ഇശല്‍ സന്ധ്യ 2011

November 4th, 2011

ishalsandhya-eenam-doha-epathram

ദോഹ : ഈ വലിയ പെരുന്നാളിന്റെ ആഘോഷത്തിനായി അംബാസ്സഡര്‍ ദോഹയുടെ ബാനറില്‍ “ഈണം ദോഹ” അവതരിപ്പിക്കുന്ന “ഇശല്‍ സന്ധ്യ 2011” നവംബര്‍ 10 ന് 7 മണിക്ക് മുന്‍തസയിലുള്ള മലയാളി സമാജത്തില്‍ അരങ്ങേറും. ഈ പരിപാടിയില്‍ ശാഹിദ് കൊടിയത്തൂര്‍ (ജനപ്രിയ ഗായകന്‍ പട്ടുറുമാല്‍), കണ്ണൂര്‍ സമീര്‍, റഫീക്ക് മാറഞ്ചേരി, ഷക്കീര്‍ പാവറട്ടി, ഹംസ പട്ടുവം, ആഷിക് മാഹി, ജിനി ഫ്രാന്‍സിസ്, നിധി രാധാകൃഷ്ണന്‍, ജിമ്സി ഖാലിദ്‌ എന്നിവര്‍ നയിക്കുന്ന ഗാനമേളയും ഒപ്പനയും, ഡാന്‍സും ഉണ്ടായിരിക്കുന്നതാണ്. എല്ലാവര്‍ക്കും പ്രവേശനം സൌജന്യമാണ്. കൂടുതല്‍ വിവരങ്ങള്‍ക്ക് വിളിക്കുക 55215743

കെ. വി. അബ്ദുല്‍ അസീസ്‌ – ചാവക്കാട് – ദോഹ – ഖത്തര്‍

- ജെ.എസ്.

വായിക്കുക: , , ,

അഭിപ്രായം എഴുതുക »

ജീവന്‍ ടി.വി.യില്‍ “പെരുന്നാള്‍ നിലാവ്”

November 4th, 2011

perunnal-nilavu-jeevan-tv-epathram

ദോഹ : ഈ ബലി പെരുന്നാളിന്റെ ആഘോഷങ്ങള്‍ക്ക് മാറ്റ് കൂട്ടുവാന്‍ ജീവന്‍ ടി.വി. അവതരിപ്പിക്കുന്ന “പെരുന്നാള്‍ നിലാവ്” എന്ന പരിപാടിയില്‍ ദോഹ – ഖത്തറിലെ പ്രശസ്ത ഗായകരായ അന്ഷാദ് തൃശ്ശൂര്‍, റിയാസ് തലശ്ശേരി, ജിമ്സി ഖാലിദ്‌, നിധി രാധാകൃഷ്ണന്‍ എന്നിവര്‍ നയിക്കുന്ന സംഗീത വിരുന്ന് നവംബര്‍ 6 ന് രാത്രി ഖത്തര്‍ സമയം 10 മണിക്ക് ജീവന്‍ ടി.വി.യില്‍ പ്രക്ഷേപണം ചെയ്യുന്നു. ഭക്തി സാന്ദ്രമായ മാപ്പിളപ്പാട്ടുകള്‍ ഉള്‍ക്കൊള്ളിച്ച് കൊണ്ടുള്ള ഈ പരിപാടി സംഗീത ആസ്വാദകര്‍ക്ക് ഏറെ ഇഷ്ട്ടപ്പെടുന്ന രീതിയിലാണ് ഒരുക്കിയിരിക്കുന്നത്.

കെ. വി. അബ്ദുല്‍ അസീസ്‌ – ചാവക്കാട് – ദോഹ – ഖത്തര്‍

- ജെ.എസ്.

വായിക്കുക: , ,

1 അഭിപ്രായം »

പ്രവാസി സാമ്പത്തിക അച്ചടക്കം പാലിക്കണം : കെ. വി. ഷംസുദ്ധീന്‍

November 1st, 2011

kv-shamsudheen-at-doha-ePathram
ദോഹ : ഒരു നല്ല നാളെ സ്വപ്നം കാണുന്ന പ്രവാസി തന്‍റെ സാമ്പത്തികവും തൊഴില്‍ പരവുമായ അവസ്ഥ നാട്ടിലുള്ള അടുത്ത ബന്ധുക്കള്‍ക്ക് വ്യക്തമാക്കി കൊടുക്കണം എന്ന്‍ പ്രമുഖ സാമ്പത്തിക ഉപദേഷ്ടാവും പ്രവാസി ബന്ധു വെല്‍ഫയര്‍ ട്രസ്റ്റ് ചെയര്‍മാനു മായ കെ. വി. ഷംസുദ്ധീന്‍ അഭിപ്രായ പ്പെട്ടു.

ഗള്‍ഫില്‍ കഷ്ടപ്പെട്ടും ബുദ്ധിമുട്ടിയും ജീവിക്കുന്ന പ്രവാസി യുടെ വ്യക്തമായ ചിത്രമല്ല പലപ്പോഴും നാട്ടിലുള്ള ബന്ധുക്കള്‍ക്ക് ലഭിക്കുന്നത്. ഇതു കൊണ്ട് തന്നെ പ്രവാസി കഷ്ടപ്പെട്ട് നാട്ടിലേക്ക് അയക്കുന്ന പണം അടുത്ത ബന്ധുക്കള്‍ ദുര്‍വ്യയം ചെയ്യുന്നതിന് ഇടയാക്കുന്നു.

kv-shamsudheen-doha-audiance-ePathram

അത്യാവശ്യ ങ്ങളും ആവശ്യങ്ങളും അനാവശ്യ ങ്ങളും നിറവേറ്റിയ ശേഷം മാത്രം സമ്പാദ്യത്തെ കുറിച്ച് ചിന്തിക്കുന്നത് കൊണ്ടാണ് പ്രവാസിക്ക് വെറും കയ്യോടെ നാട്ടിലേക്ക് തിരിച്ചു പോകേണ്ടി വരുന്നത്. ഈ അവസ്ഥ മാറി ചെലവ് കുറയ്ക്കാനും സാമ്പത്തിക അച്ചടക്കം പാലിക്കാനും സമ്പാദ്യശീലം വളര്‍ത്താനും പ്രവാസി തയ്യാറാവണം എന്ന് അദ്ദേഹം പറഞ്ഞു.

നവംബര്‍ 17, 18 തീയതി കളില്‍ ദോഹ യില്‍ നടക്കുന്ന ആറാം ഖത്തര്‍ മലയാളി സമ്മേളന ത്തിന്‍റെ മുന്നോടി യായി ഖത്തര്‍ ഇന്ത്യന്‍ ഇസ്‌ലാഹി സെന്‍റര്‍ അബൂ ഹമൂറിലെ ഷെംഫോര്‍ഡ് നോബിള്‍ ഇന്‍റര്‍ നാഷണല്‍ സ്‌കൂളില്‍ സംഘടിപ്പിച്ച ‘പ്രവാസി അറിയാന്‍’ എന്ന ബോധ വത്കരണ പരിപാടി യില്‍ പങ്കെടുത്തു സംസാരിക്കുക യായിരുന്നു കെ. വി. ഷംസുദ്ധീന്‍.

-

വായിക്കുക: ,

അഭിപ്രായം എഴുതുക »

ആസ്പയര്‍ ഖത്തര്‍ ഈദ്‌ – ഓണ സംഗമം

October 12th, 2011

aspire-qatar-nishad-epathram

ദോഹ : പാവറട്ടി നിവാസികളുടെ ഖത്തറിലെ കൂട്ടായ്മയായ “ആസ്പയര്‍ ഖത്തര്‍” എന്ന സംഘടനയുടെ ഉദ്ഘാടനം കഴിഞ്ഞ ദിവസം ദോഹയിലെ ഷാലിമാര്‍ പാലസ് ഹോട്ടലില്‍ നടന്നു. കലാ സാംസ്കാരിക പരിപാടികള്‍ സംഘടിപ്പിച്ചു കൊണ്ട് ഇവിടെ ഒത്തു കൂടുകയും അതോടൊപ്പം കാരുണ്യ സാമൂഹ്യ ക്ഷേമ പ്രവര്‍ത്തനങ്ങള്‍ക്ക് മുന്‍‌തൂക്കം കൊടുത്ത് കൊണ്ട് മുന്നോട്ട് പോകുവാനുമാണ് ഈ കൂട്ടായ്മയുടെ ഉദ്ദേശം. സംഘടനയുടെ പ്രോജക്റ്റ്‌ കോ – ഓര്‍ഡിനേറ്റര്‍ ഷക്കീര്‍ ഷാലിമാര്‍ സ്വാഗതം പറഞ്ഞു. കലയും, സംഗീതവും എല്ലാം അവതരിപ്പിച്ച് കൊണ്ട് പുതിയ സംഘടനകള്‍ രൂപം കൊള്ളുമ്പോള്‍ അതോടൊപ്പം അര്‍ഹത ഉള്ളവരെ കണ്ടെത്തി എന്തെങ്കിലും കാരുണ്യ പ്രവത്തനങ്ങള്‍ ചെയ്യുമ്പോള്‍ ആണ് ഒരു സംഘടന വിജയത്തില്‍ എത്തുന്നതെന്ന് അദ്ധ്യക്ഷ പ്രസംഗത്തില്‍ നിഷാദ് ഗുരുവായൂര്‍ പറഞ്ഞു. കലയും, സംഗീതവും, കാരുണ്യ പ്രവര്‍ത്തനവുമെല്ലാം ഒരു സംഘടനയുടെ ഭാഗമാവുമ്പോള്‍ അതിലേക്ക് വര്‍ണ്ണ വിവേചനവും, രാഷ്ട്രീയ നിറവും കലര്‍ത്താതെ മുന്നേറുവാന്‍ ആശംസാ പ്രസംഗത്തില്‍ അസീസ്‌ ബ്ലാങ്ങാട് പറഞ്ഞു. പോപ്പുലര്‍ ഇലക്‌ട്രിക്കല്‍സ് എം. ഡി. ലതേഷ്, ഖാദര്‍ വന്മേനാട് എന്നിവര്‍ ആശംസകള്‍ അര്‍പ്പിച്ചു. യൂനുസ് പാലയൂര്‍ നന്ദിയും പറഞ്ഞു. തുടര്‍ന്ന് നടന്ന സംഗീത നിശയ്ക്ക് ഷക്കീര്‍ പാവറട്ടി നേതൃത്വം നല്‍കി.

aspire-qatar-members-epathram

ദോഹയിലെ പ്രമുഖ ഇലക്‌ട്രിക്‌ കമ്പനിയായ പോപ്പുലര്‍ ഇലക്‌ട്രിക്കല്‍സ് സ്പോണ്സര്‍ ചെയ്ത്‌ കൊണ്ട് ജനുവരിയില്‍ “പ്രവാസി അമേസിംഗ് നൈറ്റ് – 2012 ” എന്ന പേരില്‍ കലാ സാംസ്കാരിക സംഗീത നിശ പാവറട്ടിയില്‍ സംഘടിപ്പിക്കുമെന്ന് ഭാരവാഹികള്‍ അറിയിച്ചു. പാവറട്ടി പ്രദേശത്തുള്ള ഏതൊരാള്‍ക്കും ഈ സംഘടനയില്‍ അംഗത്വം എടുക്കാവുന്നതാണ് .

കൂടുതല്‍ വിവരങ്ങള്‍ക്ക് വിളിക്കുക – 00974 66947098 , 77163331

(വാര്‍ത്ത അയച്ചത് : കെ. വി. അബ്ദുല്‍ അസീസ്‌ – ചാവക്കാട് – ദോഹ – ഖത്തര്‍)

- കറസ്പോണ്ടന്റ്

വായിക്കുക: ,

അഭിപ്രായം എഴുതുക »

എം. എന്‍. വിജയന്‍ അനുസ്മരണം

October 9th, 2011

mn-vijayan-painting-ePathram
ദോഹ : പ്രവാസി ദോഹ യുടെ മുന്‍ രക്ഷാധികാരിയും പ്രശസ്ത എഴുത്തു കാരനും വാഗ്മി യുമായിരുന്ന എം. എന്‍. വിജയന്‍ മാഷിനെ സംസ്‌കാര ഖത്തര്‍ അനുസ്മരിച്ചു.

വിജയന്‍ മാഷിന്‍റെ നാലാം ചരമ വാര്‍ഷികത്തോട് അനുബന്ധിച്ചാണ് മുന്തസ യില്‍ അനുസ്മരണ ചടങ്ങ് സംഘടിപ്പിച്ചത്. വിജയന്‍മാഷിനെ ക്കുറിച്ചുള്ള ഓര്‍മ്മ കള്‍ക്ക് തിളക്കം കൂടി വരുന്നത് അദ്ദേഹം മുന്നോട്ട് വെച്ച ആശയ ങ്ങളുടെ പ്രസക്തിയെ യാണു സൂചിപ്പിക്കുന്നത് എന്ന് മുഖ്യ പ്രഭാഷണം നടത്തിയ ശാന്തി നികേതന്‍ ഇന്ത്യന്‍ സ്‌കൂള്‍ അദ്ധ്യാപകന്‍ കെ. സി. നാസിര്‍ പറഞ്ഞു.

samsakara-qatar-audiance-ePathram

വിജയന്‍ മാഷിന്‍റെ അനുസ്മരണ ചടങ്ങ് - സദസ്സ്

അഡ്വ. ജാഫര്‍ഖാന്‍ അദ്ധ്യക്ഷത വഹിച്ച ചടങ്ങില്‍ പ്രദോഷ്‌ കുമാര്‍, സാം ബഷീര്‍, കരീം അബ്ദുള്ള, പ്രേം സിംഗ്, ഷംസുദ്ദീന്‍, അബ്ദുള്‍ അസീസ് നല്ല വീട്ടില്‍, രാജന്‍ ജോസഫ് എന്നിവര്‍ സംസാരിച്ചു. സോമന്‍ പൂക്കാട് വിജയന്‍ മാഷിനെ കുറിച്ച് എഴുതിയ കഥ വായിച്ചു. വിജയന്‍മാഷിന്‍റെ ജീവിതവും ചിന്തയും ചിത്രീകരിച്ച ഡോക്യൂമെന്‍ററി ഫിലിം പ്രദര്‍ശനവും നടന്നു. ഖത്തറിലെ ചിത്രകാരന്‍ അച്ചുക്ക വരച്ച വിജയന്‍മാഷിന്‍റെ ചിത്രം ചടങ്ങില്‍ പ്രദര്‍ശിപ്പിച്ചു.

എഴുത്തുകാരുടെ ഇടയിലെ ദാര്‍ശനികന്‍ ആയിരുന്നു വിജയന്‍മാഷെന്നും വിദ്യാര്‍ത്ഥി ജീവിതത്തില്‍ തുടങ്ങി മരിക്കുന്നതുവരെ രാഷ്ട്രീയ പ്രവര്‍ത്തനം തുടര്‍ന്ന അദ്ദേഹത്തിന്‍റെ രാഷ്ട്രീയ വീക്ഷണ ങ്ങള്‍ക്ക് എന്നും ദാര്‍ശനികാടിത്തറ ഉണ്ടായിരുന്നു എന്നും സ്വാഗത പ്രസംഗ ത്തില്‍ മുഹമ്മദ് സഗീര്‍ പണ്ടാര ത്തില്‍ പറഞ്ഞു. അഷറഫ് പൊന്നാനി നന്ദി രേഖപ്പെടുത്തി.

- ലിജി അരുണ്‍

വായിക്കുക: ,

അഭിപ്രായം എഴുതുക »

Page 1 of 512345

« Previous « സച്ചിന്‍ – ജീനിയസ് അണ്‍ പ്ലഗ്ഡ് പ്രകാശനം ചെയ്തു
Next Page » കേരളീയ വിദ്യാഭ്യാസ രംഗം മാറ്റം ആവശ്യപ്പെടുന്നു : ആര്‍. വി. ജി. മേനോന്‍ »



ജലീല്‍ രാമന്തളിക്കും ബി. ...
സുരക്ഷക്കും സമാധാന ത്തിനു...
തടവുകാരെ കൈമാറാന്‍ ഇന്ത്യ...
വ്യാജ മൊബൈലിനെതിരെ കര്‍ശ...
ബോയിംഗിന് ഇത് ചരിത്ര മുഹൂ...
ദുബായ് എയര്ഷോ ആരംഭിച്ചു...
മലയാളി സമാജം ആര്‍. സി. സി...
പ്രവാസി സാമ്പത്തിക അച്ചടക...
ഇന്ത്യന്‍ വിസ ഇനി ഓണ്‍ലൈന...
ദുബായ് ആനപ്രേമി സംഘം മാടമ...
സൌദിയില്‍ 8 ബംഗ്ലാദേശ് സ്...
കേരളീയ വിദ്യാഭ്യാസ രംഗം മ...
തിരുനെല്ലൂര്‍ കരുണാകരന്‍ ...
ബഹറിനില്‍ പ്രക്ഷോഭകാരികളെ...
വാഹനം ഓടിച്ചതിന് സൗദി വനി...
സൗദിയില്‍ ഇനി സ്‌ത്രീകള്‍...
ദുബായില്‍ പ്ലാസ്റ്റിക്‌, ...
ദുബായ്‌ മെട്രോ ഗ്രീന്‍ ലൈ...
പ്രവാസി മലയാളികള്‍ ഓണ ലഹര...
സൃഷ്ടാവിന്റെ മഹത്വം ബോദ്ധ...

Click here to download Malayalam fonts
Click here to download Malayalam fonts
Your Ad Here
Club Penguin


ePathram Magazine