-778559.jpg)
പതിനാറ് വയസുള്ള സ്കൂള് വിദ്യാര്ത്ഥിനി റിയാലിറ്റി ഷോ ജഡ്ജിയുടെ പരിഹാസം കേട്ട് കുഴഞ്ഞ് വീണ പശ്ചാത്തലത്തില് റിയാലിറ്റി ഷോകള്ക്ക് നിയമം മൂലം നിയന്ത്രണങ്ങള് ഏര്പ്പെടുത്താന് കേന്ദ്ര മന്ത്രി സഭ ഉദ്ദേശിക്കുന്നു. വനിതാ ശിശു വികസന മന്ത്രി രേണുക ചൌധരി ചൊവ്വാഴ്ച മാധ്യമങ്ങളോട് വെളിപ്പെടുത്തിയതാണ് ഈ കാര്യം. റിയാലിറ്റി ഷോ ജഡ്ജിമാര്ക്ക് പെരുമാറ്റ ചട്ടവും ഇതിനോട് അനുബന്ധിച്ച് നടപ്പിലാക്കും. മത്സരാര്ത്ഥികളെ എന്തും പറയാനുള്ള സാഹചര്യം അനുവദിയ്ക്കില്ല. റിയാലിറ്റി ഷോ ജഡ്ജിമാര് ഉപയോഗിയ്ക്കുന്ന മാന്യമല്ലാത്ത ഭാഷ പല കുട്ടികളേയും വേദനിപ്പിയ്ക്കുന്നുണ്ട്. ഇതിനെതിരെ പെരുമാറ്റ ചട്ടം കൊണ്ടു വരും എന്നും മന്ത്രി അറിയിച്ചു.
കൊച്ചു കുട്ടികളെ മാധ്യമങ്ങള് അനുചിതമായി പ്രദര്ശിപ്പിയ്ക്കുന്നതിനെതിരെ സര്ക്കാര് ജുവനൈല് ജസ്റ്റിസ് ആക്ട് പ്രകാരം നടപടികള് സ്വീകരിയ്ക്കും എന്ന് മന്ത്രി പ്രഖ്യാപിച്ചു.
കുട്ടികളുടെ അവകാശങ്ങളെ സംരക്ഷിയ്ക്കുവാന് തങ്ങളാല് കഴിയുന്ന എല്ലാ നടപടികളും സര്ക്കാര് കൈ കൊള്ളും. എന്നാല് ഇത്തരം പരിപാടികള്ക്ക് തങ്ങളുടെ കുഞ്ഞുങ്ങളെ അയയ്ക്കുന്നതിന് മുന്പ് പരിപാടിയുടെ നിലവാരത്തെ കുറിച്ച് മാതാപിതാക്കള് ഉറപ്പു വരുത്തണം എന്നും മന്ത്രി കൂട്ടിച്ചേര്ത്തു.
ജഡ്ജിമാരുടെ ക്രൂരതയ്ക്ക് ഇരയായി ശരീരം തളര്ന്ന് ആശുപത്രിയില് ചികിത്സയിലായ സ്കൂള് വിദ്യാര്ത്ഥിനിയുടെ നില മെച്ചപ്പെട്ട് വരുന്നു എന്ന് ഡോക്ടര്മാര് അറിയിച്ചു.
- റിയാലിറ്റി ഷോ ക്രൂരതയ്ക്ക് കുട്ടികളെ മാതാപിതാക്കള് വിട്ട് കൊടുക്കരുത്
- ആടിനെ പട്ടിയാക്കുന്ന റിയാലിറ്റി ഷോകള് പ്രവാസികളെ തേടി യു.എ.ഇ. യിലും
- ബൂലോഗത്ത് ഏറെ ചര്ച്ച ചെയ്യപ്പെട്ട ഒരു റിയാലിറ്റി ഷോ ജഡ്ജ്മെന്റ് വിവാദം
- ജെ.എസ്.
അനുബന്ധ വാര്ത്തകള്
വായിക്കുക: കുട്ടികള്, മനുഷ്യാവകാശം, സാംസ്കാരികം
സംഗതി ശരിയാണ്. റിയാലിറ്റി ഷോ കാണുമ്പോള് ജഡ്ജിമാരുടെ അഭിപ്രായങ്ങള് അതിരു കടക്കുന്നുണ്ടോ എന്ന് സംശയിക്കാറുണ്ട്. ഒരു പരിധി കടക്കുന്നത് അരോചകവും കുട്ടികളെ വേദനിപ്പിക്കുന്നതും ആവും എന്നാണ് എന്റെ അഭിപ്രായം.