തൃശൂര് : മലയാളി ശാസ്ത്രജ്ഞനായ നിക്സണ് എം. അബ്രഹാം തലച്ചോറിന്റെ പ്രവര്ത്തനത്തെ കുറിച്ച് നടത്തുന്ന ഗവേഷണം അന്താരാഷ്ട്ര ശാസ്ത്ര സമൂഹത്തിന്റെ ശ്രദ്ധ പിടിച്ചു പറ്റി. “ന്യൂറോണ്” എന്ന ശാസ്ത്ര ജേണലില് വന്ന ഇദ്ദേഹത്തിന്റെ ഗവേഷണ ഫലമാണ് ഇദ്ദേഹത്തിന്റെയും കൂട്ടുകാരുടെയും പുതിയ കണ്ടുപിടുത്തങ്ങള് ലോക ശ്രദ്ധയില് കൊണ്ട് വന്നത്. തലച്ചോറിന് ഗന്ധങ്ങളെ തിരിച്ചറിയാനുള്ള ശേഷിയെ പറ്റിയാണ് ഇദ്ദേഹം നടത്തിയ ഗവേഷണം. എലിയില് നടത്തിയ പരീക്ഷണങ്ങള് വഴി ഗന്ധങ്ങള് തിരിച്ചറിയാനുള്ള മസ്തിഷ്കത്തിന്റെ വേഗതയെ നിയന്ത്രിക്കുന്ന സംവിധാനങ്ങളെ കുറിച്ച് കൂടുതല് വിവരങ്ങള് വെളിപ്പെടുകയായിരുന്നു. സങ്കീര്ണ്ണമായ ഗന്ധങ്ങള് തിരിച്ചറിയാന് ലളിതമായ ഗന്ധങ്ങളെ അപേക്ഷിച്ച് കൂടുതല് സമയം വേണ്ടി വരുന്നു എന്ന ഇദ്ദേഹത്തിന്റെ ഗവേഷണത്തിനു രണ്ടു വര്ഷം മുന്പ് ഹീടല്ബര്ഗ് സര്വ്വകലാശാലയില് നിന്ന് പുരസ്കാരം ലഭിച്ചിരുന്നു.
തൃശൂര് മുണ്ടത്തുകുടിയില് വര്ക്കി അബ്രഹാമിന്റെയും അന്നമ്മ അബ്രഹാമിന്റെയും ഇളയ മകനാണ് നിക്സണ്. ഭാര്യ ജാന്സി ബേബിയും ഹീടല്ബര്ഗ് സര്വ്വകലാശാലയില് ഗവേഷകയാണ്.
 |
 |
 |
 |
 |
 |
 |
 |
 |
 |
 |
 |
 |
 |
ദുബായ് : ഹമാസ് നേതാവ് മഹമൂദ് അല് മബ്ഹൂവ് ദുബായില് കൊല്ലപ്പെട്ടതുമായി ബന്ധപ്പെട്ട് 11 പേരെ തിരിച്ചറിഞ്ഞി ട്ടുണ്ടെന്ന് ദുബായ് പോലീസ് മേധാവി ലെഫ്റ്റന്റ് ജനറല് ദാഹി ഖല്ഫാന് തമീം അറിയിച്ചു. ആറ് ബ്രിട്ടീഷുകാരും ഒരു ഫ്രഞ്ച് കാരനും ഒരു ജര്മന് കാരനും ഒരു സ്ത്രീ ഉള്പ്പടെ മൂന്ന് ഐറിഷ്കാരുമാണ് കൊലപാതകത്തില് പങ്കാളികളായത്. കൊലപാതകം നടത്തിയ ശേഷം ഇവര് വിവിധ യൂറോപ്യന് രാജ്യങ്ങളിലേക്ക് കടക്കുകയായിരുന്നു. ഇവരെ പിടികൂടാനായി ഇന്റര്പോളിന്റെ സഹായം തേടിയിട്ടുണ്ടെന്നും ദാഹി ഖല്ഫാന് അറിയിച്ചു. 
മെല്ബണ്: ഓസ്ട്രേലിയയില് ഇന്ത്യന് വിദ്യാര്ത്ഥികള്ക്ക് നേരെ നടക്കുന്ന അക്രമത്തിന് പ്രതികാരം എന്നവണ്ണം ഒരു കൂട്ടം ഇന്ത്യന് ഹാക്കര്മാര് ഓസ്ട്രേലിയക്കെതിരെ ഓണ് ലൈന് യുദ്ധത്തില് ഏര്പ്പെടുന്നു എന്ന് സൂചന. ഹാക്കേഴ്സ് യൂണിയന് ഓഫ് ഇന്ത്യ എന്ന സംഘമാണ് ഇതിനു പിന്നില് എന്നാണ് സംശയം. ഇവരുടെ ആക്രമണത്തിന് ഇരയായ ഓസ്ട്രേലിയയിലെ മെല്ബണ് നഗരത്തിലെ വ്യവസായ വ്യാപാര സ്ഥാപനങ്ങള്ക്ക് ലക്ഷക്കണക്കിന് ഡോളറിന്റെ നഷ്ടമാണ് ഉണ്ടായത് എന്ന് ഓസ്ട്രേലിയന് മാധ്യമങ്ങള് റിപ്പോര്ട്ട് ചെയ്തു. ഓസ്ട്രേലിയന് പോലീസ് അന്വേഷണം ആരംഭിച്ചിട്ടുണ്ടെങ്കിലും കൂടുതല് വിവരങ്ങള് വെളിപ്പെടുത്താന് അധികൃതര് തയ്യാറായിട്ടില്ല.
ന്യൂഡല്ഹി : യുദ്ധേതര ആവശ്യങ്ങള്ക്കുള്ള ആണവ സഹകരണം ഉറപ്പു വരുത്താന് ഇന്ത്യയും ബ്രിട്ടനും തമ്മില് ആണവ കരാറില് ഒപ്പ് വെച്ചു. ഇതോടെ ഇന്ത്യ ഇത്തരം ഒരു ആണവ കരാറില് ഏര്പ്പെടുന്ന എട്ടാമത്തെ രാഷ്ട്രമായി ബ്രിട്ടന്. ഇതിനു മുന്പ് റഷ്യ, ഫ്രാന്സ്, അമേരിക്ക, കസാഖിസ്ഥാന്, മംഗോളിയ, അര്ജന്റീന, നമീബിയ എന്നീ രാജ്യങ്ങളുമായി ഇന്ത്യ ആണവ കരാറുകളില് ഒപ്പിട്ടിട്ടുണ്ട്. ആണവ ഊര്ജ്ജ കമ്മീഷന് ചെയര്മാന് ശ്രീകുമാര് ബാനര്ജിയും ഇന്ത്യയിലെ ബ്രിട്ടീഷ് ഹൈ കമ്മീഷണര് സര് റിച്ചാര്ഡ് സ്ടാഗും ആണ് വ്യാഴാഴ്ച കരാറില് ഒപ്പിട്ടത്. ഇതോടെ ആണവ ഊര്ജ്ജ സാങ്കേതിക രംഗത്തെ ബ്രിട്ടീഷ് വ്യവസായ ങ്ങള്ക്ക് ഇന്ത്യയുമായി കച്ചവടത്തില് ഏര്പ്പെടാന് ആവശ്യമായ നിയമത്തിന്റെ ചട്ടക്കൂട് ലഭ്യമാകും.
ബെയ്ജിംഗ് : തിബത്തിനെ കുറിച്ചുള്ള എന്ത് ചര്ച്ചയും പുരോഗമിക്കണമെങ്കില് ദലായ് ലാമ രാഷ്ട്രീയ വിഷയങ്ങളില് നിന്നും അകന്നു നില്ക്കണം എന്ന് ചൈന ആവശ്യപ്പെട്ടു. ഇന്ത്യയും ചൈനയും തമ്മിലുള്ള അതിര്ത്തി തര്ക്കത്തില് ദലായ് ലാമ ഇടപെടുന്നതിനെതിരെ ചൈന മുന്നറിയിപ്പ് നല്കുകയും ചെയ്തു. 
ലോസ് ആഞ്ചെലെസ് : സംഗീതത്തിന്റെ ഓസ്കര് എന്ന് അറിയപ്പെടുന്ന ഗ്രാമ്മി പുരസ്കാരം എ. ആര്. റഹ്മാന് ലഭിച്ചു. ദൃശ്യ മാധ്യമത്തിനു വേണ്ടി നിര്മ്മിച്ച സംഗീത ആല്ബം എന്ന വകുപ്പിലാണ് സ്ലം ഡോഗ് മില്യനെയര് എന്ന സിനിമക്ക് വേണ്ടിയുള്ള എ. ആര്. റഹ്മാന്റെ സൃഷ്ടിക്ക് പുരസ്കാരം ലഭിച്ചത്. ഇതിനു പുറമേ ഗുല്സാര് രചിച്ച്, റഹ്മാന് സംഗീതം നല്കിയ ജെയ് ഹോ എന്ന ഗാനത്തിന് മികച്ച ഗാനത്തിനുള്ള പുരസ്കാരവും ലഭിച്ചു. ബ്രൂസ് സ്പ്രിംഗ്സ്ടീനെ പോലുള്ള പ്രമുഖരെ പുറം തള്ളിയാണ് ഈ ഗാനം ഒന്നാമതായത്.
ദുബായ് : കഴിഞ്ഞ ആഴ്ച ദുബായിലെ ഒരു ഹോട്ടല് മുറിയില് കൊല്ലപ്പെട്ട നിലയില് കണ്ട ഹമാസ് കമാണ്ടര് മഹ്മൂദ് അല് മബ്ഹൂ വിന്റെ ഘാതകരെ ദുബായ് പോലീസ് കണ്ടെത്തി. പ്രൊഫഷണല് കൊലയാളികള് ആണ് കൊല ചെയ്തത് എങ്കിലും ഇവരെ തിരിച്ചറിയാന് മതിയായ തെളിവുകള് ഇവര് അവശേഷിപ്പിച്ചിരുന്നു എന്ന് ദുബായ് പോലീസ് അധികൃതര് പറഞ്ഞു. യൂറോപ്യന് പാസ്പോര്ട്ടുകളുമായി ദുബായില് നിന്നും കടന്നു കളഞ്ഞ ഇവരെ ഇന്റര്പോളിന്റെ സഹായത്താല് പിടി കൂടാനുള്ള ശ്രമം നടക്കുന്നു.
കൊളൊംബൊ : തെരഞ്ഞെടുപ്പില് ജയിച്ചതോടെ ശ്രീലങ്കയില് മഹിന്ദ രാജപക്സെ രാഷ്ട്രീയ രംഗത്തും പിടിമുറുക്കുന്നു. ആദ്യ പടിയായി തെരഞ്ഞെടുപ്പില് തന്റെ എതിരാളിയായിരുന്ന ശരത് ഫോണ്സെക്ക തന്നെ വധിക്കാന് ശ്രമിച്ചു എന്ന് ശ്രീലങ്കന് സര്ക്കാര് ആരോപിച്ചു. ശ്രീലങ്കന് സൈനിക മന്ത്രാലയം അധികൃതര് ഒരു പത്ര സമ്മേളനം നടത്തി അറിയിച്ചതാണ് ഈ കാര്യം. രജപക്സെയുടെ കുടുംബത്തെ ഒന്നാകെ വധിക്കാന് ശരത് ഗോണ്സെക്ക പദ്ധതി ഇട്ടിരുന്നതായി പത്ര സമ്മേളനത്തില് സൈനിക വൃത്തങ്ങള് അറിയിച്ചു. ഇതിന്റെ വ്യക്തമായ തെളിവ് തങ്ങളുടെ പക്കല് ഉണ്ടെന്നും ഇവര് വെളിപ്പെടുത്തി. 
ബെയ്റൂട്ട്: 82 യാത്രക്കാരും 8 വിമാന ജോലിക്കാരും സഞ്ചരിച്ച എത്യോപ്യന് വിമാനം ഇന്ന് പുലര്ച്ചെ ബെയ്റൂട്ട് അന്താരാഷ്ട്ര വിമാന താവളത്തില് നിന്നും പറന്നുയര്ന്ന് അല്പ സമയത്തിനകം കാണാതായി. ടേക്ക് ഓഫ് ചെയ്ത് അല്പ സമയത്തിനകം തന്നെ ലെബനീസ് എയര് ട്രാഫിക് കണ്ട്രോളര് മാര്ക്ക് വിമാനവുമായുള്ള ബന്ധം നഷ്ടപ്പെട്ടു എന്ന് എത്യോപ്യന് എയര്ലൈന് വക്താവ് അറിയിച്ചു.
ഡല്ഹി : പ്രധാന മന്ത്രിയുടെ ഓഫീസിലും ചൈന സൈബര് ആക്രമണം നടത്തിയതായി സൂചന. എന്നാല് ഇതിനായി ചൈനീസ് ഹാക്രമികള് (ഹാക്ക് ചെയ്യുന്ന ആക്രമികള്) റഷ്യയിലെയും, ദക്ഷിണ അമേരിക്കയിലേയും, കാലിഫോര്ണിയയിലെയും ഗേറ്റ് വേകള് ആണ് ഉപയോഗിച്ചത് എന്ന് അന്വേഷണത്തില് വ്യക്തമായിട്ടുണ്ട്. പ്രധാന മന്ത്രിയുടെ ഓഫീസിലെ pmo@nic.in എന്ന ഈമെയില് വായിക്കുവാനായി ഹാക്രമികള് ശ്രമിച്ചതായും അന്വേഷണത്തില് കണ്ടെത്തിയിട്ടുണ്ട്. എന്നാല് ഈ ഉദ്യമം പരാജപ്പെട്ടു എന്നാണ് കരുതപ്പെടുന്നത്. 
