സനാ: ടുണീഷ്യയിലെയും ഈജിപ്തിലെയും ജനകീയ മുന്നേറ്റങ്ങളുടെ ചുവടു പിടിച്ച് യെമനില് പൊട്ടിപ്പുറപ്പെട്ട സര്ക്കാര് വിരുദ്ധ പ്രക്ഷോഭം ശക്തമായി. പ്രക്ഷോഭകാരികളെ പിരിച്ചുവിടാന് സുരക്ഷാ സേന ശ്രമിച്ചതോടെ സ്ഥിതി തെരുവു യുദ്ധത്തിലേയ്ക്കു നീങ്ങി. സമരക്കാരും പോലീസും തമ്മിലുണ്ടായ ഏറ്റുമുട്ടലില് 17ഓളം പേര്ക്ക് പരിക്കേറ്റു.
തലസ്ഥാനമായ സനായിലും തെക്കന് പ്രവിശ്യയായ തെയ്സിലുമാണ് ജനകീയ പ്രക്ഷോഭം രൂക്ഷമായിരിക്കുന്നത്. വിദ്യാര്ഥികളും അഭിഭാഷകരും ഉള്പ്പെടെയുള്ള പതിനായിരക്കണക്കിനു സമരക്കാരാണ് രംഗത്തുള്ളത്. അല് തഹ്റിര് ചത്വരത്തിലേയ്ക്കു ഇവര് നടത്തിയ റാലി തടയുന്നതിനായി രണ്ടായിരത്തിലധികം സായുധ അര്ദ്ധ സൈനികരെയാണ് വിന്യസിച്ചിരുന്നത്. ഇലക്ട്രിക് ഷോക്ക് നല്കിയും ലാത്തി ചാര്ജ് നടത്തിയും സമരക്കാരെ പിരിച്ചുവിടാന് സേന ശ്രമിച്ചതോടെയാണ് സ്ഥിതിഗതികള് തെരുവുയുദ്ധത്തിലേയ്ക്കു നീങ്ങിയത്.
മൂന്നു പതിറ്റാണ്ടിലധികമായി യെമനില് ഭരണം നടത്തുന്ന പ്രസിഡന്റ് അലി അബ്ദുള്ള സലേ രാജിവയ്ക്കണമെന്നാണ് സമരക്കാരുടെ ആവശ്യം. 2013ല് നടക്കാനിരിക്കുന്ന പ്രസിഡന്റ് തെരഞ്ഞെടുപ്പില് മത്സരിക്കില്ലെന്ന് സലേ വ്യക്തമാക്കിയെങ്കിലും ഉടന് രാജിയെന്ന ആവശ്യവുമായി പ്രക്ഷോഭകാരികള് മുന്നോട്ടു നീങ്ങുകയാണ്.
ന്യൂഡല്ഹി : കലാപ ബാധിത ദക്ഷിണ കിര്ഗിസ്ഥാനില് നിന്നും 21 ഇന്ത്യന് വിദ്യാര്ത്ഥികള് സുരക്ഷിതരായി ഇന്നലെ രാത്രി ഇന്ത്യയില് തിരിച്ചെത്തി. ഓഷ്, ജലാലാബാദ് എന്നീ പ്രദേശങ്ങളില് നിന്നും 105 ഇന്ത്യാക്കാരെ അധികൃതര് കിര്ഗിസ്ഥാന് തലസ്ഥാനമായ ബിഷ്കെക്കിലേക്ക് നേരത്തെ തന്നെ മാറ്റിയിരുന്നു. കിര്ഗിസ് വിഭാഗവും, ന്യൂനപക്ഷമായ ഉസ്ബെക് വിഭാഗവും തമ്മിലുള്ള കലാപത്തില് 120 ഓളം പേര് ഇവിടെ കൊല്ലപ്പെടുകയും 1600 ഓളം പേര്ക്ക് പരിക്കേല്ക്കുകയും ചെയ്തിരുന്നു. കലാപത്തെ തുടര്ന്ന് ഉസ്ബെക് വിഭാഗക്കാര് വന് തോതില് ഇവിടെ നിന്നും പലായനം ചെയ്യുകയുണ്ടായി. പ്രശ്ന പരിഹാരത്തിന് കിര്ഗിസ്ഥാന് സര്ക്കാര് അന്താരാഷ്ട്ര സഹായം തേടിയിട്ടുണ്ട്.
ന്യൂഡല്ഹി : കിര്ഗിസ്ഥാനില് നടന്ന വംശീയ കലാപത്തില് നൂറിലേറെ പേര് മരിച്ചു. ഒട്ടേറെ ഇന്ത്യന് വിദ്യാര്ത്ഥികള് ഉള്ള ഓഷ്, ജലാലാബാദ് പ്രദേശത്താണ് കലാപം. ഇവിടത്തെ കിര്ഗിസ് ഉസ്ബെക് വംശങ്ങള് തമ്മിലാണ് പോരാട്ടം നടക്കുന്നത്. ഒരു ചൂതാട്ട കേന്ദ്രത്തില് തുടങ്ങിയ കശപിശയാണ് വന് കലാപമായി മാറിയത് എന്ന് സ്ഥിരീകരിക്കാത്ത റിപ്പോര്ട്ടുകളുണ്ട്. ഇരു വിഭാഗങ്ങളിലെയും മുതിര്ന്നവര് തമ്മില് ചര്ച്ചകള് നടക്കുന്നുണ്ട്.
കലാപ ബാധിത പ്രദേശത്തെ മുസ്ലിം പള്ളികള് ചൈന അടച്ചു പൂട്ടി. വെള്ളിയാഴ്ചത്തെ പ്രാര്ത്ഥനക്കായി ഉറുംഖിയിലെ മുസ്ലിം പള്ളികള് തുറക്കരുത് എന്നാണ് സര്ക്കാരിന്റെ നിര്ദ്ദേശം. ഉയിഘൂര് മുസ്ലിം – ഹാന് ചൈനീസ് വിഭാഗങ്ങള് തമ്മില് കഴിഞ്ഞ ഏതാനും ദിവസങ്ങളായി തുടരുന്ന വര്ഗ്ഗീയ കലാപത്തില് 156 പേരാണ് കൊല്ലപ്പെട്ടത്. ആയിരക്കണക്കിന് സൈനികരെ സര്ക്കാര് ഈ പ്രദേശത്ത് ക്രമസമാധാനം നിലനിര്ത്താനായി വിന്യസിച്ചിട്ടുണ്ട്. 
വിയന്നയില് രണ്ട് സിഖ് വിഭാഗങ്ങള് തമ്മില് നടന്ന സംഘര്ഷം അക്രമാസക്തമായതിനെ തുടര്ന്ന് ആക്രമണത്തില് പരിക്കേറ്റ സിഖ് ഗുരു ഇന്നലെ അര്ധ രാത്രി ആശുപത്രിയില് വെച്ച് ജീവന് വെടിഞ്ഞു. വിയന്നയിലെ 15ാം ജില്ലയിലെ ഒരു ഗുരുദ്വാരയില് ആണ് ഇന്നലെ രണ്ട് വിഭാഗങ്ങള് തമ്മില് രൂക്ഷമായ വാക്കു തര്ക്കം ഉണ്ടായത്. തര്ക്കം മൂത്തതിനെ തുടര്ന്ന് ആയുധമെടുത്ത സിഖുകാര് പരസ്പരം ആക്രമിക്കുകയും ആക്രമണത്തില് മുപ്പതോളം പേര്ക്ക് പരിക്കേല്ക്കുകയും ചെയ്തിരുന്നു. കഠാരയും തോക്കും ഉപയോഗിച്ചായിരുന്നു ഇവരുടെ പോരാട്ടം എന്ന് പോലീസ് അറിയിച്ചു. ആക്രമണത്തിനിടയില് 57 കാരനായ ഗുരു സന്ത് രാമാനന്ദിന് വെടി ഏല്ക്കുകയാണ് ഉണ്ടായത്. ഇദ്ദേഹത്തോടൊപ്പം വിയന്നയില് സന്ദര്ശനത്തിന് എത്തിയ ഗുരു സന്ത് നിരഞ്ജന് ദാസിനും വെടി ഏറ്റു എങ്കിലും ഒരു അടിയന്തര ശസ്ത്രക്രിയയെ തുടര്ന്ന് ഇദ്ദേഹത്തിന്റെ നില മെച്ചപ്പെട്ടു വരികയാണ് എന്ന് ഡോക്ടര്മാര് അറിയിച്ചു.
