മുംബൈ : മാലേഗാവ് ബോംബ് സ്ഫോടന കേസിലെ പ്രധാന പ്രതികളിൽ ഒരാളായ മനോഹർ സിങ്ങ് കുറ്റം സമ്മതിച്ചു. മുംബൈയിലെ പ്രത്യേക കോടതിയിൽ ഇന്ന് ദേശീയ അന്വേഷണ ഏജൻസി അറിയിച്ചതാണ് ഈ കാര്യം. 2006ൽ മഹാരാഷ്ട്രയിലെ മാലേഗാവിൽ നടന്ന ബോംബ് സ്ഫോടനവുമായി ബന്ധപ്പെട്ട് നടക്കുന്ന അദ്യ അറസ്റ്റാണ് മനോഹസ് സിങ്ങിന്റേത്. കഴിഞ്ഞ ദിവസം മദ്ധ്യപ്രദേശിലെ ഇൻഡോറിൽ നിന്നാണ് ദേശീയ അന്വേഷണ ഏജൻസി ഇയാളെ പിടികൂടിയത്.
2007ലെ സംഝൌത്താ എക്സ്പ്രസ് സ്ഫോടനവുമായി ബന്ധപ്പെട്ട് അറസ്റ്റിലായ രാജേന്ദർ ചൌധരിയുടെ മൊഴിയാണ് മനോഹർ സിങ്ങിന്റെ അറസ്റ്റിലേക്ക് നയിച്ചത്. ഇയാളെ ചോദ്യം ചെയ്തതിനെ തുടർന്ന് മാലേഗാവ് സ്ഫോടനവുമായി ബന്ധപ്പെട്ട മറ്റു പ്രതികളെ കുറിച്ചുള്ള സുപ്രധാന സൂചനകൾ പോലീസിന് ലഭിച്ചതായാണ് സൂചന.
- ജെ.എസ്.
അനുബന്ധ വാര്‍ത്തകള്‍
വായിക്കുക: കുറ്റകൃത്യം, തീവ്രവാദം, പോലീസ്‌
