ശ്രീലങ്കയില് നിന്നും പലായനം ചെയ്ത് തമിഴ് നാട്ടിലെ വ്യത്യസ്ത അഭയാര്ത്ഥി ക്യാമ്പുകളില് കഴിയുന്ന തമിഴ് വംശജര്ക്ക് ഇന്ത്യയില് റെസിഡന്റ് പദവി നല്കി അവര്ക്ക് നിയമ സാധുത നല്കാന് കേന്ദ്ര സര്ക്കാര് ആലോചിക്കുന്നു. ഇത് സംബന്ധിച്ച് തമിഴ് നാട് മുഖ്യ മന്ത്രി എം. കരുണാനിധി പ്രധാന മന്ത്രി മന്മോഹന് സിംഗിന് നല്കിയ എഴുത്തിനു മേലെയാണ് കേന്ദ്രം ഇത്തരം ഒരു നടപടിക്ക് മുതിരുന്നത് എന്ന് കേന്ദ്ര ആഭ്യന്തര മന്ത്രി പി. ചിദംബരം ശനിയാഴ്ച്ച അറിയിച്ചു. തമിഴ് നാട്ടില് ഭരണത്തില് ഇരിക്കുന്ന ദ്രാവിട മുന്നേറ്റ കഴകം കഴിഞ്ഞ ആഴ്ച്ച കാഞ്ചീപുരത്ത് യോഗം കൂടി ഒരു ലക്ഷത്തോളം വരുന്ന തമിഴ് അഭയാര്ത്ഥികള്ക്ക് സ്ഥിര താമസ പദവി നല്കണമെന്ന് പ്രമേയം പാസാക്കിയിരുന്നു. ഇതിനെ തുടര്ന്നാണ് ഈ ആവശ്യം ഉന്നയിച്ച് കരുണാനിധി പ്രധാനമന്ത്രിക്ക് കത്തയച്ചത്. വിദേശ കാര്യ മന്ത്രി എസ്. എം. കൃഷ്ണയുമായി കൂടിയാലോചിച്ച ശേഷം പ്രധാന മന്ത്രി ഈ കാര്യത്തില് തീരുമാനം എടുക്കും എന്നാണ് സൂചന.
- ജെ.എസ്.
അനുബന്ധ വാര്ത്തകള്
വായിക്കുക: ഇന്ത്യ, മനുഷ്യാവകാശം
