ന്യൂഡല്ഹി: വിവാഹിതനായ ശേഷവും സോഷ്യല് നെറ്റ് വര്ക്കായ ഫേസ്ബുക്ക് പ്രൊഫൈലില് അവിവാഹിതനായി തുടരുന്ന ഭര്ത്താവിന് നിന്നും വിവാഹ മോചനം ആവശ്യപ്പെട്ട് ഭാര്യ കോടതിയിലെത്തി. ഫേസ്ബുക്ക് പ്രൊഫൈലില് ‘അവിവാഹിതനായി’ തുടരുന്ന ഭര്ത്താവിനെ വിശ്വസിക്കാന് കൊള്ളില്ലെന്ന വാദമാണ് യുവതി നിരത്തിയത്. ബിസിനസ് തിരക്ക് മൂലമാണ് തനിയ്ക്ക് പ്രൊഫൈല് തിരുത്താന് സമയം ലഭിയ്ക്കാതിരുന്നതെന്ന് ഭര്ത്താവ് പറഞ്ഞെങ്കിലും ഈ വാദം അംഗീകരിക്കാന് യുവതി തയ്യാറായില്ല ആന്ധ്രോപ്രദേശ് സ്വദേശികളാണ് ദമ്പതികള്.
രണ്ട് മാസം മുമ്പാണ് ഇവര് വിവാഹിതരായത്. ഔറംഗാബാദ് കുടുംബക്കോടതി ഇരുവരോടും ആറു മാസത്തെ കൗണ്സിലിംഗിനു വിധേയരാകാന് നിര്ദ്ദേശിച്ചിരിയ്ക്കുകയാണ്.
