റോം : ഫെബ്രുവരിയിൽ തെരഞ്ഞെടുപ്പ് ഉറപ്പാക്കിക്കൊണ്ട് ഇറ്റലിയുടെ രാഷ്ട്രത്തലവൻ പാർലമെന്റ് പിരിച്ചു വിട്ടതായി പ്രഖ്യാപിച്ചു. കഴിഞ്ഞ ദിവസം പ്രധാനമന്ത്രി മാറിയോ മോണ്ടി രാജി വെച്ചതിനെ തുടർന്നാണ് ഈ നടപടി. അടുത്ത തെരഞ്ഞെടുപ്പിൽ മോണ്ടിയുടെ നിലപാട് എന്തായിരിക്കും എന്നാണ് ഇപ്പോൾ രാഷ്ട്രീയ നിരീക്ഷകർ ഉറ്റുനോക്കുന്നത്. ഫെബ്രുവരി 24, 25 തിയതികളിലാണ് തെരഞ്ഞെടുപ്പ് നടക്കുക. അഭിപ്രായ വോട്ടെടുപ്പുകളിൽ മൂന്നോ നാലോ സ്ഥാനം മാത്രമാണ് മോണ്ടിക്ക് ലഭിക്കുന്നത്. ഈ കാരണത്താൽ തന്നെ അദ്ദേഹം ഇത്തവണ മൽസരിക്കില്ല എന്ന് പൊതുവെ കരുതപ്പെടുന്നു.
- ജെ.എസ്.
അനുബന്ധ വാര്‍ത്തകള്‍
വായിക്കുക: ഇറ്റലി
