യു. എ. ഇ. ദേശീയ തിരിച്ചറിയല് കാര്ഡ് e പത്രത്തില് ലഭ്യമാക്കിയതോടെ ആയിര ക്കണക്കിന് ആളുകള് ആണ് കഴിഞ്ഞ രണ്ടു ദിവസങ്ങള് കൊണ്ട് ഈ സൌകര്യം ഉപയോഗ പ്പെടുത്തിയത്. ഇത്തരം ഒരു വിപുലമായ സംരംഭത്തില് എമിറേറ്റ്സ് ഐഡി അധികൃതരുമായി സഹകരിക്കുവാനും ഈ ഉദ്യമത്തില് പങ്കാളിയാകുവാനും സാധിച്ചതില് ഞങ്ങള്ക്ക് സന്തോഷമുണ്ട്. ഒരു പക്ഷെ ആദ്യമായാവും ഇത്തരം ഒരു കൂട്ടായ പ്രവര്ത്തനം ഇത്തരം ഒരു സംരംഭത്തില് യു. എ. ഇ. യില് നടക്കുന്നത്. തങ്ങളുടെ സെര്വര് വമ്പിച്ച ജന തിരക്ക് മൂലം അപ്രാപ്യം ആയ സാഹചര്യത്തില് മറ്റ് വെബ് സൈറ്റുകളെ കൂടി ഉള്പ്പെടുത്തി ഈ പ്രശ്നത്തിന് ഒരു പരിഹാരം കണ്ട എമിറേറ്റ്സ് ഐഡി വകുപ്പിന്റെ വീക്ഷണം പ്രശംസനീയം തന്നെയാണ്. e administration ഇത്തരത്തില് ഒരു ജനകീയ പ്രവര്ത്തനം ആവുന്ന സംഭവം ലോകത്ത് തന്നെ അത്യപൂര്വ്വം ആണ്. സാങ്കേതിക വിദ്യയുടെ ശരിയായ ഉപയോഗവും വിഭവ ശേഷിയുടെ ശാസ്ത്രീയമായ വിതരണവും വഴി എമിറേറ്റ്സ് ഐഡി ഒരു പുതിയ മാതൃക തന്നെയാണ് ലോകത്തിനു മുന്നില് കാഴ്ച്ച വെച്ചിരിക്കുന്നത്. ഇതിലേക്കായി നിര്മ്മിച്ച ഓഫ് ലൈന് റെജിസ്റ്ററേഷന് ആപ്പ്ലിക്കേഷന് എന്ന സോഫ്റ്റ് വെയറിന്റെ ആശയവും പ്രശംസനീയമാണ്. ഇന്റര്നെറ്റ് ബാന്ഡ് വിഡ്ത്തിന്റെ ഉപയോഗം വെട്ടിച്ചുരുക്കുക കൂടി ആയിരുന്നു ഇതിന്റെ ഫലം.
e പത്രത്തില് നിന്ന് ഈ സോഫ്റ്റ്വെയര് ലഭിക്കാന് ഈ പേജ് സന്ദര്ശിക്കുക.
- ദേശീയ തിരിച്ചറിയല് കാര്ഡ് : e പത്രവും പങ്കാളിയായ…
- ദേശീയ തിരിച്ചറിയല് കാര്ഡ് വാങ്ങാനുള്ള തിരക്ക് വര…
യു.എ.ഇ.യില് ദേശീയ തിരിച്ചറിയല് കാര്ഡ് വാങ്ങാനുള്ള തിരക്ക് വര്ദ്ധിച്ചു. ഡിസംബര് 31 ആണ് അവസാന തിയതി. അതേ സമയം, രജിസ്റ്റര് ചെയ്യാനുള്ള സ്ഥലത്തെല്ലാം വന് തിരക്ക് ആണ് അനുഭവപ്പെടുന്നത്. ഒരു ദിവസം മുഴുവന് ക്യൂ നിന്നാലും ഫോം വാങ്ങാനാകുന്നില്ലെന്ന പരാതിയും വ്യാപകമാകുന്നു. മാത്രമല്ല, തിരക്ക് കാരണം ഓണ്ലൈന് വഴിയുള്ള രജിസ്ട്രേഷനും പ്രാവര്ത്തികമാകുന്നില്ല. പുലര്ച്ചെ രണ്ട് മണി മുതല് നാല് മണി വരെ മാത്രമേ ഓണ്ലൈന് രജിസ്ട്രേഷന് നടക്കുന്നുള്ളുവെന്നും റിപ്പോര്ട്ടുണ്ട്. 2009ല് തിരിച്ചറിയല് കാര്ഡ് ഇല്ലാത്ത സ്വദേശികളും വിദേശീയരും അടക്കം എല്ലാവരുടെയും ബാങ്ക് അക്കൗണ്ട് മരവിപ്പിക്കാന് ബാങ്കുകള് തീരുമാനിച്ചിരുന്നു. കൂടാതെ, സര്ക്കാര് സേവനങ്ങളൊന്നും ലഭ്യമാകില്ല. 2010 വരെ പ്രവാസികള്ക്ക് പിഴയടക്കേണ്ടി വരില്ലെന്ന് അധികൃതര് അറിയിച്ചു.
