മുംബൈ : ഇന്ത്യന്‍ ഓഹരി വിപണിയില്‍ ശക്തമായ മുന്നേറ്റം തുടര്‍ന്നു കൊണ്ടിരിക്കുന്നു. രണ്ടര വര്‍ഷത്തെ ഇടവേളയ്ക്കു ശേഷം ആദ്യമായി നിഫ്റ്റി 5500 പോയന്റ് മറി കടന്നു. ബി. എസ്. ഇ. സെന്സെക്സ് 18,435 പോയന്റിലും എത്തി. സെന്‍സെക്സിലെ നാലു ഓഹരികള്‍ ഒഴികെ ബാക്കി ഇരുപത്താറ് ഓഹരികളും മുന്നേറ്റം കാഴ്ച വെച്ചു. എച്ച്. ഡി. എഫ്. സി., ഐ. സി. ഐ. സി. ഐ. ബാങ്ക്, ജിന്‍ഡാല്‍ സ്റ്റീല്‍, റിലയന്‍സ് തുടങ്ങിയവ നേട്ടം ഉണ്ടാക്കിയപ്പോള്‍ ടാറ്റാ മോട്ടോഴ്സും, ഓ. എന്‍. ജി. സി. യുടേയും ഓഹരി വിലയില്‍ അല്പം ഇടിവുണ്ടായി. യു. ടി. വി. സോഫ്റ്റ് വെയര്‍, യെസ് ബാങ്ക്, എസ്. ബി. ടി. തുടങ്ങിയ ഷെയറുകളിലും ശ്രദ്ധേയമായ മുന്നേറ്റം ഉണ്ടായി.
അമേരിക്കന്‍ വിപണിയില്‍ ഉണ്ടായ മുന്നേറ്റം ആണ് ഇന്ത്യന്‍ വിപണിയ്ക്ക് പ്രചോദനമായത്. ഏഷ്യന്‍ വിപണിയിലും മുന്നേറ്റത്തിന്റെ സൂചനയാണ് കാണുന്നത്.
ന്യൂഡല്‍ഹി: ഡോളറും ($), യൂറോയും (€) പോലെ ഇന്ത്യന്‍ രൂപയ്‌ക്കും ഇനി സ്വന്ത മായി ഒരു ചിഹ്നം. ദേവ നാഗരി ലിപി യിലെ ‘ര’ (र) എന്ന അക്ഷര വും ഇംഗ്ലീ ഷിലെ ‘R‘ എന്ന അക്ഷര വും ചേര്‍ത്താണ്‌ പുതിയ ചിഹ്നം ഉണ്ടാക്കിയത്‌.
ന്യൂ ഡല്‍ഹി : 1997 മുതല്‍ ഇന്ത്യയില്‍ രണ്ടു ലക്ഷത്തോളം കര്‍ഷകരാണ് ആത്മഹത്യ ചെയ്തത് എന്ന് ദേശീയ കുറ്റകൃത്യ രേഖാ ബ്യൂറോ വെളിപ്പെടുത്തി. 2008ല്‍ മാത്രം 16,196 കര്‍ഷകരാണ് ആത്മഹത്യ ചെയ്തത്. അഞ്ച് സംസ്ഥാന ങ്ങളിലാണ് ആത്മഹത്യകള്‍ ഏറ്റവും കൂടുതലായി നടക്കുന്നത്. മഹാരാഷ്ട്ര, ആന്ധ്ര പ്രദേശ്, കര്‍ണ്ണാടക, മധ്യ പ്രദേശ്, ഛത്തീസ്ഗഢ് എന്നീ സംസ്ഥാനങ്ങളാണവ. രാജ്യത്തെ മൊത്താം കര്‍ഷക ആത്മഹത്യയുടെ മൂന്നില്‍ രണ്ടും ഈ സംസ്ഥാനങ്ങളില്‍ നടക്കുന്നു. അതായത് പ്രതിവര്‍ഷം 10,797 ആത്മഹത്യകള്‍. 3802 ആത്മഹത്യകളുമായി മഹാരാഷ്ട്രയാണ് ആത്മഹത്യാ നിരക്കില്‍ ഒന്നാമത്. കഴിഞ്ഞ ഒരു ദശാബ്ദത്തിന്റെ കണക്കുകള്‍ പരിശോധിക്കുമ്പോള്‍ രാജ്യത്തെ ആത്മഹത്യാ നിരക്ക് മാറ്റമില്ലാതെ തുടരുകയാണ് എന്ന് കാണാം. 2003 മുതല്‍ ഇത് ശരാശരി അര മണിക്കൂറില്‍ ഒരു ആത്മഹത്യ എന്ന ദുഖകരമായ വസ്തുതയിലേക്ക് വിരല്‍ ചൂണ്ടുന്നു.
