 |
 |
 |
 |
 |
 |
 |
 |
 |
 |
 |
 |
 |
 |
ഒറീസ : 2008ല് ന്യൂനപക്ഷ സമുദായത്തിന് നേരെ നടന്ന വര്ഗ്ഗീയ കലാപത്തില് രണ്ടു കേസുകളിലായി പ്രതികളായ പതിനാലു പേര്ക്ക് ഒറീസയിലെ കോടതി മൂന്നു വര്ഷം കഠിന തടവ് വിധിച്ചു. തടവിനു പുറമേ ന്യൂന പക്ഷ സമുദായക്കാരുടെ വീടുകള്ക്ക് തീ വെച്ചതിന് ഇവര് നാലായിരത്തി അഞ്ഞൂറ് രൂപ പിഴയും അടയ്ക്കണം എന്നും കോടതി ഉത്തരവിട്ടു. മതിയായ തെളിവ് ഇല്ലാത്തതിനാല് ആറു പേരെ കോടതി വെറുതെ വിട്ടു.
- ജെ.എസ്.
വായിക്കുക: കുറ്റകൃത്യം, കോടതി, തീവ്രവാദം, മനുഷ്യാവകാശം
ന്യൂഡല്ഹി : സ്പെക്ട്രം അഴിമതി ഇത്രയും കാലം തടയാന് തയ്യാറാവാത്ത പ്രധാന മന്ത്രി ഇതിന് മറുപടി പറഞ്ഞേ മതിയാവൂ എന്ന് സി.പി.ഐ. (എം.) പോളിറ്റ് ബ്യൂറോ പ്രസ്താവനയില് അറിയിച്ചു. അഴിമതി നടത്തിയ മന്ത്രി എ. രാജയെ പ്രോസിക്യൂട്ട് ചെയ്യാനുള്ള അനുമതി പ്രധാന മന്ത്രി ഇത്രയും കാലം വൈകിച്ചത് എന്തിനാണ് എന്ന് കോടതി ചോദിച്ചത് ന്യായമാണ്. ഇതിന് പ്രധാന മന്ത്രി മന്മോഹന് സിംഗ് പാര്ലമെന്റിനു മുന്പില് വിശദീകരണം നല്കണം. നിരവധി തവണ ആവശ്യപ്പെട്ടിട്ടും ഈ അഴിമതിക്കെതിരെ അന്വേഷണം നടത്താന് പ്രധാന മന്ത്രി തയ്യാര് ആവാഞ്ഞത് എന്ത് എന്നും അദ്ദേഹം വിശദീകരിക്കണം. 2008 നവംബറില് രാജ്യ സഭാംഗം സീതാറാം യെച്ചൂരി ഈ വിഷയത്തില് അന്വേഷണം ആവശ്യപ്പെട്ടു കൊണ്ട് പ്രധാന മന്ത്രിക്ക് എഴുത്ത് അയച്ച കാര്യവും പോളിറ്റ് ബ്യൂറോ പുറത്തിറക്കിയ പ്രസ്താവനയില് ചൂണ്ടിക്കാട്ടി.
- ജെ.എസ്.
വായിക്കുക: അഴിമതി, ഇന്ത്യന് രാഷ്ട്രീയം, ഇന്ത്യന് രാഷ്ട്രീയ നേതാക്കള്, കോടതി
ന്യൂഡല്ഹി : സാമ്പത്തിക ക്രമക്കേട് നടത്തിയ ജസ്റ്റിസ് സൌമിത്ര സെന് കുറ്റക്കാരനാണെന്ന് രാജ്യ സഭ ഏര്പ്പെടുത്തിയ മൂന്നംഗ കമ്മിറ്റി കണ്ടെത്തി. ഭരണഘടനയുടെ 124(4) വകുപ്പ് പ്രകാരം കുറ്റക്കാരന് എന്ന് കണ്ടെത്തിയ ജസ്റ്റിസ് സെന്നിനെതിരെ നടപടി സ്വീകരിക്കുന്നതോടെ ഇന്ത്യന് ചരിത്രത്തില് ഇംപീച്ച് ചെയ്ത് പുറത്താക്കുന്ന ആദ്യ ജഡ്ജിയാവും. 33 ലക്ഷത്തിലേറെ രൂപയാണ് ഇയാള് 1984ല് തട്ടിപ്പ് നടത്തിയത്. സ്റ്റീല് അതോറിറ്റി ഓഫ് ഇന്ത്യയുടെയും ഷിപ്പിംഗ് കോര്പ്പൊറേഷന് ഓഫ് ഇന്ത്യയുടെയും തമ്മിലുള്ള തര്ക്കത്തില് കോടതിയുടെ റിസീവര് ആയി പ്രവര്ത്തിക്കവെയാണ് ഇയാള് പണം തട്ടിയത്.
- ജെ.എസ്.
വായിക്കുക: അഴിമതി, കുറ്റകൃത്യം, കോടതി, തട്ടിപ്പ്, വിവാദം
ന്യൂഡല്ഹി : കോണ്ഗ്രസ്സ് വക്താവ് മനു അഭിഷേക് സിംഗ്വി അന്യ സംസ്ഥാന ലോട്ടറിക്കാര്ക്കു വേണ്ടി കേരള ഹൈക്കോടതിയില് ഹാജരായ സംഭവം കോണ്ഗ്രസ്സ് കേന്ദ്ര നേതൃത്വം ഗൌരവത്തോടെയാണ് കാണുന്നതെന്ന് കോണ്ഗ്രസ്സ് വക്താവ് ജയന്തി നടരാജന്. സിംഗ്വിയ്ക്കെതിരെ സംസ്ഥാന കോണ്ഗ്രസ്സ് നേതൃത്വം കേന്ദ്ര നേതൃത്വത്തിനു പരാതി നല്കിയിരുന്നു. വിഷയം ഹൈക്കമാന്റ് അച്ചടക്ക സമിതിക്ക് വിട്ടു. വിഷയം പരിശോധിച്ചു വരികയാണെന്നും അതിനു ശേഷം ഹൈക്കമാന്റ് തീരുമാനിക്കുമെന്നും അവര് വ്യക്തമാക്കി. ഈ വിഷയം പരിശോധിക്കുക എ. കെ. ആന്റണി ഉള്പ്പെടുന്ന സമിതി ആയിരിക്കും.
കോണ്ഗ്രസ്സിനെ സംബന്ധിച്ച് ഈ മാസം നടക്കുവാന് ഇരിക്കുന്ന തദ്ദേശ സ്വയം ഭരണ സ്ഥാപനങ്ങളിലേക്കുള്ള തിരഞ്ഞെടുപ്പില് ഒരു പക്ഷെ ഇടതു പക്ഷത്തെ വലിയ തോതില് പരാജയപ്പെടുത്തുവാന് പോലും ശക്തമായിരുന്നു ലോട്ടറി വിവാദം. എന്നാല് അന്യ സംസ്ഥാന ലോട്ടറി ക്കേസില് അഖിലേന്ത്യാ വക്താവു തന്നെ ഹാജരായത് കോണ്ഗ്രസ്സിനു കടുത്ത തിരിച്ചടിയായി മാറി. ലോട്ടറി ക്കേസുമായി ബന്ധപ്പെട്ട് ഇതു വരെ ഇടതു പക്ഷത്തെ കടന്നാക്രമി ക്കുകയായിരുന്ന സംസ്ഥാന കോണ്ഗ്രസ്സ് നേതൃത്വം ലോട്ടറിക്കാര്ക്കു വേണ്ടി സിംഗ്വിയുടെ കടന്നു വരവോടെ പ്രതിരോധത്തിലായി.
- എസ്. കുമാര്
വായിക്കുക: ഇന്ത്യന് രാഷ്ട്രീയം, കേരള രാഷ്ട്രീയം, കോടതി, വിവാദം
ന്യൂഡല്ഹി : രാമ ജന്മ ഭൂമിയില് മഹാക്ഷേത്രം നിര്മ്മിക്കുവാനുള്ള നീക്കങ്ങളിലെ സുപ്രധാന ചുവടു വെയ്പാണ് കോടതി വിധിയെന്ന് ബി. ജെ. പി. നേതാവ് എല്. കെ. അദ്വാനി. സമുദായ സൌഹാര്ദ്ദത്തിലും, ദേശീയോദ്ഗ്രഥനത്തിലും പുതിയ ഒരു കാലഘട്ടത്തിന്റെ തുടക്കമാണ് ഈ വിധി. രാജ്യം പക്വതയോടെയാണ് വിധിയെ സ്വീകരിച്ചതെന്ന് അദ്വാനി പറഞ്ഞു. അയോധ്യ കേസില് അലഹബാദ് കോടതിയുടെ വിധി ബി. ജെ. പി. സ്വാഗതം ചെയ്തു. വിധി പുറത്തു വന്നതിനെ തുടര്ന്ന് ബി. ജെ. പി. യുടെ നേതൃയോഗം ദില്ലിയില് ചേര്ന്നിരുന്നു. അയോധ്യയിലെ രാമ ജന്മ ഭൂമി കേസില് അലഹബാദ് ഹൈക്കോടതിയില് നിന്നും വന്ന വിധി ആരുടേയും ജയമോ പരാജയമോ അല്ലെന്ന് ആര്. എസ്. എസ്. സര് സംഘ ചാലക് മോഹന് ഭഗത് വ്യക്തമാക്കി. ദേശീയ പൈതൃകത്തില് ഉള്ള വിശ്വാസവും ഐക്യദാര്ഢ്യവുമാണ് വിധിയിലൂടെ വ്യക്തമാകുന്നതെന്ന് ഹിന്ദു ഐക്യവേദി ജനറല് സെക്രട്ടറി കുമ്മനം രാജശേഖരന് അഭിപ്രായപ്പെട്ടു.
- എസ്. കുമാര്
വായിക്കുക: ഇന്ത്യന് രാഷ്ട്രീയം, ഇന്ത്യന് രാഷ്ട്രീയ നേതാക്കള്, കോടതി, മതം
വാര്ത്തകള് കേരളം
|
കലാ സാഹിത്യം ലേഖനങ്ങള്
മഞ്ഞ (മാഗസിന്) |
കോളംസ് പള്സ്
പച്ച (പരിസ്ഥിതി) |
മറ്റ് പംക്തികള് ചരമം |
