കളിവീടിന് തുടക്കം കുറിച്ചു

October 21st, 2011

അബുദാബി: യുവ കലാ സാഹിതി യു. എ. ഇ. കമ്മിറ്റി യുടെ ആഭിമുഖ്യ ത്തില്‍ വിവിധ എമിറേറ്റു കളില്‍ സംഘടിപ്പിക്കുന്ന കളിവീട് 2011 എന്ന കുട്ടികളുടെ ക്യാമ്പിന് അബുദാബി യില്‍ തുടക്കം കുറിച്ചു.

വിവിധ മേഖല കളിലെ പ്രമുഖര്‍ നേതൃത്വം നല്‍കിയ കളിവീട്, ചിത്രകാരന്‍ രാജീവ് ചിത്രം വരച്ച് ഉദ്ഘാടനം ചെയ്തു. യുവ കലാ സാഹിതി വൈസ് പ്രസിഡന്‍റ് രാജന്‍ ആറ്റിങ്ങല്‍ അദ്ധ്യക്ഷത വഹിച്ചു. ജനറല്‍ സെക്രട്ടറി ഇ. ആര്‍. ജോഷി ക്യാമ്പിനെ ക്കുറിച്ച് വിശദീകരിച്ചു.

അപര്‍ണ സുരേഷിന്‍റെ നാടന്‍ പാട്ടോടെ ആരംഭിച്ച കളിവീട്ടില്‍ ചിത്രകല, മലയാള ഭാഷ, അഭിനയം, ശാസ്ത്രം, സംഗീതം എന്നിങ്ങനെ തരം തിരിച്ച വിവിധ ഗ്രൂപ്പു കളിലായി പരിപാടി കള്‍ നടന്നു.

ജോഷി ഒഡേസ, ഹരീഷ്, പവിത്രന്‍, കെ. പി. എ. സി സജു, മധു പരവൂര്‍, ഇ. പി. സുനില്‍, ലക്ഷ്മണന്‍, നവീന്‍, ദിവ്യവിമല്‍ എന്നിവര്‍ നേതൃത്വം നല്‍കി. നൂറിലേറെ കുട്ടികള്‍ പങ്കെടുത്ത കളിവീട് നാടന്‍ പാട്ടു കളുടെയും കളികളുടേയും സംഗമ വേദിയായി മാറി.

സമാപന സമ്മേളനം കേരള സോഷ്യല്‍ സെന്‍റര്‍ വൈസ് പ്രസിഡന്‍റ് ബാബു വടകര ഉദ്ഘാടനം ചെയ്തു. പി. ചന്ദ്രശേഖരന്‍ സ്വഗതവും അബൂബക്കര്‍ ചാവക്കാട് നന്ദിയും പറഞ്ഞു. ദിവ്യ വിമലിന്‍റെ നേതൃത്വ ത്തില്‍ ഗാനമേളയും അരങ്ങേറി.

- ലിജി അരുണ്‍

വായിക്കുക: ,

അഭിപ്രായം എഴുതുക »

യുവ കലാ സാഹിതി റാസല്‍ ഖൈമ യുണിറ്റ് രൂപീകരിച്ചു

October 16th, 2011

yks-rak-committee-ePathram
റാസല്‍ ഖൈമ : യുവ കലാ സാഹിതി റാസല്‍ ഖൈമ യുണിറ്റ് രൂപീകരിച്ചു. റാസല്‍ ഖൈമ IRC യില്‍ നടന്ന രൂപീകരണ യോഗം സെന്‍ട്രല്‍ കമ്മിറ്റി പ്രസിഡന്‍റ് പി. എന്‍. വിനയ ചന്ദ്രന്‍ ഉല്‍ ഘാടനം ചെയ്തു.

ഭാരവാഹി കളായി കെ.രഘു നന്ദനന്‍ (പ്രസിഡന്‍റ്). എം. ഷാഹുല്‍ ഹമീദ്, എ. അലിയാര്‍ കുഞ്ഞ് (വൈസ് പ്രസിഡണ്ടുമാര്‍), പി. എം. മുഹമ്മദ്‌ ഷാനിക് (സെക്രട്ടറി), ഷാജി, നജീബ് (ജോയിന്‍റ് സെക്രട്ടറിമാര്‍), ശിഹാബ് (ട്രഷറര്‍) എന്നിവരെ തിരഞ്ഞെടുത്തു.

എം. ഷാഹുല്‍ ഹമീദ് യോഗത്തില്‍ അദ്ധ്യക്ഷത വഹിച്ചു. സെന്‍ട്രല്‍ കമ്മിറ്റി അംഗം അഡ്വ. എ. നജുമുദ്ധീന്‍ പുന്നവിള സ്വാഗതവും പി. എം. മുഹമ്മദ്‌ ഷാനിക് നന്ദിയും പറഞ്ഞു.

- ലിജി അരുണ്‍

വായിക്കുക:

അഭിപ്രായം എഴുതുക »

കുട്ടികള്‍ക്കായി ‘കളിവീട് – 2011’

October 11th, 2011

yks-kaliveedu-at-ksc-ePathram
അബുദാബി : യുവ കലാ സാഹിതി യുടെ ആഭിമുഖ്യ ത്തില്‍ യു. എ. ഇ. യുടെ വിവിധ ഭാഗങ്ങളില്‍ സംഘടിപ്പിക്കുന്ന കുട്ടികളുടെ ക്യാമ്പുകള്‍ ‘കളിവീട് – 2011’ എന്ന പേരില്‍ അരങ്ങേറും.

അബുദാബി, മുസ്സഫ, ദുബായ്, ഷാര്‍ജ, എന്നിവിട ങ്ങളിലായി നടക്കുന്ന കളിവീടിന്‍റെ ആദ്യത്തെ എഡിഷന്‍ അബുദാബി യില്‍ ഒക്ടോബര്‍ 14 വെള്ളിയാഴ്ച നാല് മണി മുതല്‍ കേരളാ സോഷ്യല്‍ സെന്‍ററില്‍ നടക്കും.

മലയാള ഭാഷ യുടെ മാധുര്യത്തെ കുട്ടികള്‍ക്കായി പരിചയ പ്പെടുത്തുന്ന കളിവീട്ക്യാമ്പ് അഭിനയം, ചിത്രകല, ശാസ്ത്രം, സംഗീതം എന്നീ വിഷയ ങ്ങളെ അധികരിച്ചാണ് രൂപ പ്പെടുത്തി യിരിക്കുന്നത്. അഞ്ചു മുതല്‍ പതിനഞ്ചു വരെ പ്രായമുള്ള കുട്ടികള്‍ക്ക് ക്യാമ്പി ലേക്കുള്ള പ്രവേശനം സൗജന്യം ആയിരിക്കും. അബുദാബി യില്‍ നടക്കുന്ന ക്യാമ്പിന് ജോഷി ഒഡേസ, ഇ. പി. സുനില്‍, കെ. പി. എ. സി. സജു, ദിവ്യ വിമല്‍ എന്നിവര്‍ നേതൃത്വം നല്‍കും.

വിവരങ്ങള്‍ക്ക് 050 – 32 82 526, 050 – 720 23 48, 050 – 78 25 809 എന്നീ നമ്പറു കളില്‍ ബന്ധപ്പെടണം.

- ലിജി അരുണ്‍

വായിക്കുക: , ,

അഭിപ്രായം എഴുതുക »

കേരള മാതൃക രൂപ പ്പെടുത്തുന്നതില്‍ നാടക വേദി വഹിച്ച പങ്ക് നിര്‍ണ്ണായകം : പ്രമോദ് പയ്യന്നൂര്‍

October 10th, 2011

pramod-payyannur-in-ksc-ePathram
അബുദാബി : ലോകത്തെങ്ങും ചര്‍ച്ച ചെയ്യപ്പെട്ട കേരള മാതൃക രൂപപ്പെടുത്തുന്നതിലും മലയാളി കളുടെ സാംസ്‌കാരിക ബോധം നിര്‍ണ്ണയി ക്കുന്നതിലും മഹത്തര മായ പങ്കു വഹിച്ച ചരിത്ര മാണ് മലയാള നാടക വേദിക്കും നാടക പ്രസ്ഥാനമായ കെ. പി. എ. സി.ക്കും ഉള്ളത് എന്ന് പ്രശസ്ത സംവിധായകന്‍ പ്രമോദ് പയ്യന്നൂര്‍ അഭിപ്രായപ്പെട്ടു.

യുവ കലാ സാഹിതി അബുദാബി യുടെ നാടക വിഭാഗമായ തോപ്പില്‍ഭാസി നാടക പഠന കേന്ദ്രത്തിന്‍റെ ഉദ്ഘാടനം ചെയ്തു സംസാരിക്കുക യായിരുന്നു അദ്ദേഹം.

നവോത്ഥാന കാലഘട്ട ത്തില്‍ മലയാളി യുടെ ബോധത്തെ ശരിയായ ദിശയില്‍ രൂപപ്പെടുത്തു ന്നതിനും അനാചാര ങ്ങള്‍ക്കും അന്ധവിശ്വാസ ങ്ങള്‍ക്കും എതിരെ പൊതു സമൂഹത്തെ ഉയര്‍ത്തി ക്കൊണ്ടു വരുന്നതിനും മലയാള നാടക വേദിക്ക് കഴിഞ്ഞിട്ടുണ്ട് എന്നും അദ്ദേഹം പറഞ്ഞു.

ലോകത്തിനു തന്നെ മാതൃക യായ മതനിരപേക്ഷ സമൂഹ മായി കേരളം മാറിയതിനു പിന്നിലെ നിരവധി ഘടക ങ്ങളില്‍ ഒന്നായിരുന്നു നവോത്ഥാന കാലത്ത് അവതരിപ്പി ക്കപ്പെട്ട മലയാള നാടകങ്ങള്‍. കെ. പി. എ. സി. എന്ന നാടക പ്രസ്ഥാനത്തെ ജനകീയ മാക്കിയ അമര ക്കാരന്‍ ആയിരുന്നു തോപ്പില്‍ ഭാസി. അദ്ദേഹത്തിന്‍റെ പേരില്‍ ഒരു നാടക കൂട്ടായ്മ രൂപം കൊള്ളുന്നതില്‍ സന്തോഷം ഉണ്ടെന്നും പ്രമോദ് പറഞ്ഞു.

ഇ. ആര്‍. ജോഷിയുടെ അദ്ധ്യക്ഷത യില്‍ ചേര്‍ന്ന ഉദ്ഘാടന സമ്മേളന ത്തില്‍ ബാബു വടകര, ശശിഭൂഷണ്‍, കെ. വി. ബഷീര്‍, ചന്ദ്രശേഖരന്‍, സജു കെ. പി. എ. സി. എന്നിവര്‍ സംസാരിച്ചു.

- ലിജി അരുണ്‍

വായിക്കുക: ,

അഭിപ്രായം എഴുതുക »

കേരളീയ വിദ്യാഭ്യാസ രംഗം മാറ്റം ആവശ്യപ്പെടുന്നു : ആര്‍. വി. ജി. മേനോന്‍

October 9th, 2011

rvg-menon-yuva-kala-sahithi-ePathram
ഷാര്‍ജ : സമഗ്രമായ വിദ്യാഭ്യാസ നയം ആവിഷ്‌കരിച്ച് കേരള ത്തിലെ വിദ്യാഭ്യാസ രംഗത്തെ നവീകരിക്കേണ്ടത് അത്യാവശ്യ മാണെന്നു പ്രമുഖ വിദ്യാഭ്യാസ വിചക്ഷണന്‍ ഡോ. ആര്‍. വി. ജി. മേനോന്‍ പറഞ്ഞു.

യുവ കലാ സാഹിതി ഷാര്‍ജ – ദുബായ് കമ്മിറ്റികള്‍ സംഘടിപ്പിച്ച ‘ കേരളീയ വിദ്യാഭ്യാസ രംഗം ആവശ്യപ്പെടുന്ന പരിഷ്‌കാരങ്ങള്‍ ‘ എന്ന ഓപ്പണ്‍ ഫോറ ത്തില്‍ സംസാരിക്കുക യായിരുന്നു അദ്ദേഹം.

കുട്ടികളെ പ്രാഥമിക തലം മുതല്‍ ഡോക്ടര്‍, എന്‍ജിനീയര്‍ എന്നീ കരിയറു കള്‍ക്കായി ഒരുക്കുന്ന ഇന്നത്തെ രീതിക്ക് മാറ്റം ഉണ്ടാവേണ്ടത് അത്യാവശ്യമാണ്. സെക്കന്‍ഡറി തലത്തില്‍ കൂടുതല്‍ മാര്‍ക്ക് വാങ്ങുന്ന ആയിരം പേര്‍ക്കെങ്കിലും സര്‍ക്കാര്‍ സ്‌കോളര്‍ഷിപ്പ് ഏര്‍പ്പെടുത്തണം.

അവരില്‍ സയന്‍സ് ഇതര വിഷയ ങ്ങള്‍ പഠിക്കുന്നവര്‍ക്ക് സര്‍ക്കാര്‍ ജോലി ഉറപ്പു വരുത്തണം. അങ്ങനെ ആണെങ്കില്‍ അദ്ധ്യാപന ശാസ്ത്ര മേഖല യില്‍ മികവാര്‍ന്ന വ്യക്തിത്വ ങ്ങളെ സംഭാവന ചെയ്യാന്‍ കേരളത്തിന് ആവുമെന്നും അദ്ദേഹം പറഞ്ഞു.

യുവ കലാ സാഹിതി സെന്‍ട്രല്‍ കമ്മിറ്റി വൈസ് പ്രസിഡന്‍റ് വിജയന്‍ നണിയൂര്‍ അദ്ധ്യക്ഷത വഹിച്ചു. സത്യന്‍ മാറഞ്ചേരി, അജിത് വര്‍മ, വില്‍സണ്‍ തോമസ് എന്നിവര്‍ സംസാരിച്ചു. പി. ശിവപ്രസാദ് സ്വാഗതവും പ്രകാശന്‍ നന്ദിയും പറഞ്ഞു.

- ലിജി അരുണ്‍

വായിക്കുക: ,

അഭിപ്രായം എഴുതുക »

Page 2 of 712345...Last »

« Previous Page« Previous « എം. എന്‍. വിജയന്‍ അനുസ്മരണം
Next »Next Page » സൌദിയില്‍ 8 ബംഗ്ലാദേശ് സ്വദേശികളുടെ തല വെട്ടി »



ജലീല്‍ രാമന്തളിക്കും ബി. ...
സുരക്ഷക്കും സമാധാന ത്തിനു...
തടവുകാരെ കൈമാറാന്‍ ഇന്ത്യ...
വ്യാജ മൊബൈലിനെതിരെ കര്‍ശ...
ബോയിംഗിന് ഇത് ചരിത്ര മുഹൂ...
ദുബായ് എയര്ഷോ ആരംഭിച്ചു...
മലയാളി സമാജം ആര്‍. സി. സി...
പ്രവാസി സാമ്പത്തിക അച്ചടക...
ഇന്ത്യന്‍ വിസ ഇനി ഓണ്‍ലൈന...
ദുബായ് ആനപ്രേമി സംഘം മാടമ...
സൌദിയില്‍ 8 ബംഗ്ലാദേശ് സ്...
കേരളീയ വിദ്യാഭ്യാസ രംഗം മ...
തിരുനെല്ലൂര്‍ കരുണാകരന്‍ ...
ബഹറിനില്‍ പ്രക്ഷോഭകാരികളെ...
വാഹനം ഓടിച്ചതിന് സൗദി വനി...
സൗദിയില്‍ ഇനി സ്‌ത്രീകള്‍...
ദുബായില്‍ പ്ലാസ്റ്റിക്‌, ...
ദുബായ്‌ മെട്രോ ഗ്രീന്‍ ലൈ...
പ്രവാസി മലയാളികള്‍ ഓണ ലഹര...
സൃഷ്ടാവിന്റെ മഹത്വം ബോദ്ധ...

Click here to download Malayalam fonts
Click here to download Malayalam fonts
Your Ad Here
Club Penguin


ePathram Magazine