലത്തില് ഇടതുപക്ഷ ഏകോപന സമിതിക്ക് കഴിഞ്ഞ ദിവസം രൂപം നല്കിയത്. കേരളത്തില് നിന്നുള്ള ഇടതുപക്ഷ ഏകോപന സമിതി, സി. പി. എം. (എം) പഞ്ചാബ്, സി. പി. ഐ. (എം. എല്.) ലിബറേഷന്സ് തുടങ്ങിയ സംഘടനകള് ആണ് ഇതില് പ്രധാനമായും ഉള്ളത്. കേരളത്തില് എം. ആര്. മുരളിയടക്കം ഉള്ളവരാണ് ഇതിനു നേതൃത്വം നല്കുന്നത്. സി. പി. എം. വലതു വല്ക്കരണത്തിന്റെ പാതയില് ആണെന്നും, ശക്തമായ ഇടതുപക്ഷ വീക്ഷണം പുലര്ത്തുന്ന സംഘടനകള് അനിവാര്യ മാണെന്നുമുള്ള വീക്ഷണമാണ് ഇത്തരമൊരു ഏകോപന സമിതിയുടെ രൂപീകരണത്തിന് പുറകില്. ദേശീയ തലത്തില് യഥാര്ത്ഥ ഇടതുപക്ഷ നിലപാടുകള് ഉയര്ത്തി പ്പിടിക്കുകയും അതോടൊപ്പം പൊതു രാഷ്ടീയ നിലപാടുകള് ഉയര്ത്തി പ്പിടിച്ചു കൊണ്ട് പ്രക്ഷോഭ പരിപാടികള് സംഘടിപ്പിക്കുകയും ആണ് സംഘടനയുടെ ലക്ഷ്യങ്ങളില് പ്രധാനം എന്ന് നേതാക്കള് വ്യക്തമാക്കി.
-
അനുബന്ധ വാര്ത്തകള്
വായിക്കുക: ഇന്ത്യന് രാഷ്ട്രീയം
