മംഗലാപുരം: മംഗലാപുരത്ത് വിരുന്നു സൽക്കാരത്തിൽ പങ്കെടുത്തവര്‍ക്ക് നേരെ സദാചാര ഗുണ്ടകളുടെ ആക്രമണം. സൽക്കാരത്തിൽ പങ്കെടുക്കുവാന്‍ എത്തിയ പലര്‍ക്കും ആക്രമണത്തില്‍ പരിക്കേറ്റു. രാത്രി ഏഴരയോടെയാണ് നഗരത്തിലെ മോര്‍ണിങ്ങ് മിസ്റ്റ് എന്ന ഹോട്ടലില്‍ കടന്നു വന്ന അക്രമികള്‍ ആക്രമണം അഴിച്ചു വിട്ടത്. ഇതിന്റെ ദൃശ്യങ്ങള്‍ പകര്‍ത്തുവാന്‍ ചില മാദ്ധ്യമ പ്രവര്‍ത്തകര്‍ ശ്രമിച്ചിരുന്നു. ഹിന്ദു ജാഗരണ വേദിക (എച്ച്. ജെ. വി.) എന്ന സംഘടനയാണ് ആക്രമണത്തിനു പിന്നിലെന്ന് സൂചനയുണ്ട്. സംഭവത്തെ തുടര്‍ന്ന് എട്ടു പേര്‍ക്കെതിരെ പോലീസ് കേസെടുത്തിട്ടുണ്ട്.
നഗരങ്ങളിലെ ഡാന്‍സ് ബാറുകളിലും ബിയര്‍ പാര്‍ലറുകളിലും സഭ്യത വിട്ട് നടത്തപ്പെടുന്ന പാര്‍ട്ടികള്‍ കര്‍ശനമായി നിയന്ത്രിക്കണമെന്നാണ് എച്ച്. ജി. വി. പ്രവര്‍ത്തകരുടെ ആവശ്യം.
- എസ്. കുമാര്‍
അനുബന്ധ വാര്‍ത്തകള്‍
വായിക്കുക: ക്രമസമാധാനം, തീവ്രവാദം
