കൊച്ചി: കേരളത്തില് എത്തിയ കോമണ് വെല്ത്ത് ഗെയിംസിന്റെ ബാറ്റണ് കൊച്ചിയില് ആനപ്പുറത്ത് കയറ്റിയത് വിവാദമാകുന്നു. ബാറ്റണ് മൃഗങ്ങളുടെ മേല് വെയ്ക്കുന്നത് ബാറ്റണ് കൈകാര്യം ചെയ്യേണ്ടത് സംബന്ധിച്ചുള്ള നിയമാവലികള്ക്ക് വിരുദ്ധമാണെന്നും വന്യജീവി നിയമത്തിനും എതിരാണെന്നും ആരോപിച്ച് ആനപ്രേമി സംഘം പ്രവര്ത്തകര് പരാതിയുമായി രംഗത്തെത്തി. ജില്ലാ കളക്ടര് ഡോ. ബീനയുള്പ്പെടെ ഉള്ളവര് പങ്കെടുത്ത ചടങ്ങിലാണ് ബാറ്റണ് ആനപ്പുറത്ത് കയറ്റി പ്രദര്ശിപ്പിച്ചത്. ഇതു സംബന്ധിച്ച് പരാതി പ്രധാനമന്ത്രി യുള്പ്പെടെ ഉള്ളവര്ക്ക് നല്കുമെന്നും കോടതിയെ സമീപിക്കുമെന്നും ആനപ്രേമി സംഘം പ്രസിഡണ്ട് വെങ്കിടാചലം വ്യക്തമാക്കി.
- എസ്. കുമാര്
അനുബന്ധ വാര്ത്തകള്
വായിക്കുക: ആനക്കാര്യം, കായികം, വിവാദം
