 |
 |
 |
 |
 |
 |
 |
 |
 |
 |
 |
 |
 |
 |
മനാമ : ഹോർമുസ് കടലിടുക്കിനടുത്ത് ഒരു അമേരിക്കൻ നാവിക സേനാ കപ്പൽ ഒരു എണ്ണക്കപ്പലിൽ ഇടിച്ചു. ഇടിയുടെ ആഘാതത്തിൽ അമേരിക്കൻ നാവിക സേനയുടെ കപ്പലായ യു. എസ്. എസ്. പോർട്ടറിന്റെ വലതു ഭാഗം തകർന്നു. എന്നാൽ ആളപായം ഉണ്ടായില്ല എന്നും എണ്ണ മലിനീകരണം സംഭവിച്ചില്ല എന്നും നാവിക സേന അറിയിച്ചു. കപ്പലുകൾ തമ്മിൽ ഇടിക്കാൻ ഉള്ള കാരണത്തെ കുറിച്ചു അന്വേഷണം തുടങ്ങി. ബഹറൈനിൽ നിലയുറപ്പിച്ച അമേരിക്കൻ നാവിക സേനയുടെ അഞ്ചാം കപ്പൽ പടയിൽ അംഗമാവാൻ പുറപ്പെട്ടതായിരുന്നു യു. എസ്. എസ്. പോർട്ടർ.
- ജെ.എസ്.
ബെയ്ജിങ്ങ് : ചൈനയിലെ ഷൌഷാൻ പട്ടണത്തിൽ അണക്കെട്ട് തകർന്ന് 10 പേർ കൊല്ലപ്പെട്ടു. കനത്ത മഴയും വെള്ളപ്പൊക്കവും മൂലമാണ് അണക്കെട്ട് പൊട്ടിത്തർകർന്നത്. തകർന്ന അണക്കെട്ട് അറ്റകുറ്റ പണികൾ ചെയ്ത് പൂർവ്വസ്ഥിതിയിൽ ആക്കുവാനായി ഒരു സംഘം വിദഗ്ദ്ധരെ സംഭവ സ്ഥലത്തേയ്ക്ക് അയച്ചിട്ടുണ്ട്. ഹൈകുയി ചുഴലിക്കാറ്റിനെ തുടർന്ന് പെയ്ത കനത്ത മഴ കാരണമാണ് ഇവിടെ വെള്ളം പൊങ്ങിയത്. തകർന്ന അണക്കെട്ടിൽ നിന്നും ഇരച്ചെത്തിയ വെള്ളപ്പാച്ചിലിൽ 10 പേർ കൊല്ലപ്പെടുകയും 27 പേർക്ക് പരിക്കേൽക്കുകയും ചെയ്തതായി ഔദ്യോഗിക വാർത്താ ഏജൻസി അറിയിച്ചു.
- ജെ.എസ്.
കോപ്പൻഹേഗൻ : ഡെന്മാർക്കിലെ മൃഗശാലയിൽ പുലിയുടെ കടിയേറ്റ് യുവാവ് കൊല്ലപ്പെട്ടു. അഫ്ഗാൻ സ്വദേശിയായ 21 കാരൻ എന്തിനാണ് പുലി മടയിൽ കയറിയത് എന്ന് ഇനിയും വ്യക്തമായിട്ടില്ല. ഇയാളുടെ കഴുത്തിനും നെഞ്ചത്തും കടിയേറ്റ നിലയിൽ രാവിലെ മൃഗശാലാ സൂക്ഷിപ്പുകാരാണ് ജഡം കണ്ടെത്തിയത്. ഇയാളുടെ ചുറ്റും മൂന്ന് പുലികൾ ഉണ്ടായിരുന്നു.
അഫ്ഗാൻ വംശജനായ ഇയാൾക്ക് കഴിഞ്ഞ മാസമാണ് ഡെന്മാർക്ക് പൌരത്വം ലഭിച്ചത്. ഇയാൾ പുലി മടയിൽ കയറിയത് ആത്മഹത്യ ചെയ്യാനുള്ള ഉദ്ദേശത്തോടെയാവാം എന്ന് പോലീസ് കരുതുന്നു. മൃതശരീരം ബന്ധുക്കൾ തിരിച്ചറിഞ്ഞിട്ടുണ്ട്.
- ജെ.എസ്.
- ലിജി അരുണ്‍
വായിക്കുക: അപകടം, അമേരിക്ക, കുറ്റകൃത്യം, ദുരന്തം, മനുഷ്യാവകാശം
ബുക്കാറെസ്റ്റ് :അഴിമതിക്കേസില്‍ ശിക്ഷിക്കപ്പെട്ടതിനെ തുടര്‍ന്ന് റുമാനിയയുടെ മുന്‍ പ്രധാനമന്ത്രി അഡ്രിയാന്‍ നാസ്താസെ ആത്മഹത്യയ്ക്ക് ശ്രമിച്ചു. തോക്ക് ഉപയോഗിച്ച് കഴുത്തില്‍ വെടിവെച്ചാണ് അദ്ദേഹം ജീവനൊടുക്കാന്‍ ശ്രമിച്ചത് ഇപ്പോള്‍ ഗുരുതരാവസ്ഥയില്‍ ആശുപത്രിയിലാണ്. 2000 മുതല്‍ 2004 വരെയുള്ള കാലയളവില്‍ റുമാനിയയുടെ പ്രധാനമന്ത്രിയായിരുന്ന അഡ്രിയാന്‍ തെരഞ്ഞെടുപ്പ് പ്രചാരണത്തിന്റെ മറവില്‍ 15 ലക്ഷം യൂറോയുടെ അഴിമതി നടത്തി എന്ന കുറ്റത്തിന് അഴിമതി കേസില്‍ രണ്ടു വര്‍ഷത്തെ ജയില്‍ശിക്ഷയ്ക്ക്‌ വിധിക്കപ്പെട്ടിരിക്കുന്നു. ഹൈക്കോടതിയും വിധി ശരിവച്ചതോടെ പൊലീസ് അദ്ദേഹത്തെ കസ്റ്റഡിയിലെടുക്കാന്‍ എത്തിയതായിരുന്നു അപ്പോഴാണ് നാസ്താസെ ജീവനൊടുക്കാന്‍ ശ്രമിച്ചത്.
- ന്യൂസ് ഡെസ്ക്
വായിക്കുക: അപകടം, കുറ്റകൃത്യം
നെയ്റോബി: കെനിയന്‍ തലസ്ഥാനമായ നെയ്റോബിയില്‍ ഹെലികോപ്റ്റര്‍ തകര്‍ന്നു കെനിയന്‍ ആഭ്യന്തര സുരക്ഷാ കാര്യ മന്ത്രി ജോര്‍ജ് സയ്ടോടിയും സഹമന്ത്രി ഓര്‍വ ഒജോഡയും മറ്റു നാലു പേരും മരിച്ചു. ഞായറാഴ്ച രാവിലെയായിരുന്നു അപകടം. ഗോംഗ ടൗണ്‍ വനമേഖലയില്‍ വച്ചാണു ഹെലികോപ്റ്റര്‍ അപകടത്തില്‍പ്പെട്ടത്. മുന്‍ വൈസ് പ്രസിഡന്റായിരുന്ന ജോര്‍ജ് വരാനിരിക്കുന്ന പ്രസിഡന്റ് തെരഞ്ഞെടുപ്പില്‍ മല്‍സരിക്കാനിരിക്കുകയായിരുന്നു
- ന്യൂസ് ഡെസ്ക്
അബുജ: നൈജീരിയയില്‍ 153 പേരടങ്ങിയ യാത്രാവിമാനം പാര്‍പ്പിട മേഖലയിലെ കെട്ടിടത്തിനു മുകളിലേക്കു തകര്‍ന്നു വീണു; മുഴുവന്‍ പേരും മരിച്ചതായി റിപ്പോര്‍ട്ട്. വാണിജ്യ നഗരം ലഗോസിലാണ് അപകടം ഉണ്ടായത്‌.
നിയന്ത്രണം വിട്ട വിമാനം കൂപ്പു കുത്തുകയായിരുന്നു. ഡാന എയറിന്‍റേതാണ് അപകടത്തില്‍പ്പെട്ട വിമാനം. തീപടര്‍ന്നതോടെ നിയന്ത്രണം നഷ്ടപ്പെട്ടതാകാം അപകട കാരണമെന്നാണ് പ്രാഥമിക നിഗമനം. ലഗോസില്‍നിന്ന് തലസ്ഥാനം അബുജയിലേക്കു പുറപ്പെട്ട വിമാനത്തിന് ഇഫാക്കൊ മേഖലയില്‍ നിയന്ത്രണം നഷ്ടമാകുകയായിരുന്നെന്ന് ദേശീയ ദുരന്തനിവാരണ ഏജന്‍സി അറിയിച്ചു.
- ന്യൂസ് ഡെസ്ക്
ട്രിപ്പോളി:1988 ഡിസംബറില്‍ അമേരിക്കയുടെ പാനാം 103 ബോംബ്‌ വെച്ച് തകര്‍ത്തു എന്ന കുറ്റത്തിന് തടവില്‍ കഴിഞ്ഞിരുന്ന അബ്ദുള്‍ ബാസിത് അലി അല്‍ മെഗ്രാഹി (60) അന്തരിച്ചു. വിമാനം ന്യൂയോര്‍ക്കിലേക്കു പറക്കുന്നതിനിടെ സ്കോട്ട്ലന്‍ഡിലെ ലോക്കര്‍ബിയില്‍ സ്ഫോടനത്തില്‍ തകര്‍ത്തു എന്നതാണ് കുറ്റം. ദുരന്തത്തില്‍189 അമെരിക്കക്കാര്‍ ഉള്‍പ്പെടെ 270 പേര്‍ കൊല്ലപ്പെട്ടു. ഈ വിവാദമായ ലോക്കര്‍ബി വിമാന സ്ഫോടനത്തെ തുടര്‍ന്ന് അമേരിക്കയും ലിബിയയും യുദ്ധമുണ്ടാകുകയും അമേരിക്ക ലിബിയയിലെ പ്രസിഡന്റിന്റെ കൊട്ടാരത്തിനു മുകളില്‍ വര്‍ഷിച്ച ബോംബില്‍ നിന്നും അന്നത്തെ ലിബിയന്‍ പ്രസിഡന്റ് കേണല്‍ ഖദ്ദാഫി തലനാരിഴക്ക് രക്ഷപ്പെടുകയുമാണ് ഉണ്ടായത്‌.
തുടര്‍ന്ന് വര്‍ഷങ്ങളോളം ഈ കേസ്‌ അന്താരാഷ്ട്ര കോടതിയില്‍ നിലനില്‍ക്കുകയും ഏറെ അന്താരാഷ്ട്ര സമ്മര്‍ദത്തെ ത്തുടര്‍ന്നാണു ലിബിയയിലേക്കു കടന്ന മെഗ്രാഹിയെ ലിബിയ വിചാരണയ്ക്കു സ്കോട്ട്ലന്‍ഡിനു വിട്ടുനല്‍കിയത്. 2001 മുതല്‍ 2009 അവിടെ തടവിലായിരുന്ന ക്കേസിലെ മുഖ്യപ്രതി മെഗ്രാഹി പ്രോസ്റ്റേറ്റ് ക്യാന്‍സര്‍ ബാധിതനായി ചികിത്സയിലായിരുന്നു.
- ന്യൂസ് ഡെസ്ക്
വായിക്കുക: അപകടം, അമേരിക്ക, കുറ്റകൃത്യം, ക്രമസമാധാനം, തീവ്രവാദം, ദുരന്തം, യുദ്ധം, വിമാനം
- ന്യൂസ് ഡെസ്ക്
സുമാത്ര: ഇന്തോനേഷ്യയിലെ സുമാത്ര ദ്വീപില്‍ വീണ്ടും 6.4. തീവ്രതയുള്ള ഭൂചലനം. സമുദ്രാടിത്തട്ടില്‍ നിന്ന് ഏറെ താഴെയാണ് പ്രഭവകേന്ദ്രമെന്ന് ഇന്തോനേഷ്യ ഭൗമ ശാസ്ത്ര വിഭാഗം പറഞ്ഞു. ആളപായമോ നാശനഷ്ടമോ ഇതുവരെ റിപ്പോര്‍ട്ട് ചെയ്തിട്ടില്ല. ബുധനാഴ്ച ബന്ദ ആചെയില്‍ എട്ടിനു മുകളില്‍ തീവ്രത രേഖപ്പെടുത്തിയ രണ്ടു ഭൂചലനത്തിന്റെ തുടര്‍ചലനമാണ് ഇന്നലെ ഉണ്ടായത്‌ എന്ന് കരുതുന്നു.
- ന്യൂസ് ഡെസ്ക്
വാര്‍ത്തകള്‍ കേരളം
|
കലാ സാഹിത്യം ലേഖനങ്ങള്
മഞ്ഞ (മാഗസിന്) |
കോളംസ് പള്സ്
പച്ച (പരിസ്ഥിതി) |
മറ്റ് പംക്തികള് ചരമം |
